1 ಮಂಗ್ ಯೇಸುನಿ ಬಾರಾಜಾ಼ನ್ ಅಪೊಸ್ತಲಾನಾ ಯಕಾನ್ಸಿ ಹಾಕ್ಟುನ್ ಸಗ್ಳಿ ಲಾಗಿರ ಕಾಡಾಯಾ ಆನಿ ರ‍್ವಾಗ್ ಬರ ಕರಾಯಾ ಬಳ್ ಆನಿ ಹುಕುಮ್ ದಿಲಾ. 2 ಆನಿ ತ್ಯನಾ ದೇವಾಚಾ ರಾಜಾಚಿ ಖಬರ್ ಸಾಂಗಾಯಾ ಆನಿ ರೊಗಿನಾ ಬರ ಕರಾಯಾ ಲಾವುನ್ ದಿಲ. 3 ಯೇಸುನಿ ತ್ಯನಾ ಸಾಂಗ್ಲ, "ಪ್ರವಾಸಾಲಾ ಜಾ಼ತಾನಾ ಕಾಠಿ ಜು಼ಳ್ಹಿ ಬಾಖರಿ ನಾಹಿತ ಪೈಸ ಗಿಹುನಕೊಸಾ. ಅಗಾವ ಆಂಗ್ಯಾ ಗಿಹುನಕೊಸಾ. 4 ಕಚಾ ಗರ‍್ಹಾತ್ ತುಮಿ ಜಾ಼ಸಿಲಾ ತ್ಯಾ ಗರ‍್ಹಾತುಸ್ ರಾವ್ಹಾ, 5 ಕೊನ್ ತುಮಾನಾ ಹಾಕ್ಟಿತ್ ನಾಹಿ ತ್ಯಂಚೆ ಆಡ್ವ ಸಾಕ್ಶಿ ರಾವ್ಹಾವ ಮನ್ಹುನ್ ತುಮಿ ತ್ಯಾ ಗಾವಾತ್ನಿ ನಿಗುನ್ ಜಾ಼ತಾನಾ ತುಮ್ಚಾ ಪಾಯಾಚಿ ಧುಳ್ ತಿಥ ಜಾ಼ಢಾ ತೀಸ್ ತುಮಾನಾ ವಳಕ್ ವ್ಹವುನ್ ರಾಹುನಿ" ಮನ್ಲಾ

6 ಮಂಗ್ ತೆ ನಿಗುನ್ ಸಗ್ಳಿಕ್ಡ ಖಬರ್ ಸಾಂಗಿತ್ ಆನಿ ರ‍್ವಾಗ್ ಬರ ಕರೀತ್ ಗಾವಾಗಾವಾನಿ ಫಿರಾಯಾಲಾಗ್ಲ.

7 ತವಾ ಜಾ಼ಲ್ಯಾಲ್ಯಾ ಸಗ್‌ಳ್ಯಾ ಗುಶ್ಟಿ ಮಂಡಳಿಚಾ ಹೆರೊದಾನಿ ಐಕ್‍ಲ್ಯಾ ಆನಿ ತ್ಯೊ ಮೊಟೆ ಗಡಬಡಿತ್ ಪಡ್ಲಾ. ಕಾ ಮಂಜೆ ಬಾಪ್ತಿಸ್ಮಾ ಯೊಹಾನ್ ಮರುನ್ ಉಟ್‍ಲ್ಯಾ ಆಸ ಥುಡಿ ಲೊಕ ಮನ್ಹಿತಿತ. 8 ಕಾಯ್ ಥುಡಿ, "ಯಲಿಯಾ ದಿಸ್ಲಾ" ಮನ್ಹಿತಿತ. ಆನಿ ಕಾಯ್ ಥುಡಿ, "ಪೈಲ್ಯಾ ಕಾಲಾತ್ಲಾ ಪ್ರವಾದಿತ್ಲಾ ಕೊನ್ತರಿ ಪುನಾ ಉಠುನ್ ಅಲ್ಯಾ" ಆಸಿ ಮನ್ಹಿತಿತ. 9 ಫನ್ ಹೆರೊದ್, "ಮಿಚ್ ಯೊಹಾನಾಚಿ ಮಾನ್ ಮ್ಯಾರ್ಲೆ ಆನಿ ಹ್ಯೊ ಕೊನ್? ಆಸ್‌ಲ್ಯಾ ಗುಶ್ಟಿ ಮಿ ಐಕ್‌ತ್ಯೊ ಮನ್ಹುನ್ ತ್ಯಲಾ ಬಗಾಯಾ ಯೇಳ್ ಬಗಿತ್ ಹುತ್ತಾ.

