12 ಯಕಾ ಖೆಡ್ಯಾ ಗಾವಾತ್ ಆಲಾ ತವಾ ಧಾ ಜಾ಼ನ್ ಕುಶ್ಟ ರೊಗಿ ತ್ಯಚೆ ಮೊರ‍್ಹ ಯವುನ್ ದುರ್ ಉಬರಾಹುನ್, 13 "ಯೇಸು! ಪ್ರಭು! ಆಮ್ಚಿವ ಕರ್ನಾ ಥೆವ್" ಮನ್ಹುನ್ ವರ್ಡುನ್ ಸಾಂಗ್ಲ.

14 ಯೇಸುನಿ ತ್ಯನಾ ಬಗುನ್, "ತುಮಿ ಜಾ಼ವುನ್ ತುಮ್ಚಾ ಯಾಜಕಾಲಾ ಆಂಗ್ ದಾವಾ" ಮನ್ಹುನ್ ಸಾಂಗ್ಲ. ತೇ ಜಾ಼ತಾನಾಸ್ ಬರ ಜಾ಼ಲ. 15 ತ್ಯಾತ್‍ಲ್ಯಾ ಯಕಾನಿ ಆಪ್‌ಲ್ಯಾಲಾ ಬರ ಜಾ಼ಲ್ಯಾಲ ಬಗುನ್ ಮೊಟ್ಯಾನಿ ದೇವಾಲಾ ವವ್ಯಾಳಿತ್ ಮಾಗಾರಾ ಆಲಾ 16 ಆನಿ ತ್ಯೊ ಯೇಸುಚಾ ಪಾಯಾತ್ ಪಡುನ್ ತ್ಯಲಾ ಉಪ್ಕಾರ್ ಸಾಂಗ್ಲಾ ತ್ಯೊ ಸಮಾರ‍್ಯಾತ್ಲಾ. 17 ಯೇಸುನಿ ಹ್ಯ ಬಗುನ್, "ಧಾ ಜಾ಼ನ್ಬಿ ಬರ ಜಾ಼ಲ್ಥ ನವ್ಹ? ಆನಿ ರಾಯ್‍ಲ್ಯಾಲ ನವುಜಾ಼ನ್ ಕುಠ? 18 ಪ್ರಭುಲಾ ವವ್ಯಾಳಾಲಾ ಹ್ಯೊ ದುಸ್ರೆ ದೆಶಾತ್ಲಾ ಸುಡುನ್ ಆನಿ ಕಚಾ಼ಸ್ ಮಾಗಾರಾ ಪರ್ತುನ್ ಆಲಾ ನಾಹಿ ಕ್ಯಾ? 19 ಮನ್ಹು‍ನ್ ಸಾಂಗುನ್ ತ್ಯಲಾ, "ಉಠುನ್ ಜಾ಼ ತುಜಾ ಇಸ್ವಾಸಾನಿ ತುಲಾ ಬರ ಕೆಲ್ಯಾ ಮನ್ಹುನ್ ಸಾಂಗ್ಲ.