1 ತಿಥ್ನಿ ಯೇಸು ಉಠುನ್ ಯುದಾಯ್ ಪ್ರಾಂತ್ಯಾತ್ನಿ ಯೊರ್ದಾನ್ ವ್ಹಾಳಚೆ ಪಲಿಕ್ಲೆ ಸಿಮತ್ನಿ ಆಲಾ. ತಿಥ ಲೊಕ ಪರತ್ ಆನಿ ಹಿಂಡಾ ಹಿಂಡಾನಿ ಜ಼ಮುನ್ ತ್ಯಲಾ ಸುದಿತ್ ಆಲಿತ ತವಾ ತ್ಯೊ ಖಾಯಿಮ್ಚೆಗತ್ ತ್ಯನಾ ಉಪದೆಸ್ ಸಾಂಗಾಯಾ ಲಾಗ್ಲಾ.

2 ತವಾ ಫರಿಸಾಯ್ ಲೊಕ ತ್ಯಚಿ ಪರಿಕ್ಶೆ ಕರಾ ವ್ಹಯಿ ಮನ್ಹುನ್ ಯವಜು಼ನ್ ತ್ಯಚಿಪ ಯವುನ್, "ಯಕಾನಿ ಬ್ಯಾಯ್ಕೋ ಸುಡುನ್ ದಿಯಾಚಿ ದರ್ಮ ಕ್ಯಾ" ಮನ್ಹುನ್ ಇಚಾರ್ಲ.

3 ಯೇಸುನಿ ತ್ಯಲಾ, "ಮೊಶೆಚ಼ ದರ್ಮ ಶಾಸ್ತಾರಾತ್ ತುಮಾನಾ ಕ್ಯಾ ಆಜ್ಞೆ ದಿಲೆ" ಮನ್ಲಾ.

4 "ತೆ, ಶೊಡ್ ಸುಟಿಚ಼ ಪತ್ರ ಲಿವುನ್ ದಿವುನ್ ತಿಲಾ ಸುಡುನ್ ದಿಯಾ ಗಾವ್ಥಿ ಮನ್ಹುನ್ ಮೊಶೆನಿ ಆಜ್ಞೆ ದಿಲೆ" ಮನ್ಲ.

5 ಫನ್ ಯೇಸುನಿ ತ್ಯನಾ, "ಮೊಶೆನಿ ತುಮ್ಚ ಮೋಚಾ಼ಟ್ಫನ್ ಬಗುನ್ ತುಮಾನಾ ಆಸ್ಲಿ ಆಜ್ಞೆ ಲಿವುನ್ ಥೆವ್ಲೆ. 6 ದೇವಾನಿತರಿ ಸ್ರಶ್ಟಿಚಾ ದಿಸಾದರ್ನ್ಹಿಸ್ ಮಾನ್ಸಾನಾ ಪುರುಶ್ ಆನಿ ಬಾಯಿಲ್ ಮಾನುಸ್ ಕೆಲ್ಯಾತ 7 ಹ್ಯಾ ಕಾರ್ನಾನಿ ಪುರುಶ್ ಆಪ್ಲೆ ಆಯಿಬಾಲಾ ಸುಡುನ್ ಆಪ್ಲೆ ಬ್ಯಾಯ್ಕೊ ಬರ್ಬರ್ ರಾಥೊ ತಿ ದೊಗಬಿ ಯಾಕುಚ಼್ ಧಡ್ ಮನ್ಹುನ್ ಲಿವ್‍ಲ್ಯಾ. 8 ಆಸ ಆಸ್ಥಾನಾ ತೀ ಆತಾ ದೊಗ ನವ್ಹತ, ಯಾಕುಸ್ ಧಡ್ ಜಾ಼ಲ್ಯಾತ. 9 ಮನ್ಹುನ್ ದೇವಾನಿ ಜೊಡ್‌ಲ್ಯಾಲ ಮಾನ್ಸಾನಿ ಮುಡು ನಾಹಿ" ಮನ್ಹುನ್ ಸಾಂಗ್ಲ.