10 ಮಂಗ್ ಅಪೊಸ್ತಲಾಂಚಾನಿ ಪರತ್ ಯವುನ್ ಆಪ್ನು ಕ್ಯಾ ಕ್ಯಾ ಕೆಲ ತ್ಯ ತ್ಯ ಪುಡುನ್ ಸಾಂಗ್ಲ. ತವಾ ಯೇಸುನಿ ತ್ಯನಾ ಸಂಗ ಗಿಹುನ್ ಬೆತ್ಸಾಯಿದ ನಾವಾಚಾ ಗಾವಾಕ್ಡ ಯಕಾನ್ಸಿ ಜಾ಼ಗ್ಯಾವ ಗೆಲಾ. 11 ಹ್ಯ ಸಮಜು಼ನ್ ಲೊಕಾಂಚಾ಼ ಹಿಂಡ್ ತ್ಯಚೆ ಮಾಗ್ನಿ ಗೆಲಾ ತವಾ ತ್ಯನಾ ಸ್ವಾಗತ್ ಕರುನ್ ತ್ಯೊ ತ್ಯಂಚೆ ಸಂಗ ದೇವಾಚಾ ರಾಜಾಚಾ ಗುಶ್ಟಿ ಬೊಲತ್ ಹುತ್ತಾ, ಆನಿ ಕುನಾಲಾ ಬರ ವ್ಹಯಾಚ಼ ವ್ಹಯಿ ಹುತ್ತ. ತ್ಯನಾ ಬರ ಕರೀತ್ ಹುತ್ತಾ.

12 ದೀಸ್ ಮಾವ್ಳತ್ ಆಲಾ ತವಾ ತೇ ಬಾರಾಜಾ಼ನ್ ಅಪೊಸ್ತಲ್‍ ಕಡಸ್ ಯವುನ್ ಯೇಸುಲಾ ಮನ್ಲ, "ಲೊಕಾನಾ ಹುಕುಮ್ದೆ ಮಂಜೆ ತಿ ಬೌಥಚಾ ಗಾವಾತ್ನಿ ಆನಿ ಸೆತಾತ್ನಿ ಜಾ಼ವುನ್ ಖಾನ್ಯಾಚಿ ಸುಯಿ ಕರುಂತ ಕಾ ಮಂಜೆ ಆಮಿ ಯಾಕಾನ್ಸಿ ಜಾ಼ಗ್ಯಾವ ಹಾವ್. "

13 ಫನ್ ಯೇಸು ತ್ಯನಾ, "ತುಮಿಸ್ ತ್ಯನಾ ಖಾಯಾದೆವಾ" ಮನ್ಲಾ. ತವಾ ತೆ, "ಆಮಿ ಹ್ಯಾ ಸಗ್‍ಳ್ಯಾ ಲೊಕಾಂಚಿ ಸಾಟಿ ಜೆವಾನ್ ಇಕತ್ ಆನಾ ವ್ಹಯಿ ಕಾ ಮಂಜೆ ಪಾಚ಼್ ಬಾಕ್‌ರ‍್ಯಾ ಆನಿ ದೊನ್ ಮಾಸ ಯವ್‌ಡ್ಯಾ ಸಿವಾರ್ ಆಮ್ಚಿಪ ಕಾಯ್ ನಾಹಿ" ಮನ್ಲ. 14 ಕಾ ಮಂಜೆ ತೇ ಜ಼ವಳ್ ಜ಼ವಳ್ ಪಾಚ಼್ ಹಾಜಾ಼ರ್ ಗಡಿ ಮಾನುಸುಸ್ ಹುತ್ತ ತವಾ ಯೇಸುನಿ ಆಪ್‌ಲ್ಯಾ ಅಪೊಸ್ತಲಾನಾ ಸಾಂಗ್ಲ ಪನ್ನಾ ಪನ್ನಾಸ್ ಲೊಕಾಂಚಾ ಪಂಗ್ತಿ ಬಸ್ವಾ.

