1 ಮಂಗ್ ಯಕಸಿ ಯಕಾ ಜಾ಼ಗ್ಯಾವ ಮಾಗ್ನ ಕರೀತ್ ಹುತ್ತಾ ತ್ಯ ತ್ಯನಿ ಸಪಿವ್‌ಲ್ಯಾವ ತ್ಯಚಾ ಶಿಶಾತ್ಲಾ ಯೊಕ್ ಮನ್ಲಾ, "ಪ್ರಭು ಯೊಹಾನಾನಿ ಕಸ ಆಪ್‌ಲ್ಯಾ ಶಿಶಾನಾ ಮಾಗ್ನ ಕರಾಚ಼ ಶಿಕಿವ್‍ಲ್ಯಾ ತಸ ತು ಆಮಾನಾ ಸಿಕಿವ್. "

2 ತವಾ ಯೇಸು ತ್ಯನಾ ಮನ್ಲಾ. "ತುಮಿ ಮಾಗ್ನ ಕರ್ತಾನಾ

ಸ್ವರ್ಗಾತ್‌ಲ್ಯಾ ಆಮ್ಚಾ ಬಾ ದೆವಾ, ತುಜ಼ ನಾವ್ ಪವಿತ್ರ ಮನ್ಹಾವ.

ತುಜ಼ ರಾಜೆ ಯವಾವ.

3 ಆಮ್‌ಚ಼ ಖಾಯಿಮಚ಼ ಜೆವಾನ್ ಆಮಾನಾ ಖಾಯಿಮ್ ದೇ.

4 ಆನಿ ಆಮ್ಚಿ ಪಾಪ ಮಾಪ್ ಕರ್

ಕಾ ಮಂಜೆ ಆಮಾನಾ ಚು಼ಕ್ ಕೆಲ್ಯಾಲ್ಯಾ ಪರ್ತೇಕಾಲಾ ಆಮಿ ಮಾಪ್ ಕರ್ತಾವ್.

ಆನಿ ಆಮಾನಾ ಪರಿಕ್ಶೆತ್ ಗಾಲುನಕೊಸ್.