10 ಯಕಾ ಗರ‍್ಹಾತ್ ಆಲ ತವಾ ತ್ಯಚಾ ಶಿಶಾಂಚಾನಿ ಹಿ ಗ್ಯೊಶ್ಟ್ ಪರತ್ ಆನಿ ತ್ಯಲಾ ಇಚಾರ್ಲಿ 11 ಯೇಸುನಿ ತ್ಯನಾ "ಆಪ್ಲಿ ಬ್ಯಾಯ್ಕೊ ಸುಡುನ್ ದುಸ್ರಿಲಾ ಲಗಿನ್ ಕರುನ್ ಗೆನಾರಾ ಆಪ್ಲೆ ಬ್ಯಾಯ್ಕೋಲಾ ವೈರಿ ವ್ಹವುನ್ ರಾಂಡ್ ಸಂಗ್ ಕೆಲ್ಯಾ ಸಮಾನ್;

12 ಆಸ್ಹಸ್ ಬ್ಯಾಯ್ಕೋನಿ ಆಪ್‌ಲ್ಯಾ ಘ್ವಾಲಾ ಸುಡುನ್ ದುಸ್‌ರ‍್ಯಾಲಾ ಲಗಿನ್ ಜಾ಼ಲ್ಯಾವ ತಿನಿ ಸುಳಿಫನ್ ಕೆಲ್ಯಾಚೆಗತ್" ಮನ್ಹುನ್ ಸಾಂಗ್ಲ.

13 ನಂತರ್ ಥೊಡ್ಯಾಂಚಾನಿ ಆಪ್‌ಲ್ಯಾ ಪೊರಾನಾ ಯೇಸುಪ್ನಿ ಹಾತ್ ಲಾವುನ್ ಗಿಹ್ಯಾ ವ್ಹಯಿ ಮನ್ಹುನ್ ತ್ಯಚಿಪ ಆಂತಾನಾ ಶಿಶಾಂಚಾನಿ ತ್ಯನಾ ದಪ್‌ಕ್ಯಾವ್ಲ. 14 ಖರ ಯೇಸುನಿ ತ್ಯ ಬಗುನ್ ರಾಗ್ ಕರುನ್ ತ್ಯನಾ, "ಪೊರ್‌ಗ್ಯಾನಾ ಮಾಜಿಕ್ಡ ಸೊಡಾ ತ್ಯನಾ ಅಡ್ಯಾವು ನಕೊಸಾ, ಕಾ ಮನ್‌ಲ್ಯಾವ ದೇವಾಚ಼ ರಾಜ ಆಸ್‌ಲ್ಯಾಂಚ಼ಸ್. 15 ಮಿ ತುಮಾನಾ ಖರ ಸಾಂಗ್ತೋ. ಕೊನ್ ದೇವಾಚ಼ ರಾಜ ಪೊರಾಂಚೆ ಬಾವ್‌ನ್ಹಾನಿ ಗಿಹಿತ್ ನಾಹಿ ತ್ಯೊ ತ್ಯಾತ್ ಜಾ಼ಯಿತ್ ನಾಹಿ" ಮನ್ಲಾ. 16 ಮಂಗ್ ಯೇಸುನಿ ಪೊರಾನಾ ಯಾಂಗ್ ಗಾಲ್ಹುನ್ ತ್ಯಂಚಿವ ಹಾತ್ ಥಿವುನ್ ಆಶಿರ್ವಾದ್ ಕೆಲಾ.

17 ತ್ಯೊ ನಿಗುನ್ ವಾಟನಿ ಜಾ಼ತಾನಾ ಎಕಜು಼ನ್ ಪಳತ್ ತ್ಯಚೆ ಮೊರ‍್ಹ ಯವುನ್ ಆಪ್ಲ ನಡ್ಗ ಟಿಕ್ವುನ್, "ಚಾ಼ಂಗಲ್ಯಾ ಗುರು, ಶಾಶ್ವತ್ ಜೀವ್ ಮಿಳಾಲಾ ಮಿ ಕ್ಯಾ ಕರಾಯಾ ವ್ಹಯಿ? ಮನ್ಹುನ್ ಇಚಾರ್ಲ.