15 ತ್ಯಂಚಾನಿ ತಸ ಕರುನ್ ಸಗ್‌ಳ್ಯಾನಾ ಬಸಿವ್ಲಿತ. 16 ತವಾ ಯೇಸುನಿ ತ್ಯಾ ಪಾಚ಼್ ಬಾಕ್‌ರ‍್ಯಾ ದೊನ್ ಮಾಸ ಗಿಹುನ್, ಪರಲೊಕಾಕ್ಡ ಬಗುನ್, ತ್ಯನಾ ಆಶಿರ್ವಾದ್ ಕೆಲಾ ಆನಿ ತ್ಯಂಚ಼ ತುಕ್ಡ ಕರುನ್ ತೆ ಲೊಕಾನಾ ವಾಡಾಯಾ ಅಪೊಸ್ತಲಾಂಚಿಪ ದಿಲ. 17 ತವಾ ಸಗ್ಳಿ ಜ಼ನ ಜಿವುನ್ ತ್ರಪ್ತ ಜಾ಼ಲ್ಹಿತ ಆನಿ ತ್ಯಂಚಾನಿ ಉರ್ಲ್ಯಾಲ ತುಕ್ಡ ಬರ್ಲತೆ ಬಾರಾ ಬುಟ್ಯಾ ಜಾ಼ಲ.

18 ಯಂಗ್ದಾ ಯೇಸು ಯಕಾನ್ಸಿ ಮಾಗ್ನ ಕರೀತ್ ಆಸ್ಥಾನಾ ತ್ಯಚ಼ ಅಪೊಸ್ತಲ ಸಂಗ ಹುತ್ತ ತವಾ ಯೇಸುನಿ ತ್ಯನಾ "ಲೊಕ ಮನಾ ಕೊನ್ ಮಂಥ್ಯಾತ? ಮನ್ಹುನ್ ಇಚಾರ್ಲ.

19 ಮಂಗ್ ತ್ಯಂಚಾನಿ, "ಬಾಪ್ತಿಸ್ಮಾ ಯೊಹಾನ್ ಮಂತ್ಯಾತ; ಆನಿ ಕಾಯ್ ಥುಡಿ ಯಲಿಯಾ ಮಂಥ್ಯಾತ; ಆನಿ ಕಾಯ್ ಥುಡಿ ಪೈಲ್ಯಾ ಕಾಲಾತ್‌ಲ್ಯಾ ಪ್ರವಾದಿತ್ಲಾ ಕೊನ್ಯೊಕ್ ಪುನ್ಹಾ ಉಠುನ್ ಆಲ್ಯಾ ಮಂಥ್ಯಾತ" ಮನ್ಲ.

20 ಯೇಸುನಿ ತ್ಯಾನಾ, ಫನ್ ತುಮಿ ಮಿ ಕೊನ್ ಮಂಥಸಾ? ತವಾ ಪೇತ್ರ, "ತು ದೇವಾಚಾ಼ ಕ್ರಿಸ್ತ" ಮನ್ಲಾ.

21 ಮಂಗ್ ಹ್ಯ ಕುನಾಲಾ ಸಮಜು಼ನಾಹಿ ಮನ್ಹುನ್ ಯೇಸುನಿ ತ್ಯನಾ ಖಡ್ಯಾವ್ಲ. 22 ಆನಿ ಮಾನ್ಸಾಚಾ ಲೇಕಾನಿ ಖುಬ್ ತರಾಸ್ ಖಾವಾವ ಆನಿ ವಡ್ಲಾಂಚಿಪ್ನಿ ಮುಖ್ಯ ಯಾಜಕ್ ಆನಿ ದರ್ಮಶಾಸ್ತ್ರಾಚ಼ ಶಾನ ರಾಗ್ ಕರುನ್ ಜೀವಾನಿ ಮಾರ‍್ನಾರ್ ಆನಿ ತಿನ್ವೆ ದಿಸಿ ಪರತ್ ಉಟ್ನಾರ್ ಮನ್ಲಾ.