5 ಆನಿ ಯೇಸು ಶಿಶಾನಾ ಮನ್ಲಾ, "ತುಮ್ಚಾತ್‍ಲ್ಯಾ ಯಕಾಲಾ ಯೊಕ್ ಸುಪ್ತಿ ಆಸ್ಥೊ ತ್ಯೊ ತ್ಯಚಿಪ ಅರ್ದೆ ರಾತಿತ್ ಜಾ಼ವುನ್ ತ್ಯಲಾ ಸೊಪ್‌ತ್ಯಾ ಮನಾ ತೀನ್ ಬಾಕ್‌ರ‍್ಯಾ ಉಸ್‌ನ್ಯಾ ದೇ. 6 ಕಾ ಮಂಜೆ ಮಾಜಾ಼ ಯೊಕ್ ಸುಪ್ತಿ ಮಾಜಾ ಗರ‍್ಹಾತ್ ಆಲ್ಯಾ ಆನಿ ತ್ಯಲಾ ಖಾಯಾ ದಿಯಾ ಮಾಜಿಪ ಕಾಯ್ ನಾಹಿ. 7 ತವಾ ತ್ಯೊ ಆತ್ನಿ, "ಮನಾ ತರಾಸ್ ದಿವುನಕೋಸ್ ಆತಾ ದಾರ್ ಲ್ಯಾವ್‌ಲ್ಯಾ ಆನಿ ಮಾಜಿ ಪ್ಯೂರ್ಗಿ ಮಾಜಿಪ ನಿಜ಼ಲ್ಯಾತ ಮಿ ಉಠುನ್ ತುಲಾ ಕಾಯ್ ದಿಯಾ ವ್ಹಯಿತ್ ನಾಹಿ" ಮನ್ಹಿಲ್. 8 ಮಿ ತುಮಾನಾ ಸಾಂಗ್ತೊ, ತ್ಯೊ ತ್ಯಚಾ಼ ಸುಪ್ತಿ ಜಾ಼ಲಾತರಿ ತ್ಯಲಾ ತ್ಯೊ ಉಠುನ್ ದೇನಾರ್ ನಾಹಿ ಫನ್ ತ್ಯಚಾ ಜಾ಼ಚಾ಼ನಿ ತ್ಯೊ ಉಠುನ್ ತ್ಯಲಾ ಪಾಯ್ಜೆ ತ್ಯವ್ಡ ದೇನಾರ್. ಮನ್ಲಾ 9 ಮಿ ತುಮಾನಾ ಸಾಂಗ್ತೊ, ಮಾಗಾ ತವಾ ದೇವ್ ತುಮಾನಾ ದೆನಾರ್ ಸೋದಾ ತವಾ ತುಮಾನಾ ಗಾವ್ನಾರ್ ದಾರ್ ವಾಜ಼್ವಾ ತವಾ ತುಮ್ಚೆ ಸಾಟಿ ದಾರ್ ಉಗಡ್ತಿಲ. 10 ಕಾ ಮಂಜೆ ಕೊನ್ ಮಾಗ್ತೊ ತ್ಯಲಾ ದೆನಾರ್ ಕೊನ್ ಶೊಥೊ ತ್ಯಲಾ ಗಾವ್ಥ ಕೊನ್ ದಾರ್ ಬಡಿವ್ತೊ ತ್ಯಲಾ ಉಗಾಡ್ತ. 11 ತುಮ್ಚಾತ್ ಆಸ್ಲಾ ಕುನಾಚಾ಼ ಬಾ ಹಾಕ್ಯಾ, ತ್ಯೊ ಆಪ್‌ಲ್ಯಾ ಮುಲಾನಿ ಮಾಸ ಮಾಗ್ಲತ ತ್ಯಲಾ ಮಾಸಾ ದಿಯಾಚಾ಼ ಸುಡುನ್ ಸಾಪ್ ದಿಯಿಲ್ ಕ್ಯಾ? 12 ನಾಹಿತ ಆಂಡ ಮಾಗ್‌ಲ್ಯಾಲ ಆಸ್ಥಾನಾ ತ್ಯಲಾ ಇಚು಼ ದಿಯಿಲ್ ಕ್ಯಾ? 13 ತುಮಿ ವಾಯಿಟ್ ಆಸ್ಥಾನಾ ತುಮಿ ತುಮ್ಚಾ ಮುಲಾನಾ ಚಾ಼ಂಗ್ಲ ದಿಯಾ, ಗಿಹ್ಯಾ ಕಳತ ತ ಸ್ವರ್ಗಾತಲ್ಯಾ ಬಾಪ ಕೊನ್ ಮಾಗತೊ ತ್ಯಲಾ ತ್ಯೊ ಕಿತ್ಕ ಇಸೆಸ್ ಕರುನ್ ಪವಿತ್ರಾತ್ಮ ದಿಯಿಲ್. "

14 ಯಕಸಿ ಯೇಸು ಯಾಕ್ ಭುತ್ ಕಾಡಿತ್ ಹುತ್ತಾ. ತ್ಯ ಮುಖ ಹುತ್ತ ತವಾ ಭುತ್ ನಿಗಲ್ಯಾವರ್ ಮುಖಾ ಬೋಲಾ ಲಾಗ್ಲಾ ತ್ಯ ಬಗುನ್ ಲೊಕ ಗಾಭಾರ್ಲಿತ. 15 ಫನ್ ತ್ಯಾತ್ಲ ಕಿತೀಕಿ ಜಾ಼ನ್ ಮನ್ಲ, "ಹ್ಯೊ ಭುಥಾಂಚಾ಼ ದನ್ಹಿ ಬೆಲ್ಜೆಬುಲ್ ಹ್ಯಚಾ ಬಳಾನಿ ಹ್ಯೊ ಭುಥ ಕ್ಯಾಡತ್ಯೊ ಮನ್ಲ.