18 ತ್ಯಲಾ ಯೇಸುನಿ, "ತು ಮನ್ಹಾ ಚಾ಼ಂಗ್ಲಾ ಮನ್ಹುನ್ ಕಾ ಮನ್ಥೋಸ್? ಕಚಾ಼ಸ್ ಮಾನುಸ್ ಚಾ಼ಂಗ್ಲಾ ನವ್ಹ. ದೇವ್ ತ್ಯವ್ಡಾಸ್ ಚಾ಼ಂಗ್ಲಾ 19 ತುಲಾ ಸರ್ವ್ಯಾ ಕಾಲಾಚಾ಼ ಜೀವ್ ವ್ಹಯಿ ಆಸ್ಲಾತ ತುಲಾ ಠಾವ್ಯಾ ಆಸ್‌ಲ್ಯಾಲ್ಯಾ ಹ್ಯಾ ಆಜ್ಞಾ ಪ್ಯಾಳ್: ಖುನ್ ಕರು ನಕೊ, ವ್ಯಬಿಚಾರ್ ಕರುನಕೊ, ಚು಼ರಿ ಕರುನಕೊ, ಇನ್ನಾಕಾರನ್ ಕುನಾವ್ ಚು಼ಕ್ ವಾವುನಕೊ, ಫಸವು ನಕೊ, ಆನಿ ತುಜೆ ಆಯಿಬಾಲಾ ಮರ‍್ಯಾದ್ ದೇ" ಮನ್ಹುನ್ ಸಾಂಗ್ಲ.

20 ತವಾ ತ್ಯೊ, "ಪ್ರಬು, ಮಿ ನ್ಹಾನ್ ಫನಾಸ್ನಿ ಹ್ಯಾ ಆಜ್ಞಾ ಪಾಳಿತ್ ಆಲ್ಯೊ" ಮನ್ಲಾ.

21 ಯೇಸುನಿ ತ್ಯಾ ಮಾನ್ಸಾಲಾ ಮಾಯೆನಿ ನದಾರ್ಥಿವುನ್ ಬಗುನ್, "ತು ಯಾಕ್ ಕಾಮ್ ಕರಾ ವ್ಹಯಿಸ್. ಜಾ಼ವುನ್, ತುಜ಼ ಹಾ ತ್ಯ ಸಗ್ಳ ಇಕುನ್, ಆಲ್ಯಾಲ ಪೈಸ ಸಗ್ಳ ಗರಿಬಾನಾ ದೆ ಆನಿ ಮಂಗ್ ಮಾಜೆ ಮಾಗ್ನಿ ಯೆ. ತುಲಾ ದೇವ್ಲೋಕಾತ್ ಸಗ್ಳ ದನ್ ದವಲತ್ ಗಾವಲ್. " ಮನ್ಹುನ್ ಸಾಂಗ್ಲ.

22 ಯೇಸುಚ ಹೆ ಸಬಾತ್ ಐಕುನ್ ತ್ಯಚ಼ ತ್ವಾಂಡ್ ಬಾವ್ಲ ಆನಿ ಬೆಜಾರ್ ಕರುನ್ ಗೆಲಾ ಕಾ ಮನ್‌ಲ್ಯಾವ ತ್ಯೊ ಖುಬ್ ಸಾವ್ಕೊರ್ ಹುತ್ತಾ.

23 ಮಂಗ್ ಯೇಸುನಿ ಸರ್ ಬೌಥ ಆಪ್‌ಲ್ಯಾ ಶಿಶಾಂಚಿಕ್ಡ ಬಗುನ್, "ಸಾವ್ಕೊರ್ ದೇವಾಚಾ ರಾಜಾತ್ ಜಾ಼ಯಾಚ ಕ್ಯವ್ಡ ಕಠಿನ್ ಹಾ! ಮನ್ಲಾ.

24 ಯೇಸುಚ ಹೆ ಸಬಾತ್ ಐಕುನ್ ಶಿಶಾನಾ ಆಜಾಬ್ ಜಾ಼ಲ. ಫನ್ ಯೇಸು ಆನಿಕ್ ತ್ಯನಾ, "ಮಾಜಾ ಮುಲಾನು, ದೇವಾಚಾ ರಾಜಾತ್ ಜಾ಼ಯಾಚ಼ ಕ್ಯವ್ಡ ಕಠಿನ್ ಹಾ! 25 ಸಾವ್ಕೋರ್ ದೇವಾಚಾ ರಾಜಾತ್ ಜಾ಼ಯಾಚೆ ಬದ್ಲಿಸ್ ಹೂಟ್ ಸುಚಾ ಡೊಳ್ಯಾತ್ನಿ ಫಾಸ್ ವ್ಹವುನ್ ಜಾ಼ಯಾಚ಼ ಸಲ್ಪ" ಮನ್ಲಾ.