23 ಮನ್ಹುನ್ ಯೇಸು ಸಗ್‌ಳ್ಯಾನಾ ಮನ್ಲಾ, "ಜ಼ರ್ ಕೊನ್ ಮಾಜೆ ಮಾಗ್ನಿ ಯಯಾ ಬಗ್ತೊ ತ್ಯನಿ ಆಪ್ಲಾ ಜೀವ್ ಇಸ್ರುನ್ ದರೊಜ್ ಆಪ್ಲಿ ಶಿಲ್ಬೆ ಉಚ್ಲು಼ನ್ ಗಿಹುನ್ ಮಾಜೆ ಮಾಗ್ನಿ ಯವಾವ. 24 ಕೊನ್ ಆಪ್ಲಾ ಜೀವ್ ಉರ್ವಾಯಾ ಬಗ್ತೊ ತ್ಯೊ ಜೀವಾಲಾ ಮುಕಲ್, ಫನ್ ಕೊನ್ ಮಾಜಿಸ್ ಲಾಗುನ್ ಆಪ್‌ಲ್ಯಾ ಜೀವಾಲಾ ಮುಕಲ್ ತ್ಯಲಾ ಪರತ್ ಮಿಳಲ್. 25 ಯಕಾ ಮಾನ್ಸಾನಿ ಸಗ್ಳಾ ಪರಪಂಚಾ ಮಿಳ್ವುನ್ ಸ್ವತಾ ಆಪ್ಲಾ ಜೀವ್ ನಾಸ್ ಕರುನ್ ಗೆತ್ಲಾಕಿ ತ್ಯಲಾ ಕ್ಯಾ ಫ್ಯಾಯ್ದಾ? 26 ಕೊನ್ ಮನಾ ಆನಿ ಮಾಜಾ ಸಬ್ದಾನಾ ಲಾಜ಼ತೊ ತ್ಯಲಾ ಮಾನ್ಸಾಚಾ಼ ಲ್ಯೊಕ್ ಆಪಲ್ಯಾ ಬಾ ದೆವಾಚಾ಼, ಆನಿ ಸ್ವರ್ಗಾಚ಼ ಪವಿತ್ರ ದೇವ್‌ ಧುತಾಂಚಾ ಗೌರವಾನಿ ಯತಾನಾ ಲಾಜ಼ಲ್‌. 27 ಮಿ ಖರ ಸಾಂಗ್ತೊ ಹಿತ ಉಬಿ ಆಸ್ನಾರ‍್ಯಾತ್ ಕಾಯ್ ಥುಡಿ ದೇವಾಚ಼ ರಾಜ ಬಗಿ ಪರ್ಯಾತ್ ಮರ್ನಾರ್ ನಾಹಿತ ಮನ್ಲಾ.

28 ಹ್ಯಾ ಬೊಲ್‌ನ್ಯಾ ನಂತರ್ ಆಟ್ ದಿಸಾನಿ ಪೇತ್ರಾ, ಯೊಹಾನ್, ಆನಿ ಯಾಕೊಬ್, ಹ್ಯನಾ ಸಂಗ ಗಿಹುನ್ ಯೇಸು ಗುಢ್ಯಾವ ಮಾಗ್ನ ಕರಾಯಾ ಗೆಲಾ. 29 ಆನಿ ತ್ಯೊ ಮಾಗ್ನ ಕರೀತ್ ಆಸ್ಥಾನಾ ತ್ಯಚ಼ ತ್ವಾಂಡ್ ಬದಲುನ್ ತ್ಯಚ಼ ಕಪ್ಡ ಪಾಂಡ್ರ ಚ಼ಕ್ಚ಼ಕಿತ್ ಜಾ಼ಲ. 30 ತವಾಸ್ ಮೊಶೆ ಆನಿ ಯಲಿಯಾ ಹೆ ದೊಗಜಾ಼ನ್ ತ್ಯಚಿ ಸಂಗ ಬೊಲತ್ ಹುತ್ತ.