16 ಆನಿ ದುಸರ ಥೊಡ ಜಾ಼ನ್ ಯೇಸುಚಿ ಪರಿಕ್ಶೆ ಕರುನ್ ಬಗಾಯಾ, "ತ್ಯಚಿಪ ಯೇಕ್ ವಳಕ್ ದ್ಯಾವ್" ಮನ್ಲ. 17 ಫನ್ ಯೇಸುನಿ ತ್ಯಂಚಾ ಮನಾತ್ಲಾ ಇಚಾರ್ ವಳ್ಕುನ್ ತ್ಯನಾ ಮನ್ಲಾ, "ಆಪ್‌ಲ್ಯಾತ್ ಫುಟ್ ಪಡ್‌ಲ್ಯಾಲ ಪರ್ತೇಕ್ ರಾಜ ಹಾಳ್ ಪಡ್ತ ಆನಿ ಗರ‍್ಹಾವ ಘರ್ ಪಡ್ತ. 18 ಸೈತಾನಾತ್ನಿ ದುಯಿ ಪಡ್ಲಿಕಿ ತ್ಯಂಚ಼ ರಾಜ ಕಸ ಟಿಕಲ್? ಕಾ ಮಂಜೆ ಮಿ ಬೆಲ್ಜೆಬುಲಾಚಾ ಬಳಾನಿ ಭುಥ ಕ್ಯಾಡ್ತೊ ಆಸ ತುಮಿ ಮಂಥಾಸಾ. 19 ಫನ್ ಮಿ ಬೆಲ್ಜೆಬುಲಾಚಾ ಬಳಾನಿ ಭುಥ ಕಾಡಿತ್ ಆಸಲ್ ತ ತುಮ್ಚಿ ಲೊಕ ಕುನಾಚಾ ಬಳಾನಿ ಕ್ಯಾಡತ್ಯಾತ? ಮನ್ಹುನ್ ತುಮ್ಚಿ ಲೊಕ ತುಮ್ಚಿಸ್ ಚು಼ಕ್ ಮನ್ಹಾರ್; 20 ಫನ್ ಮಿ ಜ಼ರ್ ದೇವಾಚಾ ಬಳಾನಿ ಭುಥ ಕ್ಯಾಡತ್ಯಾಲಾ ಹಾ ತ ದೇವಾಚ಼ ರಾಜೆ ತುಮ್ಚಿಪ ಆಲ್ಯಾಲ ಹಾ.

21 ಹಾತ್ಯಾರಿ ಗಿಹುನ್ ಬಳ್ ಆಸಲ್ಯಾಲಾ ಮಾನುಸ್ ಆಪ್ಲ ಘರ್ ರಾಖಿತ್ ಆಸ್ಥಾನಾ ತ್ಯಚಾ಼ ಮ್ಹಾಲ್ ಮಾಥಾ ಶಾರ್ಕಾ ರಾಥೊ.

22 ಫನ್ ತ್ಯಚಿವ್ನಿ ಬಳಾಚಾ಼ ಮಾನುಸ್ ತ್ಯಚಿಪ ಯವುನ್ ತ್ಯಲಾ ದರ್ತೊ ತವಾ ಕಚಾ ಹತ್ಯಾರ‍್ಯಾಂಚಿವ ತ್ಯನಿ ಇಸ್ವಾಸ್ ಥೆವ್ಲಾ ಹುತ್ತಾ ತಿ ಹ್ಯೊ ಗಿಹುನ್ ಜಾ಼ತೊ ಆನಿ ತ್ಯಚ಼ ನೆಲ್ಯಾಲ ಸಗ್ಳ ವಾಟುನ್ ಟ್ಯಾಕ್ತೊ. 23 ಕೊನ್ ಮಾಜಾ಼ ನಸ್ತೊ ತ್ಯೊ ಮಾಜಾ಼ ವಾದಿ ವ್ಹತೊ; ಆನಿ ಕಚಾ಼ ಮಾಜಿ ಸಂಗ ಜು಼ಡಿತ್ ನಾಹಿ ತ್ಯೊ ಉದಳ್ತೊ.

