1 ತ್ಯಾ ಯಳಾತ್ ತಿಥ ಆಸ್‍ಲ್ಯಾಲಿ ಥುಡಿ ಲೊಕ ಯವುನ್ ಪಿಲಾತಾನಿ ಗಲಿಲಾಯಾ ಕರಾಂಚ಼ ರಗಾತ್ ತ್ಯಂಚಾನಿ ಅರ್ಪನ್ ಕೆಲ್ಯಾಲ್ಯಾ ಯಜ್ಞಾತ್ ಮಿಸಳ್ಯಾ ಮನ್ಹುನ್ ಯೇಸುಲಾ ಕಳಿವ್ಲ. 2 ಮಂಗ್ ಯೇಸುನಿ ತ್ಯನಾ ಸಾಂಗ್ಲ ಗಲಿಲಾಯಾತ್ ಮ್ಯಾರ್ಲ್ಯಾಲಿ ದಿಸ್ರಿ ಖುಬ್ ಪಾಪಿ ಮನ್ಹುನ್ ತುಮಿ ಸಮಜು಼ನ್ ಗೆಥಾಸ ಕ್ಯಾ? 3 ತಸ ಸಮಜು಼ನಕೋಸಾ ಜ಼ರ್ ತುಮಿ ಪಶ್ಚಾತಾಪಾನಿ ದೇವಾಕ್ಡ ಪರಾತ್ಲಾ ನಾಹಿಸಾ ತ ತುಮಚಾ಼ ಸಗ್‌ಳ್ಯಾಂಚಾ಼ ತ್ಯಂಚಿಗತ್ ನಾಸ್ ವ್ಹನಾರ್! 4 ತ್ಯಾ ಆಟ್ರಾ ಜ಼ನಾವ ಶಿಲೊಹಾತ್ಲಾ ಬುರುಜ್ ಪಡ್ಲಾ ಆನಿ ತೇ ಠಾರ್ ಮೆಲ ತೆ ಯೆರುಸಲೇಮಿತ್ ರಾಥ್ಯಾಲ್ಯಾ ಸಗ್‌ಳ್ಯಾ ಲೊಕಾಂಚಿವ್ನಿ ಅದಿಕ್ ಅಪರಾದಿ ಹುತ್ತ ಆಸ ತುಮಾನಾ ವಾಟ ಕ್ಯಾ? 5 ಮಿ ತುಮಾನಾ ಸಾಂಗ್ತೊ, ತಸ ನವ್ಥ ಫನ್ ಜ಼ರ್ ತುಮಿ ತುಮ್ಚಾ ಪಾಪಾತ್ನಿ ಪರಾತ್ಲಾ ನಾಹಿಸಾತ ತುಮ್ಚಾ ಸಗ್‌ಳ್ಯಾಂಚಾ಼ ತ್ಯಂಚಿಗತ್ ನಾಸ್ ವ್ಹನಾರ್!" ಮನ್ಲಾ.