31 ತೆ ದೊಗ ಚ಼ಕ್ಚ಼ಕಿತ್ ದಿಸ್ಲ ಆನಿ ಯೆರುಸಲೇಮಿತ್ ವ್ಹಯಾಚಾ ಮರನಾಚ಼ ಯೇಸು ಸಂಗ ಬೊಲತ್ ಹುತ್ತ. 32 ತವಾ ಪೇತ್ರ ಆನಿ ತ್ಯಚ಼ ಸುಪ್ತಿ ಪೆಂಗತ. ಫನ್ ತೆ ಜಾ಼ಗ ಜಾ಼ಲ ಆನಿ ತ್ಯನಾ ತಚಿ ಮೈಮಾ ಆನಿ ತ್ಯಚೆ ಸಂಗ ಉಬ ರಾಹಿಲ್ಯಾಲ ದೊಗ ಮಾನುಸ್ ದಿಸಲ. 33 ಮಂಗ್ ತೆ ದೊಗ ಯೇಸುಪ್ನಿ ಜಾ಼ತಾ ಆಸ್ಥಾನಾ ಪೇತ್ರ ಯೇಸುಲಾ "ಪ್ರಭು ಆಮಿ ಹಿತ್ತಸ್ ರಾಯ್‌ಲ್ಯಾವ ಬರಹಾ ಆಮಿ ತೀನ್ ಖೊಪ್ಟ ಕರುಯಾ ತುಜೆ ಸಾಟಿ ಯಾಕ್ ಮೊಶೆ ಸಾಟಿ ಯಾಕ್ ಆನಿ ಯಲಿಯಾ ಸಾಟಿ ಯಾಕ್" ಮನ್ಲಾ ಹ್ಯ ಬೊಲತ್ಯಾಲ ತ್ಯಚ಼ ತ್ಯಲಾಸ್ ಸಮಾಜ಼್ಲ ನವ್ತ.

34 ತ್ಯೊ ಹ್ಯ ಬೊಲತ್ ಆಸ್ಥಾನಾಸ್ ಢಗ್ ಯವುನ್ ತ್ಯಂಚಿವ ಉತಾರ್ಲಾ ಆನಿ ತೆ ಢಗಾತ್ ಬರ್ಲ ತವಾ ಹೆ ಬಿಹ್ಯಾಲ. 35 ತವಾಸ್ ಢಗಾತ್ನಿ, "ಹ್ಯೊ ಮಾಜಾ಼ ಲ್ಯೊಕ್ ಮಿ ನಿವಡ್‌ಲ್ಯಾಲಾ ಹಾ ಹ್ಯಚ಼ ತುಮಿ ಐಕಾ" ಆಸಾ ಸಬ್ದ ಆಲಾ. 36 ಹ್ಯೊ ಸಬ್ದ ಆಲಾ ತವಾ ಯೇಸು ಯಕ್ಲಾಸ್ ದಿಸ್ಲಾ ಹ್ಯಾ ನಂತರ್ ತೆ ಗಪ್ ರಾಹಿಲ ಆನಿ ತ್ಯಂಚಾನಿ ಬಗಲ್ಯಾ ಹುತ್ಯಾ ತ್ಯಾತ್ಲಿ ಎಕ್ಬಿ ತ್ಯಾ ದಿಸಾತ್ ತ್ಯಂಚಾನಿ ಕುನಾಲಾ ಸಾಂಗ್ಲಿ ನಾಹಿ.

37 ಮಂಗ್ ದುಸರೆ ದಿಸಿ ತೆ ತಿಗ ತ್ಯಾ ಗುಢ್ಯಾವ್ನಿ ಖಾಲ್ ಆಲ್ಯಾವ ಮೊಟಾ ಲೊಕಾಂಚಾ಼ ಹಿಂಡ್ ತ್ಯಲಾ ಯವುನ್ ಭೇಟ್ಲಾ.