26 ಶಿಶಾನಾ ಆಜಾಬ್ ವ್ಹವುನ್, ಯಕಾಮಕಾಲಾ, ತಸಜಾ಼ಲ್ಯಾ ಕೊನ್ ರಕ್ಶನ್ ವ್ಹನಾರ್? ಮನ್ಹುನ್ ಬೋಲತ.

27 ಯೇಸುನಿ ಶಿಶಾಂಚಿಕ್ಡ ಬಗುನ್, "ಹ್ಯ ಮಾನ್ಸಾನಾ ವ್ಹಯಿತ್ ನಾಹಿ, ಫನ್ ದೇವಾಲಾ ನವ್ಹ ದೇವಾಲಾ ಸಗ್ಳ ವ್ಹತ್ತ" ಮನ್ಲಾ.

28 ಪೇತ್ರಾ ಯೇಸುಲಾ "ಆತಾ ಆಮಿ ಸಗ್ಳ ಸುಡುನ್ ದಿವುನ್ ತುಜೆ ಮಾಗ್ನಿ ಆಲ್ಯಾವ" ಮನ್ಲಾ.

29 ತವಾ ಯೇಸು "ಮಿ ತುಮಾನಾ ಖರ ಸಾಂಗ್ತೊ. ಮಾಜೆಸಾಟಿ ಆನಿ ಸುವಾರ್ತೆಸಾಟಿ ಆಪ್ಲ ಘರ್, ಬಾಹು, ಭನ್, ಆಯಿ, ಬಾ, ಪೊರ, ಜ಼ಮಿನ್ ಶೋಡ್‌ಲ್ಯಾಲ್ಯಾ ಪರ್ತೆಕಾಲಾ 30 ಹ್ಯಾ ಪ್ರಪಂಚಾ ಮದಿ ತ್ಯನಾ ಕಿತಿತರಿ ಗರ‍್ಹ, ಬಾಹು, ಭನ್ಹಿ, ಆಯಿ, ಪೊರ ಆನಿ ಜಿಮಿನ್ ತರಾಸ್ ಸಾಹಿತ್ ಶಂಬರಾಯವ್ಡಿ ಗಾವ್‌ನ್ಹಾರ್. ಆನಿ ಸ್ವರ್ಗ್ ದುನೆತ್ ತ್ಯಲಾ ಶಾಶ್ವತ್ ಜೀವ್ ಗಾವ್‌ನ್ಹಾರ್. 31 ಫನ್ ಪಯ್ಲ ಖುಬ್ ಜಾ಼ನ್ ಮಾಗ ರಾನ್ಹಾರ್; ಮಾಗ್ಲ ಖುಬ್ ಜಾ಼ನ್ ಪಯ್ಲ ವ್ಹನಾರ್" ಮನ್ಲಾ.