6 ಯೇಸುನಿ ಹಿ ಕ್ಯಾಯ್ನಿ ಸಾಂಗ್ಲಿ: "ಯಕಾ ಮಾನ್ಸಾನಿ ಆಪ್‌ಲ್ಯಾ ದರಾಕ್ಶಿಚಾ ಮಳ್ಯಾತ್ ಅಂಜು಼ರಾಚ಼ ಜಾ಼ಡ್ ಲ್ಯಾವ್ಲ ಹುತ್ತ. ತ್ಯಲಾ ತ್ಯೊ ಯಂಗ್ದಾ ಫಳ್ ಬಗಾಯಾ ಆಲಾ ಖರ ತ್ಯಲಾ ಕಾಯ್ ದಿಸ್ಲ ನಾಹಿ. 7 ತವಾ ತ್ಯನಿ ಕಾಮ್ಯಾರ‍್ಯಾಲಾ ಹಾಕ್ಟುನ್ ಬಗ್ ಮಿ ಹ್ಯ ಝ಼ಾಡ್ ಫಳ್ ದಿಯಿಲ್ ಮನ್ಹುನ್ ತೀನ್ ವರ್ಸಾ ಠಾವ್ನಿ ಯತ್ಯೊ ಫನ್ ಕಾಯ್ ಗಾವ್ಲ ನಾಹಿ ತ್ಯ ತುಡುನ್ ಟ್ಯಾಕ್ ಉಗಸ್ ತ್ಯನಿ ಜಾ಼ಗಾತರಿ ಕಾ ಆಡ್ಯಾವಾಚಾ಼? ಮನ್ಲಾ. 8 ತವಾ ತ್ಯೊ ಕಾಮ್ಯಾರಾ, "ಧನ್ಯಾ ಯವ್ಡ ವರಿಸ್ ತ್ಯ ರಾಹು‍ನಿ ಮಂಜೆ ಮಿ ತ್ಯಚೆ ಬೌತ ಖಾಂದುನ್ ಖತ್ ಗ್ಯಾಲ್ಥೊ; 9 ತವಾ ಮೊರ್ಲ್ಯಾ ವರ್ಸಾತ್ ಆಂಜು಼ರಾಚ಼ ಫಳ್ ಆಲ ತ ಬರ, ನಾಹಿತ ಮಿ ತ್ಯಲಾ ತುಡುನ್ ಟ್ಯಾಕ್ತೊ" ಮನ್ಲಾ.

10 ಯೇಸು ಸಬ್ಬತ್ ದಿಸಾದಿಸಿ ಯಕಾ ಸಭಾಸ್ಥಾನಾತ್ ಸಿಕ್ವಿತ್ ಹುತ್ತಾ.

11 ಆಟ್ರಾ ವರ್ಸಾ ದ್ನರಿ ಬರ್ಶಾ ಆತ್‌ಮ್ಯಾನಿ ಕಂಬಾರ್ ವಾಕುನ್ ಸೀಕ್ ಪಡ್‌ಲ್ಯಾಲಿ ಯೇಕ್ ಬಾಯಿಲ್ ಮಾನುಸ್ ಹುತ್ತಿ. 12 ಯೇಸುನಿ ತಿಲಾ ಬಗುನ್ ಹಾಕ್ಟುನ್ "ಬಾಯಿ ತು ತುಜಾ ರೊಗಾತ್ನಿ ಸುಟ್ಕಿ ಜಾ಼ಲಿಸ್" ಮನ್ಲಾ. 13 ಯೇಸುನಿ ತಿಚಿವರ್ ಹಾತ್ ಥೆವ್ತಾನಾಸ್ ತಿ ನಿಟ್ ಜಾ಼ಲಿ ಆನಿ ದೇವಾಚಿ ಮೈಮಾ ಗಾವಾಲಾಗ್ಲಿ.

14 ಯೇಸುನಿ ಸಬ್ಬತಾ ದಿಸಿ ರೊಗ್ ಬರಾ ಕೆಲಾ ಮನ್ಹುನ್ ಸಬಾಮಂದಿರಾತ್ಲಾ ಅಧಿಕಾರಿ ರಾಗ್ ಕರುನ್ ಲೊಕ್ ಸಮುದಾಯಾಲಾ ಮನ್ಲಾ, "ವ್ಹಯಿತ್ಯ ಕಾಮ್ ಕರಾಯಾ ಸಾ ದೀಸ್ ಹಾತ್ತ ತವಾ ತ್ಯಾ ದಿಸಾತ್ ಯವುನ್ ಬರ ವ್ಹವುನ್ ಜಾ಼ವಾ ಸಬ್ಬತಾ ದಿಸಿ ತ್ಯವ್ಡ ನಕೊ.