38 ತವಾ ಹಿಂಡಾತ್ಲಾ ಯೊಕ್ ಮಾನುಸ್ ಮೊಟ್ಯಾನಿ ವರ್ಡುನ್ "ಪ್ರಭು ಮಿ ತುಮ್ಚಿಪ ಮಾಗ್ನ ಕರ್ತೊ ಮಾಜಾ ಲೇಕಾಲಾ ಬಗ್ ಕಾ ಮಂಜೆ ಹ್ಯೊ ಮಾಜಾ಼ ಯಕ್ಲಾಸ್ ಯೊಕ್ ಲ್ಯೊಕ್ ಹಾ" ಮನ್ಲಾ. 39 "ಆನಿ ಯಾಕ್ ಭುಥ್ ಹ್ಯಲಾ ದರ್ಥ ಆನಿ ಹ್ಯೊ ಯಕಾಯಖಿ ವರಾಡ್ತೊ ಆನಿ ಹ್ಯಚಾ ತೊಂಡಾತ್ನಿ ಫ್ಯೊಸ್ ಯತೊ ತ್ಯ ಹ್ಯಲಾ ಖುಬ್ ತರಾಸ್ ದೇತ. 40 ಹ್ಯ ಕಾಡುನ್ ಟಾಕಾ ಮನ್ಹುನ್ ತುಜಾ ಅಪೊಸ್ತಲಾನಾ ಸಾಂಗ್ಲ ಫನ್ ತ್ಯ ತ್ಯನಾ ಕಾಡಾ ವ್ಹಯಿನಾ. "

41 ಯೇಸು ಮನ್ಲಾ "ಇಸ್ವಾಸ್ ನಸ್‌ಲ್ಯಾಲಿ ಆನಿ ಬುರ್ಸಿ ಲೊಕ ತುಮಿ ಮಿ ಕುಟ್ಪರ‍್ಯಾತ್ ತುಮ್ಚಿ ಸಂಗ ರಾಹು ಆನಿ ತುಮಾನಾ ಸುಸುವು? ತು ತುಜಾ ಪ್ಯೊರ್ಗ್ಯಾಲಾ ಹಿಕ್ಡ ಗಿಹುನ್ ಯೇ? ಮನ್ಲಾ.

42 ತ್ಯೊ ಪ್ಯೊರ್ಗಾ ಜ಼ವಳ್ ಯತಾನಾ ಲಾಗಿರಾನಿ ತ್ಯಲಾ ಆಪಟ್ಲಾ ಆನಿ ಪಿಳುನ್ ಟ್ಯಾಕ್ಲಾ ಫನ್ ಯೇಸುನಿ ತ್ಯಾ ಲಾಗಿರಾಲಾ ದಪ್‌ಕ್ಯಾವ್ಲ ಆನಿ ಪ್ಯೊರ್ಗ್ಯಾಲಾ ಬರಾ ಕರುನ್ ತ್ಯಚಾ ಬಾಚಾ ತಾಬ್ಯಾತ್ ಪರ್ತುನ್ ದಿಲಾ. 43 ದೇವಾಚ಼ ಹ್ಯ ಮೊಟ ಕಾಮ್ ಬಗುನ್ ಸಗ್ಳಿ ಲೊಕ ಗಾಭಾರ್ಲಿತ.

44 "ತುಮಿ ಹ್ಯಾ ಗುಶ್ಟಿ ಲಕ್ಶೆತ್ ಥೆವಾ ಮಾನ್ಸಾಚಾ ಲೇಕಾಲಾ ಲೊಕಾಂಚಾ ಹಾತಾತ್ ದರುನ್ ದೆನಾರ್. " 45 ಹಿ ಗ್ಯೊಶ್ಟ್ ಅಪೊಸ್ತಲಾನಾ ಸಮಾಜ್ಲಿ ನಾಹಿ ಹಿ ತ್ಯನಾ ಸಮಜು಼ ನಾಹಿ ಮನ್ಹುನ್ ಗಪ್ಚಿಪ್ ಥಿವ್ಲಿ ಹುತ್ತಿ. ಆನಿ ಹಿ ಗ್ಯೊಶ್ಟ್ ತ್ಯಲಾ ಇಚಾರಾಯಾ ತೆ ಬಿಹಿತ್ ಹುತ್ತ.