32 ಯೇಸು ಆನಿ ತ್ಯಚೆ ಸಂಗ ಆಸ್‌ಲ್ಯಾಲಿ ಲೊಕ ಯೆರುಸಲೆಮಿತ್ ವಾಟನಿ ಜಾ಼ತಾನಾ ಯೇಸು ತ್ಯಾ ಸಗ್‌ಳ್ಯಾಂಚೆ ಮೊರ‍್ಹ ಜಾ಼ಯಿತ್ ಹುತ್ತಾ. ತ್ಯ ಬಗುನ್ ಯೇಸುಚ ಶಿಶಾ ಆನಿ ತ್ಯಂಚೆ ಮಾಗ್ನಿ ಯತ್ಯಾಲಿ ಲೊಕ ಬಿಹ್ಯಾಲಿತ. ಆಪ್‍ಲ್ಯಾ ಬಾರಾಜಾ಼ನ್ ಶಿಶಾನಾ ಆಪ್ಲಿಕ್ಡ ಹಾಕ್ಟುನ್, ಯೆರುಸಲೆಮಿತ್ ಆಪ್‌ಲ್ಯಾಲಾ ವ್ಹಯಾಚ಼ ಆಸ್‌ಲ್ಯಾಲ ಸಗ್ಳ ತ್ಯನಾ ಸಾಂಗಿತ್ , 33 "ಐಕಾ ಆಮಿ ಯೆರುಸಲೆಮಿತ್ ಜಾ಼ನಾರ್. ಮಾನ್ಸಾಚಾ ಲೇಕಾಲಾ ಮುಖ್ಯ ಯಾಜಕಾಂಚಾ ಆನಿ ಕ್ಯಾಯ್ದದಾರಾಂಚಾ ತಾಬ್ಯಾತ್ ದೆನಾರ್. ತೆ ತ್ಯಲಾ ಮರ್ನಾಚಿ ಶಿಕ್ಷಾ ಥರ್ವುನ್ ಯೆಹುದಿ ನಸ್‌ಲ್ಯಾಲ್ಯಾ ದುಸ್‌ರ‍್ಯಾ ಲೊಕಾಂಚೆ ತಾಬ್ಯಾತ್ ದೆನಾರ್. 34 ತಿ ಲೊಕ ತ್ಯಲಾ ಬಗುನ್ ತ್ಯಚಿ ಮಸ್ಕರಿ ಕರ್ನಾರ್, ತ್ಯಚಿವ ಥುಕ್ನಾರ್, ಕಾಟ್ಯಾಚಾ ಚಾಬುಕಾನಿ ಮಾರ್ನಾರ್, ಆನಿ ಮಾರುನ್ ಟ್ಯಾಕ್ನಾರ್. ಫನ್ ತ್ಯೊ ತೀನ್ ದಿಸಾ ನಂತರ್ ಆನಿಕ್ ಜಿತ್ತಾ ವ್ಹವುನ್ ಉಠುನ್ ಯನಾರ್" ಮನ್ಹುನ್ ಸಾಂಗ್ಲ.

35 ಮಂಗ್ ಜೆಬೆದಾಯಾಚ಼ ಲ್ಯಾಕ್ ಯಾಕೊಬ್ ಆನಿ ಯೊಹಾನ್ ಯೇಸುಪ ಯವುನ್, "ಪ್ರಬು , ಆಮ್‌ಚ಼ ಯಾಕ್ ಮಾಗ್ನ ಹಾ ತ್ಯ ತು ಚಾ಼ಲ್ವುನ್ ದಿಯಾ ವ್ಹಯಿ" ಮನ್ಲ.

36 ಯೇಸುನಿ, ತುಮ್ಚ಼ ಮಾಗ್ನ ಕ್ಯಾ? ಮನ್ಹುನ್ ಇಚಾರ್ಲ.

37 ತ್ಯಂಚಾನಿ, ತು ತುಜಾ ರಾಜಾಮದಿ ಮಹಿಮೆನಿ ಸಿಂಹಾಸನಾವ ಬಸ್ಥಾನಾ ಆಮ್ಚಾತ್‌ಲ್ಯಾ ಯಕಾಲಾ ತುಜೆ ಉಜ್‍ವ್ಯಾಂಗ್ನಿ ಆನಿ ಯಕಾಲಾ ತುಜೆ ಡಾವ್ಯಾಂಗ್ನಿ*10:37 ಸ್ವರ್ಗಾಮದಿ ಮೊಟ ಸ್ತಾನ್ ಮಾಗ್ಲ ಬಸಾಯಾ ದೆ ಮನ್ಲ.

38 ಯೇಸುನಿ, ತುಮಿ ಕ್ಯಾ ಮಾಗ್‍ತ್ಯಾಸಾ ತ್ಯ ತುಮಾನಾ ಸಮಾಜ್ಲ ನಾಹಿ. ಮಿ ಪಿಯಾಚಾ ಕಸ್ಟಾಚಾ ತಾಂಬ್ಯಾತ್ನಿ ಪಿಯಾಲಾ ವ್ಹಯಿಲ್ ಕ್ಯಾ? ಮಿ ಗಿಹ್ಯಾ ವ್ಹಯಿ ಆಸ್‌ಲ್ಯಾಲಿ ಪವಿತ್ರ ಬಾಪ್ತಿಸ್ಮಾ ತುಮಿ ಗಿಹ್ಯಾ ವ್ಹಯಿಲ್ ಕ್ಯಾ? ಮನ್ಲಾ*10:38 ಮಿ ಗಿಹ್ಯಾಚಾ಼ ಕಸ್ಟ, ತರಾಸ್ ತುಮಿ ಗೆನಾರ್ ಕ್ಯಾ ಮಂಥೊ.