15 ಫನ್ ಯೇಸು ತ್ಯಲಾ ಮನ್ಲಾ, "ಕುಸಡ್ಯಾನು ತುಮ್ಚಾತ್ಲಾ ಪರ್ತೇಕ್ ಜಾ಼ನ್ ಆಪ್ಲಾ ಬೈಲ್ ಕಿವಾ ಗಾಡಾವ್ ಸಬ್ಬತಾ ದಿಸಿ ಗೊಟ್ಯಾತ್ನಿ ಸುಡುನ್ ಪಾನ್ಯಾತ್ ನೆಥ್ಯಾತ ನವ್ಹ? 16 ಹಿ ಬಾಯಿ ಅಬ್ರಹಾಮಾಚಾ ವಂಶಾತ್ಲಿ ಹಿಲಾ ಸೈತಾನಾನಿ ಆಟ್ರಾ ವರ್ಸ ಬಾಂದುನ್ ಥಿವ್ಲಿಹುತ್ತಿ ಸಬ್ಬತಾ ದಿಸಿ ಹಿಲಾ ಹ್ಯಾ ಬಾಂದಾನಾತ್ನಿ ಶೊಡ್‌ಲ್ಯಾಲ ಬರ ನವ್ಹ ಕ್ಯಾ? 17 ತ್ಯೊ ಹ್ಯ ಬೊಲ್ತಾನಾ ತ್ಯಚ಼ ಸಗ್ಳ ವಾದಿ ಫಸ್ಲ ಆನಿ ತ್ಯನಿ ತಿಥ ಚಮತ್ಕಾರಿಚಿ ಕಾಮ ಕಿಲಿತ ತವಾ ಸಗ್‌ಳ್ಯಾನಾ ಆನಂದ್ ಜಾ಼ಲಾ ಹುತ್ತಾ.

18 ಯೇಸು ಕ್ಯಾ ಮನ್ಲಾ ಮಂಜೆ "ದೇವಾಚ಼ ರಾಜೆ ಕಶಾ ಶಾರ್ಕ ಹಾ? ಮಿ ತ್ಯಲಾ ಕಶಾಚಿ ಉದಾರನ್ ದಿವು? 19 ದೇವಾಚ಼ ರಾಜೆ ಮೌರಿಚಾ ದಾನ್ಯಾ ಶಾರ್ಕ ಹಾ. ತ್ಯ ಯಕಾ ಮಾನ್ಸಾನಿ ಗಿಹುನ್ ಆಪ್‌ಲ್ಯಾ ಶೆತಾತ್ ಪೇರ್ಲ ತ್ಯ ಉಗವುನ್ ಮೊಟಾ ಡಾಳ್ಹಾ ಜಾ಼ಲ್ಹಾ. ಆನಿ ಆಬ್ಳಾತ್ಲಿ ಪಾಕ್ರ ತ್ಯಚಾ ಖಾಂಡ್ಯಾವ್ನಿ ಕುಟಿ ಕರುನ್ ರಾಹ್ಯಾ ಲಾಗ್ಲಿತ.

20 ತ್ಯೊ ಆನಿಕ್ ಮನ್ಲಾ, ಮಿ ದೇವಾಚಾ ರಾಜಾಲಾ ಕ್ಯಾ ಉದಾರನ್ ದಿವು? 21 ತ್ಯ ಅಂಬಾಟ್ ಫಿಠಾಚೆಗತ್ ಹಾ, ತ್ಯ ಯಕ ಬಾಯಿಲ್ ಮಾನ್ಸಾನಿ ಗಿಹುನ್ ತೀನ್ ಶೇರ್ ಪಿಠಾತ್ ಮಿಸಳ್ಳ ನಂತರ್ ತ್ಯ ಸಗ್ಳ ಪೀಟ್ ಫುಗ್ಲ.

22 ಯೇಸು ಗಾವಾ ಗಾವಾನಿ ಖೆಡ್ಯಾ ಖೆಡ್ಯಾನಿ ಶಿಕ್ಶನ್ ದಿಯಿತ್ ಯೆರುಸಲೇಮಿಕ್ಡ ಜಾ಼ಯಿತಾ.