46 ಮಂಗ್ ಆಪ್‌ಲ್ಯಾತ್ ಮೊಟಾ ಕೊನ್ ತ್ಯಚಾ಼ ಅಪೊಸ್ತಲಾತ್ ಇಚಾರ್ ಸುರು ಜಾ಼ಲ್ಥಾ. 47 ಯೇಸುನಿ ತ್ಯಂಚಾ ಮನಾತ್ಲಾ ಇಚಾರ್ ವಳ್ಕುನ್ ಯಕಾ ಬಾರಿಕ್ ಮುಲಾಲಾ ಗಿಹುನ್ ತ್ಯಲಾ ಆಪ್ಲೆ ಜ಼ವಳ್ ಉಬಕೆಲ. 48 ಆನಿ ತ್ಯನಾ "ಜೆ ಕೊನ್ ಹ್ಯಾ ಮುಲಾಲಾ ಮಾಜಾ ನಾವಾನಿ ಸ್ವಿಕಾರ್ ಕರ್ತೊ ತ್ಯೊ ಮನಾ ಸ್ವಿಕಾರ್ ಕರ್ತೊ ಆನಿ ಜೆ ಕೊನ್ ಮನಾ ಸ್ವಿಕಾರ್ ಕರ್ತೊ ತ್ಯೊ ಕಚಾನಿ ಮನಾ ಲಾವುನ್ ದಿಲ್ಯಾ ತ್ಯಲಾ ಸ್ವಿಕಾರ್ ಕರ್ತೊ ಕಾ ಮಂಜೆ ತುಮ್ಚಾತ್ ಕೊನ್ ಬಾರಿಕ್ ವ್ಹಯಿಲ್ ತ್ಯೊಸ್ ಮೊಟಾ ವ್ಹಯಿಲ್ ಮನ್ಲಾ.

49 ಯೊಹಾನ್ ಯೇಸುಲಾ ಮನ್ಲಾ, "ಪ್ರಭು ಆಮಿ ಯೊಕ್ ಮಾನುಸ್ ತುಜಾ ನಾವಾನಿ ಲಾಗಿರ ಕ್ಯಾಡತ್ಯಾಲಾ ಬಗ್ಲಾ ತವಾ ಆಮಿ ತ್ಯಲಾ ಆಡ್ಯಾವ್ಲಾ ಕಾ ಮಂಜೆ ತ್ಯೊ ಆಮ್ಚೆ ಸಂಗ ನಸಲ್ಯಾಲಾ".

50 ಯೇಸು ಯೊಹಾನಾಲಾ ಆನಿ ತ್ಯಚಾ ಸಗ್‌ಳ್ಯಾ ಅಪೊಸ್ತಲಾನಾ, ಮನ್ಲಾ. "ತ್ಯಲಾ ಆಡ್ಯಾವು ನಕೊಸಾ ಕಾ ಮಂಜೆ ತುಮಚಾ಼ ವೈರಿ ನಸ್ನಾರಾ ತುಮಚಾ಼ಸ್ ತ್ಯೊ"

51 ತವಾ ಯೇಸುಚಾ಼ ಸ್ವರ್ಗಾತ್ ವರ್ ಜಾ಼ಯಾಚಾ಼ ಯೊಳ್ ಜ಼ವಳ್ ಆಲಾ ತವಾ ತ್ಯನಿ ಯೆರುಸಲೇಮಿತ್ ಜಾ಼ಯಾಲಾ ಘಟ್ ಮನ್ ಕೆಲ. 52 ಆನಿ ತ್ಯನಿ ಆಪ್ಲೆ ಮೊರ‍್ಹ ಸಾಂಗ್ ಸಾಂಗ್‌ತ್ಯಾಲ್ಯಾನಾ ಲಾವುನ್ ದಿಲ ತವಾ ತೆ ನಿಗುನ್ ತ್ಯಚಿ ಸಾಟಿ ಸಗ್ಳ ತಯಾರಿ ಕರಾಯಾ ಸಮಾರ‍್ಯಾಚಾ ಯಕಾ ಗಾವಾತ್ ಗೆಲ. 53 ಫನ್ ತಿಥಲ್ಯಾ ಲೊಕಾಂಚಾನಿ ತ್ಯಂಚಾ಼ ಸ್ವಾಗತ್ ಕೆಲಾ ನಾಹಿ ಕಾ ಮಂಜೆ ತ್ಯೊ ಯೆರುಸಲೇಮಿಕ್ಡ ಜಾ಼ಯಾಚಾ಼ ಹುತ್ತಾ. 54 ಹ್ಯ ಬಗುನ್ ತ್ಯಚ಼ ಶಿಶಾ ಯಾಕೊಬ್ ಆನಿ ಯೊಹಾನ್ ದೊಗಾಂಚಾನಿ ಸಾಂಗ್ಲ, "ಪ್ರಭು ತುಲಾ ಮನ್‌ ಆಸ್ಲತ ಪರಲೊಕಾತ್ನಿ ಇಸ್ತು ಪಡುನ್ ತ್ಯಂಚಾ಼ ನಾಸ್ ವ್ಹವುನಿ ಮಂಥಾವ್? ಮನ್ಲ.