24 ಯಕಾ ಮಾನ್ಸಾತ್ನಿ ಭುತ್ ನಿಗಾಲ ಮಂಜೆ ತ್ಯ ಇಸ್ರಾಮಾ ಸುದಿತ್ ಪಾನಿ ನಸ್‌ಲ್ಯಾಲ್ಯಾ ಜಾ಼ಗ್ಯಾವ್ನಿ ಫಿರತ್ ರಾಥ ಇಸ್ರಾಮಾ ಗಾವ್ಲಾ ನಾಹಿ ಮನ್ಹುನ್ ತ್ಯ ಮಿ ಸುಡುನ್ ಆಲ್ಯಾಲ್ಯಾ ಮಾನ್ಸಾಚೆ ಆತ್ ಪರತ್ ಜಾ಼ತೊ ಮಂಥ. 25 ಆನಿ ಯವುನ್ ತ್ಯ ಗರ್ ಲುಟುನ್ ಶಾದ್ರ ಕೆಲ್ಯಾಲ ಬಗುನ್ 26 ತ್ಯ ಭುತ್ ಜಾ಼ವುನ್ ಆಪ್ಲಿಪ್ನಿ ವಾಯಿಟ್ ಆಸ್‌ಲ್ಯಾಲಿ ದುಸ್ರಿ ಸಾತ್ ಭುಥ ಗಿಹುನ್ ಯನಾರ್ ತೀ ತ್ಯಾ ಮಾನ್ಸಾತ್ ಬರ್ಹುನ್ ತಿಥ ರಾನ್ಹಾರ್ ಮಂಗ್ ತ್ಯಾ ಮಾನ್ಸಾಚಿ ಸೆವಟ್ಚಿ ಪರಸ್ಥಿತಿ ಪೈಲ್ಯಾವ್ನಿ ವಾಯಿಟ್ ವ್ಹತ್ತಿ" ಮನ್ಲಾ,

27 ಮಂಗ್ ಆಸ ಜಾ಼ಲ. ಯೇಸು ಹ್ಯಾ ಗುಶ್ಟಿ ಬೊಲತ್ ಆಸ್ಥಾನಾ ಮಾನ್ಸಾತ್ಲಿ ಯೇಕ್ ಬ್ಯಾಯ್ಕೊ ಮಾನುಸ್ ಮೊಟ್ಯಾನಿ ತ್ಯಲಾ "ತುಲಾ ಜ಼ಲ್ಮ ದಿವುನ್ ಬಾಳಗ್‌ಲ್ಯಾಲಿ ಬ್ಯಾಯ್ಕಾ ಮಾನುಸ್ ಖುಬ್ ಬರಿ" ಮನ್ಲಿ.

28 ತವಾ ಯೇಸು, ತ್ಯಚೆ ಪಕ್ಶಿ ಕೊನ್ ದೇವಾಚಿ ವಚ್ನ ಐಕ್ತೊ ಆನಿ ಪ್ಯಾಳ್ತೊ ತ್ಯೊಸ್ ಖುಬ್ ಬರಾ" ಮನ್ಲಾ.