23 ತವಾ ಯಕ್ಲಾ ಯೇಸುಲಾ "ಪ್ರಭು ರಕ್ಷನ್ ವ್ಹಯಾಚಿ ಆಸ್‌ಲ್ಯಾಲಿ ಥೂಡಿಸ್ ಲೊಕ ಹಾತ್ತ ಕ್ಯಾ? ಮನ್ಲಾ. 24 ಯೇಸು ತ್ಯಲಾ ಮನ್ಲಾ, "ಆವಳ್ ದಾರಾನಿ ಆತ್ ಜಾ಼ಯಾಲಾ ಯತ್ನ ಕರಾ, ಕಾ ಮಂಜೆ ಮಿ ತುಮಾನಾ ಸಾಂಗ್ತೊ ಖುಬ್ ಲೊಕ ಆತ್ ಜಾ಼ಯಾಲಾ ಬಗ್ತಿಲ ಫನ್ ತ್ಯನಾ ಜಾ಼ಯಾ ವ್ಹನಾರ್ ನಾಹಿ. 25 ಗರ‍್ಹಾಚಾ ದನ್‌ಹ್ಯಾನಿ ಉಠುನ್ ದಾರ್ ಜಾಕಲ್ಯಾ ನಂತರ್ ತುಮಿ ಬಾಹಿರ್ ಉಬಿ ರಾಹುನ್ ದಾರ್ ಬಡವಿತ್, "ಪ್ರಭು ಆಮ್ಚಿ ಸಾಟಿ ದಾರ್ ಉಗಡ್ ಮನ್ಸಿಲಾ ತವಾ ತ್ಯೊ ತುಮಾನಾ ತುಮಿ ಕೊನ್ ತ್ಯ ಮನಾ ಠಾವಿ ನಾಹಿಸಾ" ಮನ್ಹುನ್ ಉತ್ತರ್ ದಿಯಿಲ್.

26 ತವಾ ತುಮಿ ಮನ್ಹಾಯಾ ಲಾಗ್ಸಿಲಾ, "ಆಮಿ ತುಜಿ ಸಂಗ ಖಾನ ಪಿನ ಕೆಲ್ಯಾ ಆನಿ ತು ಆಮ್ಚಾ ಗಾವಾತ್ ಶಿಕ್ಶನ್ ದಿಲಸ್. 27 ಫನ್ ತ್ಯೊ ಮನ್ಹಿಲ್, "ಮಿ ತುಮಾನಾ ಸಾಂಗ್ತೊ ತುಮಿ ಕೊನ್ ಕುಟ್ಲಿ ಹಾಸಾ ಹ್ಯ ಮನಾ ಠಾವ ನಾಹಿ ತುಮಿ ಬುರ್ಸಿ ಲೊಕ ಮಾಜಿಪ್ನಿ ದುರ್ ಜಾ಼ವಾ.

28 ತುಮಿ ದೇವಾಚಾ ರಾಜಾತ್ನಿ ಬಾಹಿರ್ ಗಾಲ್ಹುನ್ ಅಬ್ರಹಾಮ್, ಇಸಾಕ್, ಯಾಕೊಬ್, ಆನಿ ಸಗ್‌ಳ್ಯಾ ಪ್ರವಾದಿನಾ ದೇವಾಚಾ ರಾಜಾತ್ ಆಸ್‌ಲ್ಯಾಲಿ ಬಗ್ಸಿಲಾ ತುಮಾನಾ ಬಾಹಿರ್ ಗ್ಯಾಲ್ನಾರ್ ತವಾ ತಿಥ ರಡ್ನಾರ್ ಆನಿ ದಾತ್ ಖಾನಾರ್ ಮನ್ಲಾ. 29 ಪೂರ್ವಾಕ್ನಿ ಪಶ್ಚಿಮಾಕ್ನಿ ಆನಿ ಉತ್ತರಾಕ್ನಿ ದಕ್ಶಿನಾಕ್ನಿ ಲೊಕ ಯವುನ್ ದೇವಾಚಾ ರಾಜಾತ್ ಜೆವಾನ್ ಖಾಯಾಲಾ ಬಸ್ತಿಲ. 30 ಆನಿ ಬಗಾ ಪೈಲಿ ಆಸ್‌ಲ್ಯಾಲಿ ಥುಡಿಜನ ಸೆವಟ್ಚಿ ವ್ಹನಾರ್ ಆನಿ ಸೆವಟ್ಚಿ ಜಾ಼ಲ್ಯಾಲಿ ಥುಡಿಜನ ಪೈಲಿ ವ್ಹನಾರ್ ಮನ್ಲಾ.