39 ತೆ, ವ್ಹಯ್ ಆಮಾನಾ ವ್ಹತ ಮನ್ಲ.

ಯೇಸು ತ್ಯನಾ, ಮಿ ಪಿತ್ಯಾಲ್ಯಾ ತಾಂಬ್ಯಾತ್ನಿ ತುಮಿ ಪಿಸಿಲಾ ಮಿ ಗಿಹ್ಯಾಚಿ ಪವಿತ್ರ ಬಾಪ್ತಿಸ್ಮಾ ಗಿಸಿಲಾ. 40 "ಫನ್ ಮಾಜೆ ಡಾವ್ಯಾಂಗ್ನಿ ನಾಹಿತ ಉಜ್‍ವ್ಯಾಂಗ್ನಿ ಬಸ್ನಾರ‍್ಯಾ ಮಾನ್ಸಾಲಾ ನಿವಡ್‍ತ್ಯಾಲಾ ಮಿ ನವ್ಹ. ತ್ಯೊ ಪರ್ಮೇಶ್ವರ ತ್ಯೊ ಜಾ಼ಗಾ ಕುನಾಲಾ ರಾಖುನ್ ಥೆವ್‌ಲ್ಯಾ ತ್ಯನಾಸ್ ತ್ಯೊ ವ್ಹನಾರ್" ಮನ್ಲಾ.

41 ರಾಯ್‌ಲ್ಯಾಲ್ಯಾ ಧಾ ಜಾ಼ನ್ ಶಿಶಾಂಚಾನಿ ಹ್ಯ ಐಕುನ್ ತ್ಯಾ ದೊಗಾಂಚಿವ ರಾಗ್ ಕೆಲಾ. 42 ಯೇಸುನಿ ಸಗ್‌ಳ್ಯಾನಾ ಯಕಿಕ್ಡ ಹಾಕ್ಟುನ್, "ಯೆಹುದಿ ನಸ್‌ಲ್ಯಾಲ್ಯಾ ಲೊಕಾಂಚ಼ ಅಧಿಪತಿ ಹಾತ ತೆ ಲೋಕಾಂಚಿವರ್ ಅಧಿಕಾರ್ ಚಾ಼ಲಿವತ್ಯಾತ, ತ್ಯೊ ಹುಕುಮ್ ತ್ಯನಾ ದಿಲ್ಯಾಲಾ ಹಾ ಮನ್ಲಾ. 43 ಹೆ ತರನಿ ತುಮ್ಚಾತ್ ರಾಹು ನಾಹಿ, ಥೊರ್ ವ್ಹಯಾ ವ್ಹಯಿ ಮಂಥ್ಯಾಲಾ ಸಗ್‌ಳ್ಯಾಂಚಿವ್ನಿ ನ್ಹಾನ್ ವ್ಹವುನ್ ತ್ಯಂಚಿ ಸೇವಾ ಕರಾ ವ್ಹಯಿ. 44 ಆನಿ ಮೊಟಾ ವ್ಹಯಾ ವ್ಹಯಿ ಮಂಥ್ಯಾಲಾ ಆಳಾಚೆಗತ್ ತುಮ್ಚಿ ಸಗ್‌ಳ್ಯಾಂಚಿ ಚಾ಼ಕ್ರಿ ಕರಾ ಪಾಯ್ಜೆ. 45 ತಸಸ್ ಮಾನ್ಸಾಚಾ಼ ಲ್ಯೊಕ್ ಲೊಕಾಂಚಿಪ್ನಿ ಸೇವಾ ಕರುನ್ ಗಿಹ್ಯಾ ಆಲಾನಾಹಿ, ಲೊಕಾಂಚಿ ಸೇವಾ ಕರಾಯಾ ಆಲ್ಯಾ. ಮಾನ್ಸಾಚಾ಼ ಲ್ಯೊಕ್ ಖುಬ್ ಲೊಕಾನಾ ಸುಟ್ಕ ಕರಾಯಾಸಾಟಿ ಆಪ್ಲಾ ಜೀವ್ ದಿಯಾ ಆಲ್ಯಾ" ಮನ್ಲಾ.