29 ತವಾ ಲೊಕ ತ್ಯಚಿಪ ಯಕಜಾ಼ಗಿ ಜ಼ಮತ್ ಆಸ್ಥಾನಾ ಯೇಸು ಆಸ ಮನ್ಹಾಯಾ ಲಾಗ್ಲಾ ಹಿ ಪಿಳ್ಗಿ ಬುರ್ಸಿ ಪಿಳ್ಗಿ ಹಾ ಹಿ ಅದ್ಬುತ್ ಮಾಗ್ತೆ ಫನ್ ಯೊನಾಚಾ ಅದ್ಬುತಾ ಶಿವಾರ್ ದಿಸಿರಾ ಅದ್ಬುತ್ ಹ್ಯನಾ ಮಿಳ್ನಾರ್ ನಾಹಿ. 30 ಕಾ ಮಂಜೆ ಯೊನಾ ಕಸಾ ನಿನೆವೆವಾಲ್ಯಾನಾ ವಳಕ್ ಜಾ಼ಲಾ ತಸಾ ಮಾನ್ಸಾಚಾ಼ ಲ್ಯೊಕ್ ಹೆ ಪಿಳ್ಗಿಲಾ ವ್ಹಯಿಲ್. 31 ಶೆಬತ್ಲಿ ರಾನಿ ನ್ಯಾಯಿಚಾ ಯಳಾತ್ ಹೆ ಪಿಳ್ಗಿಚಾ ಲೊಕಾ ಸಂಗ ಉಠುನ್ ತ್ಯಂಚಿವ ಚು಼ಕ್ ಥರವಿಲ್: ಕಾ ಮಂಜೆ ಸೊಲೊಮನಾಚ಼ ಗಿನ್ಯಾನ್ ಐಕಾಯಾ ತಿ ಪ್ರತ್ವಿಚಾ ಮುಳಾತ್ನಿ ಆಲಿ ಆನಿ ಮಿ ತುಮಾನಾ ಕ್ಯಾ ಸಾಂಗಾಚ಼ ಮಂಜೆ ಬಗಾ ಸಲೊಮೊನಾವ್ನಿ ಥೊರ್ಲಾ ಯೊಕ್ ಹಿತ ಹಾ. 32 ನಿನೆವೆಚಿ ಲೊಕ ನ್ಯಾಯಿಚಾ ಯಳಾತ್ ಹೆ ಪಿಳ್ಗಿ ಸಂಗ ಉಬಿ ರಾಹುನ್ ಹೆ ಪಿಳ್ಗಿವ ಚು಼ಕ್ ಥರಿವ್ನಾರ್ ಕಾ ಮಂಜೆ ಪ್ರವಾದಿ ಜಾ಼ಲ್ಯಾಲಾ ಯೋನಾಚಾ ಉಪದೆಸಾನಿ ಪಶ್ಚತಾಪ್ ಜಾ಼ಲಾ; ಫನ್ ಬಗಾ ಮಿ ತುಮಾನಾ ಸಾಂಗ್ತೊ ಯೊನಾವ್ನಿ ಥೊರ್ಲಾ ಯೊಕ್ ಹಿಥ ಹಾ.

33 ದೀವಾ ಲಾವುನ್ ಕೊನ್ ಐದಾನಾ ಬುಡಿ ನಾಹಿತ ಕಶಾಚೆ ಆಡ್‌ಶಾ ಥಿವಿತ್ ನಾಹಿ, ತ್ಯೊ ಆತ್ ಯತ್ಯಾಲ್ಯಾನಾ ಉಜಿಡ್ ದಿಸಾಯಾ ವ್ಹಯಿ ಮನ್ಹು‍ನ್ ದಿವಲವನ್ಯಾವ ಥೆವ್‌ತ್ಯಾತ.

34 ತುಜಾ ಅಂಗಾಚಾ಼ ದಿವಾ ತುಜ಼ ಡೊಳ, ತುಜ಼ ಡೊಳ ನಿರ್ದೊಸ್ ಆಸ್‍ಲ್ಯಾವ ತುಜ಼ ಆಂಗ್ ಸಗ್ಳ ಉಜಿಡಾಸ್ ರಾಥ; ದೊಶ್ ರಾಹಿಲ್ ತರ್ ತುಜ಼ ಆಂಗ್ ಬಿ ಆಂದಾರಾತ್ ರಾಥ. 35 ತುಮ್ಚೆ ಮದ್ಲಾ ಉಜಿಡ್ ಆಂದಾರ್ ವ್ಹವು ನಾಹಿ ಆಸ ಬಗಾ. 36 ತುಜ಼ ಸಗ್ಳ ಆಂಗ್ ಉಜಿಡಾಸ್ ರಾಹಿಲ್ ಆನಿ ತ್ಯಚಾ಼ ಕಚಾ಼ಸ್ ಜಾ಼ಗಾ ಆಂದಾರಾತ್ ನಸ್ನಾರ್, ಆಕಾಸ್ಮಾತ್ ತುಮಚ಼ ಆಂಗ್ ಉಜಿಡಾನಿ ಬರ್ಲ್ಯಾವ ತುಮ್ಚಾ ಆಂಗಾಚಾ಼ ಕಚಾ಼ಸ್ ಜಾ಼ಗಾ ಆಂದಾರಾತ್ ರಾಹಿತ್ನಾಹಿ ತವಾ ತುಮಚ಼ ಆಂಗ್ ಸಗ್ಳ ಉಜಿಡಾತ್ ರಾಥ.