31 ತೆ ಗಟ್ಕಲಾ ಥೊಡ ಫರಿಸಾಯ್ ಯೇಸುಪ ಯವುನ್ ಮನ್ಲ, "ಹಿತ್ನಿ ನಿಗುನ್ ಜಾ಼ ಕಾ ಮಂಜೆ ಹೆರೊದ್ ತುಲಾ ಜಿ಼ವಾನಿ ಮಾರಾಯಾ ಬಗತ್ಯಾಲಾ ಹಾ. " 32 ಯೇಸು ತ್ಯನಾ ಮನ್ಲಾ, "ತ್ಯಾ ಕೊಲ್ಯಾಲಾ ಜಾ಼ವುನ್ ಸಾಂಗಾ ಬಗಾ ಮಿ ಆಜ಼್ ಆನಿ ಸಕಾಳ್ ಭುಥ ಕ್ಯಾಡ್ತೊ ರೊಗ್ ಬರಾಕರ್ತೊ ಆನಿ ತಿನ್ವೆ ದಿಸಿ ಮಿ ಸಗ್ಳ ಸಪಿವ್ತೊ, 33 ತರಿ ಮಿ ಆಜ಼್ ಸಕಾಳ್ ನಾಹಿತ ಪರ್ವಾದಿಸಿ ಮೊರ‍್ಹ ಜಾ಼ಯಾ ಪಾಯ್ಜೆ ಕಾ ಮಂಜೆ ಯೆರುಸಲೇಮಿಚೆ ಬಾಹಿರ್ ಪ್ರವಾದಿಚಾ಼ ನಾಸ್ ವ್ಹನಾರ್.

34 ಯೆರುಸಲೇಮೆ, ಯೇರುಸಲೇಮೆ ಪ್ರವಾದಿಚಾ಼ ಘಾತ್ ಕರ್ನಾರೆ ಆನಿ ತುಜಿಪ ಲಾವುನ್ ದಿಲ್ಯಾಲ್ಯಾನಾ ದೊಂಢ ಮಾರ್ನಾರೆ! ಕುಂಬ್ಡಿ ಕಸಿ ಆಪ್ಲಿ ಪಿಲಿ ಪಖಾ ಖಾಲ್ ಯಕಿಕ್ಡ ಕರೀತ್ ಆಸ್ಥಿ ತಸ ತುಜಾ ಮುಲಾ ಬಾಳಾನಾ ಯಕಿಕ್ಡ ಕರಾಚಿ ಖುಬ್ ಮಾಜಿ ಇಚ್ಚಾ ವ್ಹತ್ತಿ ಫನ್ ತುಮ್ಚಿ ಇಚ್ಚಾ ನವ್ಥಿ! 35 ಬಗಾ ತುಮಚ಼ ಘರ್ ಮೊಕ್ಳ ವ್ಹನಾರ್ ಮಿ ತುಮಾನಾ ಸಾಂಗ್ತೊ ಪ್ರಬುಚಾ ನಾವಾನಿ ಯನಾರ‍್ಯಾಲಾ ಧನ್ಯವಾದ್ ವ್ಹವುನಿ ಆಸ ತುಮಿ ಮನ್ಹಿಸ್ ಪರ‍್ಯಾತ್ ಮಿ ತುಮ್ಚೆ ನದ್ರಲಾ ಪಡ್ನಾರ್ ನಾಹಿ. ಮನ್ಲಾ.