55 ಯೇಸುನಿ ಪರ್ತುನ್ ತ್ಯನಾ ದಪ್‌ಕ್ಯಾವ್ಲ * 56 ಮಂಗ್ ತೇ ದಿಸರ‍್ಯಾ ಗಾವಾತ್ ಗೆಲ

57 ತೇ ವಾಟನಿ ಜಾ಼ತಾ ಆಸ್ಥಾನಾ ಯಕ್ಲಾ ಯೇಸುಲಾ, "ತು ಕುಠ ಜಾ಼ಸಿಲ್ ತಿಥ ಮಿ ತುಜೆ ಮಾಗ್ನಿ ಯತೊ" ಮನ್ಲಾ.

58 ತವಾ ಯೇಸು ತ್ಯಲಾ, "ಕೊಲ್ಯಾನಾ ಗಭಿ ಹಾತ್ತಾ ಆನಿ ಪಾಕ್ರಾನಾ ಕುಟಿ ಹಾತ್ತ ಫನ್ ಮಾನ್ಸಾಚಾ ಲೇಕಾಲಾ ಡುಯಿ ಟೆಕ್ವಾಯಾಬಿ ಜಾ಼ಗಾ ನಾಹಿ" ಮನ್ಲಾ. ಕೊಲ್ಯಾಂಚಿ ಘಬ್

59 ಆನಿ ದುಸರ‍್ಯಾ ಯಕಾಲಾ ಮಾಜೆ ಮಾಗ್ನಿ ಯೆ ಮನ್ಲಾ, ಫನ್ ತ್ಯೊ "ಪ್ರಭು ಆಂದಿ ಮನಾ ಮಾಜಾ ಬಾಚೆ ಮಾತಿಲಾ ಜಾ಼ವುನ್ ಯತೊ" ಮನ್ಲಾ.

60 ಯೇಸು ತ್ಯಲಾ ಮನ್ಲಾ, "ಮೆಲ್ಯಾಲ್ಯಾನಾ ಆಪ್ಲಿ ಮೆಲ್ಯಾಲಿ ಪುರುಂತ ತು ಜಾ಼ವುನ್ ದೇವಾಚಾ ರಾಜಾಚಿ ಗ್ಯೊಶ್ಟ್ ಸಾಂಗ್. "

61 ತ್ಯಾ ನಂತರ್ ಆನಿ ಯಕ್ಲಾ ಮನ್ಲಾ, "ಪ್ರಭು ಮಿ ತುಜೆ ಮಾಗ್ನಿ ಯತೊ ಫನ್ ಆಂದಿ ಮಿ ಮಾಜಾ ಗರ್ಚಾ ಮಾನ್ಸಾನಾ ಸಾಂಗುನ್ ಯತೊ.

62 ಯೇಸು ತ್ಯಲಾ, "ಕುನಿ ನಾಂಗರಿವ ಹಾತ್ ಥೆವಲ್ಯಾ ತ್ಯನಿ ಮಾಗ ಬಗಲ್ಯಾವ ತ್ಯೊ ದೇವಾಚಾ ರಾಜಾತ್ ಕಾಮ ಕರಾಯಾ ಲಾಯಕ್ ನಾಹಿ ಮನ್ಲಾ.