37 ಯೇಸು ಬೊಲತಾ ಇತ್‍ಕ್ಯಾತ್ ಯಕಾ ಪರಿಸಾಯಾನಿ ತ್ಯಲಾ ಆಪ್ಲಿಕ್ಡ ಜೆವ್ನಾಲಾ ಹಾಕಟ್ಲಾ ತವಾ ಯೇಸು ಆತ್ ಜಾ಼ವುನ್ ಜೆವ್ನಾಲಾ ಬಸ್ಲಾ. 38 ಯೇಸುನಿ ಜೆವಾಚೆ ಆಂದಿ ಹಾತ್ ಪ್ಯಾ ದುತ್ಲ ನಾಹಿತ ಹ್ಯ ಬಗುನ್ ಪರಿಸಾಯಾಲಾ ಆಜಾಬ್ ವಾಟ್ಲ. 39 ಫನ್ ಪ್ರಭು ತ್ಯಲಾ ಮನ್ಲಾ, "ತುಮಿ ಪರಿಸಾಯಾಚಾ ತಾಟಾ ಬಾಹೀರ‍್ನಿ ಚಾ಼ಂಗಲ್ಯಾ ಕರ್ತಾಸಾ ಫನ್ ತುಮಚಾ಼ ಆತ್ಲಾ ಜಾ಼ಗಾ ಮೊಸಾನಿ ಆನಿ ಬುರ್ಶಾಫನಾನಿ ಬರ್ಹುನ್ ಹಾ. 40 ತುಮಿ ಬುದ್ದಿ ನಸ್‍ಲ್ಯಾಲ್ಯಾ ಮಾನ್ಸಾನು ದೇವಾನಿ ಬಾಹಿರ್ಲಾ ಜಾ಼ಗಾ ಕೆಲಾ ತ್ಯನಿಸ್ ಆತ್ಲಾ ಜಾ಼ಗಾ ಕೆಲ್ಯಾಲಾ ನವ್ಹ ಕ್ಯಾ? 41 ಮನ್ಹುನ್ ಐದಾನಾತ್ನಿ ಆಸ್‍ಲ್ಯಾಲ ಗರಿಬಾನಾ ದಾನ್ ದರ್ಮ ಕರಾ ತವಾ ತುಮಿ ಕ್ಯಾಯ್‌ದ್ಯಾ ಶಾರ್ಕಿ ಬರಿ ವ್ಹನಾರ್.

42 ಆರ ಫರಿಸಾಯಾನು ತುಮ್ಚಿ ಹಾಕಿಗತ್ ಕ್ಯಾ ಸಾಂಗು, ತುಮಿ ದೇವಾಲಾ ತುಮ್ಚೆ ಬಾಗತ್‍ಲ್ಯಾ ಪುದಿನಾ, ಸತಾಪ, ಆನಿ ಪರ್ತೇಕ್ ಬಾಝಿಂಚಾ ಧಾತ್ಲಾ ಯೊಕ್ ಭಾಗ್ ದೇತಾಸಾ ಫನ್ ನ್ಯಾಯಿ ಆನಿ ದೇವಾಚಿ ಮಾಯಾ ಇಸಾರ್ತಾಸಾ ಹ್ಯಾ ಗುಶ್ಟಿ ಕರಾಚಾ ಹುಥ್ಯಾ ಸೊಡಾಚಾ ನವ್‌ಥ್ಯಾ.