46 ಮಂಗ್ ತೆ ಯೆರಿಕೊ ಗಾವಾತ್ ಆಲ. ಯೇಸು ಆಪ್‌ಲ್ಯಾ ಶಿಶಾಂಚಿ ಸಂಗ ಆನಿ ಖುಬ್ ಲೊಕಾಂಚಿ ಸಂಗ ತ್ಯ ಗಾವ್ ಸುಡುನ್ ನಿಗಾಲಾ. ತಿಮಾಯಾಚಾ಼ ಲ್ಯೊಕ್ ಬಾರ್ತಿಲೊಮಾಯ್ ಮಂಥ್ಯಾಲಾ ಆಂದ್ಳಾ ವಾಟಚೆ ಕಡಸ್ ಬಸುನ್ ಭಿಕ್ ಮಾಗಿತಾ. 47 ನಜ಼ರೆತಿಚಾ಼ ಯೇಸು ತೆ ವಾಟನಿ ಜಾ಼ತ್ಯೋ ಮನ್ಹುನ್ ಐಕುನ್, ಯೇಸುಗಾ! ದಾವಿದಾಚಾ ಲೇಕಾ! ಮಾಜಿವ ಕರ್ನೆದ್ಯಾವ್! ಮನ್ಹುನ್ ಜೊ಼ರಾನಿ ವರಾಡ್ಲಾ.

48 ಥೊಡ ಜಾ಼ನ್ ತ್ಯಾ ಆಂದ್‍ಳ್ಯಾಲಾ ದಪ್‌ಕಾವುನ್ ಗಪ್ ರ‍್ಹಾ ಮನ್ಲ. ಫನ್ ತ್ಯೊ ದಾವಿದಾಚಾ ಲೇಕಾ ಮಾಜಿವ ಕರ್ನಾ ದ್ಯಾವ!" ಮನ್ಹುನ್ ಆನಿ ಜೊ಼ರಾನಿ ವರಾಡ್ಲಾ.

49 ಯೇಸು ಉಬಾರಾಹುನ್, "ತ್ಯಲಾ ಹಾಕ್ಟಾ" ಮನ್ಲಾ.

ತವಾ ತ್ಯಂಚಾನಿ ತ್ಯಾ ಆಂದ್‌ಳ್ಯಾಲಾ ಹಾಕ್ಟುನ್, ದಿರ‍್ಹಾನಿ ರ‍್ಹಾ, ಉಟ್ ಯೇಸು ತುಲಾ ಹಾಕಟ್ಯೋ ಮನ್ಲ. 50 ತ್ಯೊ ಆಂದ್ಳಾ ತವಾಸ್ ಉಬಾರಾಹುನ್ ಆಪ್ಲ ಕಾಂಬ್ರುನ್ ತಿಥಸ್ ಟಾಕುನ್ ಯೇಸುಪ ಗೆಲಾ.

51 ಯೇಸುನಿ, "ಮಾಜಿಪ್ನಿ ತುಲಾ ಕ್ಯಾ ವ್ಹಯಾ ವ್ಹಯಿ" ಮನ್ಹುನ್ ತ್ಯಲಾ ಇಚಾರ್ಲ.

ತ್ಯನಿ, "ಪ್ರಬು, ಮನಾ ಡೊಳ್ಯಾನಿ ದಿಸ ಶಾರ್ಕ ಕರ್" ಮನ್ಲಾ.

52 ಯೇಸು, "ಜಾ಼, ತುಜಾ ಇಸ್ವಾಸಾನಿ ತುಲಾ ಬರ ಜಾ಼ಲ್ಯಾ" ಮನ್ಲಾ. ತವಾಸ್ ತ್ಯಲಾ ದೀಸಾಯಾ ಲಾಗ್ಲ. ತ್ಯೊ ಯೇಸುಚೆ ಮಾಗ್ನಿ ತೆ ವಾಟನಿ ಗೆಲಾ.