43 ಪರಿಸಾಯಾನು ತುಮ್ಚಿ ಹಾಕಿಗತ್ ಕ್ಯಾ ಸಾಂಗು, ಸಭಾಸ್ಥಾನಾತ್‍ ಚಾ಼ಂಗ್ಲ ಮನ್ಹುನ್ ಗಿಹ್ಯಾಚ಼ ಆನಿ ಬಾಜಾ಼ರಾತ್ನಿ ಲೊಕಾಂಚಿಪ್ನಿ ನಮಸ್ಕಾರ್ ಕರುನ್ ಗಹ್ಯಾಚ಼ ತುಮಾನಾ ಆವಾಡ್ತ. 44 ಕಸ್ಲಿ ಲೊಕ ತುಮಿ ಕಾ ಮಂಜೆ ಜಿಮ್ನಿಚಿಗತ್ ಜಾ಼ಲ್ಯಾಲೆ ಮಸುರ್ಡಿಚಿಗತ್ ಹಾಸಾ ತ್ಯಂಚಿವರ್ ಚಾ಼ಲತ್ಯಾಲ್ಯಾ ಲೊಕಾನಾ ಹ್ಯಾ ಮಸುರ್ಡ್ಯಾ ಮನ್ಹುನ್ ಸಮ್ಜ಼ತ್ ನಾಹಿತಾ ಮನ್ಲಾ.

45 ಹ್ಯ ಐಕುನ್ ಯಕಾ ದರ್ಮೊಪದೇಶಕಾನಿ ಯೇಸುಲಾ "ಪ್ರಭು ಹೆ ಸಬಾತ್ ಬುಲುನ್ ಆಮ್ಚಿ ನಿಂದಾ ಕೆಲ್ಯಾಚೆಗತ್ ಜಾ಼ಲಿ ಮನ್ಲಾ.

46 ತವಾ ಯೇಸು ಧರ್ಮೊಪದೇಶಕನಾ ತುಮ್ಚಿ ದುರ್ದೇಸ್ನಾ ಕ್ಯಾ ಸಾಂಗು? ತುಮಿ ಲೊಕಾಂಚಿವ ಉಚ಼್ಲತ್ ನಾಹಿ ಯವ್ಡ ವಜ಼ ವಾವ್ತಾಸಾ; ತುಮಿ ತರಿ ತ್ಯಾ ವಜಾಲಾ ಯಾಕ್ ಬ್ವಾಟ್ ಸಾಹಿತ್ ಲಾವಿತ್ ನಾಹಿಸಾ 47 ತುಮಿ ಕಸ್ಲ ಮಾನುಸ್? ತುಮಿ ಪ್ರವಾದಿಂಚಿ ಥಡಿ ಬ್ಯಾಂತಾಸಾ; ಫನ್ ತ್ಯನಾ ಮ್ಯಾರ್ಲ್ಯಾಲ ತುಮ್ಚಾ ವಡ್ಲಾಂಚಾನಿಸ್! 48 ಮನ್ಹುನ್ ತುಮ್ಚಾ ವಡ್ಲಾಂಚಾನಿ ಕೆಲ್ಯಾಲ್ಯಾ ಕಾಮಾನಾ ತುಮಿಸ್ ಸಾಕ್ಶಿ ಆನಿ ತ್ಯಂಚಿ ಕಾಮ ತುಮಿ ವಪ್‌ಲ್ಯಾ ಶಾರ್ಕಿ ಜಾ಼ಲ್ಹಿತ ಕಾ ಮಂಜೆ ತ್ಯಂಚಾನಿ ಪ್ರವಾದಿನಾ ಮ್ಯಾರ್ಲ ತುಮಿ ತ್ಯಂಚಿ ಥಡಿ ಬ್ಯಾಂಥಾಸಾ. 49 ಮನ್ಹುನ್ ದೇವಾಚ಼ ಗಿನ್ಯಾನ್ ಕ್ಯಾ ಸಾಂಗ್ತ ಮನ್‌ಲ್ಯಾವ "ಮಿ ತ್ಯಂಚಿಪ ಪ್ರವಾದಿನಾ ಆನಿ ಚಾ಼ಂಗ್ಲಿ ಖಬರ್ ಸಾಂಗ್‌ತ್ಯಾಲ್ಯಾನಾ ಲಾವುನ್ ದೇನಾರ್ ತ್ಯಾತ್‌ಲ್ಯಾ ಥೊಡ್ಯಾನಾ ಮಾರುನ್ ಟ್ಯಾಕ್ನಾರ್ ಆನಿ ಥೊಡ್ಯಾನಾ ತರಾಸ್ ದೇನಾರ್. 50 ಪೈಲೆ ದರ್ನಿ ಮ್ಯಾರ್‌ಲ್ಯಾಲ ಸಗ್ಳ ಪ್ರವಾದಿನಾ ಆನಿ ಚಾ಼ಂಗ್ಲಿ ಖಬರ್ ಸಾಂಗ್‌ತ್ಯಾಲ್ಯಾಂಚಾ ಮರ‍್ನಾತ್ ಗಾವಲ್ಯಾಲ್ಯಾ ಲೋಕಾನು ತುಮಾನಾ ಶಿಕ್ಷಾ ವ್ಹನಾರ್.

51 ಹೆಬೆಲಾಲಾ ಮ್ಯಾರ್ಲ್ಯಾ ದರ‍್ನಿ ಯಜ್ಞ ವೆದಿ ಆನಿ ಪವಿತ್ರ ಸ್ಥಾನ್ ಹ್ಯಂಚೆ ಮದ್ದಿ ಜಕರಿಯಾಲಾ ಮ್ಯಾರ್ಲ್ಯಾಪರ‍್ಯಾತ್ ಸಗ್‍ಳ್ಯಾ ಪ್ರವಾದಿಂಚಾ ಮರ್ನಾಚಿ ಸಿಕ್ಸೆ ಹೆ ಪಿಳ್ಗಿಲಾ ವ್ಹನಾರ್ ಮನ್ಹುನ್ ತುಮಾನಾ ಸಾಂಗ್ತೊ.

52 ಆರ ದರ್ಮೊಪದೇಶಕಾನು ತುಮಿ ಕಸ್ಲ ಮಾನುಸ್ ಗಿನ್ಯಾನಾಚಾ ಗರ್ಹಾಚಿ ಚಾವಿ ಚುರ್ಲಿಸಾ ಆನಿ ತುಮಿ ಆತ್ ಗೆಲಾ ನಾಹಿಸಾ; ಆತ್ ಜಾ಼ತ್ಯಾಲ್ಯಾನಾ ಆಡ್ವ ರಾಯ್‌ಲ್ಯಾಸಾ ಮನ್ಲಾ.

53 ಮಂಗ್ ಯೇಸು ತಿಥ್ನಿ ಬಾಹಿರ್ ಆಲಾ ತವಾ ಶಾಸ್ತ್ರಿ ಆನಿ ಫರಿಸಾಯ್ ತ್ಯಲಾ ಖುಬ್ ಆಡ್ವ ವ್ಹವುನ್ ಕಿತಿತರಿ ಗುಶ್ಟಿತ್ ತ್ಯಲಾ ಆಡ್ವ ತಿಡ್ವ ಪ್ರಶ್ನೆ ಇಚಾರಾಯಾ ಯವ್ಜಿತ 54 ಆನಿ ತ್ಯಚಾ ಸಬ್ದಾತ್ನಿ ಕಾಯ್ ತರಿ ಚು಼ಕ್ ದರಾಯಾ ವ್ಹಯಿ ಮನ್ಹುನ್ ತ್ಯಲಾ ಬಗಿತ್ ಹುತ್ತ.