Marcos 2

ಯೇಸುನಿ ಪಾರ್ಶಿ ಮ್ಯಾರ್ಲ್ಯಾಲ್ಯಾಲಾ ಬರ ಕೆಲ್ಯಾಲ

1 ಥೋಡ್ಯಾ ದಿಸಾ ನಂತರ್ ಯೇಸು ಕಪೆರ್ನೌಮತ್ ಪರ್ತುನ್ ಆಲಾ. ಗರ‍್ಹಾತ್ ಹಾ ಮನ್ಹುನ್ ಸುದ್ದಿ ಪಗಾಳ್ಳಿ. 2 ತವಾ ಖುಬ್ ಲೊಕ ಜ಼ಮುನ್ ಆಲಿತ ಮನ್ಹುನ್ ದಾರಾಚೆ ಕಡಸ್ ಬೀ ಜಾ಼ಗಾ ರಾಯ್ಲ ನಾಹಿ. ಯೇಸು ಲೊಕಾನಾ ದೇವಾಚಿ಼ ವಚ್ನ ಸಾಂಗಿತ್ ಹುತ್ತಾ. 3 ತ್ಯವ್‌ಡ್ಯಾತ್ ಯಕಾ ಪಾರ್ಶಿಚಾ ರೊಗಿಲಾ ಚಾರ್ ಜ಼ನಾಂಚಾನಿ ಉಚ್ಲು಼ನ್ ತಿಥ ಆನ್ಲಾ 4 ಲೊಕ ಖುಬ್ ಜ಼ಮ್ಲಿಹುತ್ತಿತ ಮನ್ಹುನ್ ತ್ಯಲಾ ಯೇಸುಚೆ ಜ಼ವಳ ನಿಹ್ಯಾ ಜಾ಼ಲಾ ನಾಹಿ ಮನ್ಹುನ್ ಯೇಸು ಬಸ್‌ಲ್ಯಾಲ್ಯಾ ಗರಾಚೆ ವೈಲಾ ಥಾಟ್ ಕಾಡುನ್ ವೈನಿ ಹಾತ್ರುನಾಸಾಹಿತ್ ತ್ಯಾ ರೊಗಿಲಾ ಯೇಸುಪ ಉತರ್ಲಾ. 5 ಯೇಸುನಿ ತ್ಯಂಚಾ಼ ಇಸ್ವಾಸ್ ಬಗುನ್ ತ್ಯಾ ರೊಗಿಲಾ "ಲೇಕಾ ತುಜಾ ಪಾಪಾಂಚಿ ಮಾಪಿ ಜಾ಼ಲಿ ಮನ್ಲಾ. "

6 ಫನ್ ಥೋಡಜಾ಼ನ್ ದರ್ಮ ಸಿಕಿವ್‌ತ್ಯಾಲ ಶಾನ ತಿಥ ಬಸುನ್ 7 "ಹ್ಯೊ ಕಾ ಆಸಾ ಬೊಲ್ತೊ ಹ್ಯನಿ ದೇವಾಲಾ ಅವ್ಮಾನ್ ವ್ಹತೊ ದೇವಾಲಾ ಸುಡುನ್ ಆನಿ ಕುನಾಲಾ ಪಾಪ ಮಾಪ್ ಕರಾಯಾ ವ್ಹಯಿತ್ನಾಹಿ? ಮನ್ಹುನ್ ಆಪ್‍ಲ್ಯಾ ಆಪ್‍ಲ್ಯಾ ಮನಾತ್ ಮನ್ಹಿತ್ ಹುತ್ತ.

8 ತ್ಯ ಯೇಸುನಿ ತವಾಸ್ ಆಪ್‍ಲ್ಯಾ ಆತ್‌ಮ್ಯಾತ್ ಸಮಜು಼ನ್ "ತುಮಿ ತುಮ್ಚಾ ಮನಾತ್ ಕಾ ಆಸ್ಲ ಯವಸ್ತಾಸಾ? 9 ಕಚ಼ ಸಲ್ಪ; ತುಜ಼ ಪಾಪ್ ಮಾಪ್ ಜಾ಼ಲ ಮನ್ಹಾಚ಼ ಕ್ಯಾ ಉಠುನ್ ತುಜ಼ ಹಾತ್ರುನ್ ಗಿವುನ್ ಜಾ಼ ಮನ್ಹಾಚ಼? 10 ಫನ್ ಪಾಪ್ ಮಾಪಿ ಕರಾಯಾ ಮಾನ್ಸಾಚಾ ಲೇಕಾಲಾ ದರ್ಥಿವ ಹಾಕ್ ಹಾ ಮನ್ಹುನ್ ತುಮಾನಾ ಸಮಜಾ಼ಯಾ ಪಾಯ್ಜೆ" ಮನ್ಹುನ್ ತ್ಯಾ ಪಾರ್ಶಿವಾಯಿ ರೊಗಿಲಾ ಬಗುನ್ 11 "ಉಠುನ್ ತುಜ಼ ಹಾತ್ರುನ್ ಗಿವುನ್ ಗರ‍್ಹಾತ್ ಜಾ಼" ಮನ್ಲಾ.

12 ತ್ಯೊ ತವಾಸ್ ಉಠುನ್ ಆಪ್ಲ ಹಾತ್ರುನ್ ಗಿವುನ್ ಸಗ್‌ಳ್ಯಾಂಚೆ ಮದ್ನಿ ಗೆಲಾ. ತ್ಯ ಬಗುನ್ ಸಗ್ಳಿ ಗಾಬಾರ್ಲಿತ ಆಜು಼ನ್ ಪರ‍್ಯಾತ್ ಆಮಿ ಆಸ್ಲ ಕವಾಸ್ ಬಗ್ಲ ನಾಹಿ. ಮನ್ಹಿತ್ ದೇವಾಲಾ ಸ್ತುತಿ ಕರುನ್ ತ್ಯಚ಼ ನಾವ್ ಗ್ಯಾವ್ಲ.

ಯೇಸುನಿ ಲೇವಿಲಾ ಹಾಕಟ್‌ಲ್ಯಾಲ

13 ಯೇಸು ಪರತ್ ಆನಿ ಗಲಿಲಾಯ್ ಸಮಿಂದೋರಾಕ್ಡ ಗೆಲಾ. ಲೊಕ ತ್ಯಚಿಪ ಜ಼ಮ್ಲಿತ ತ್ಯನಿ ಲೊಕಾನಾ ಪರ್ಮೆಶ್ವರಾಚಾ಼ ಉಪದೆಶ್ ದಿಲಾ. 14 ತ್ಯೊ ತಿಥ್ನಿ ಜಾ಼ಯಿತ್ ಆಸ್ಥಾನಾ ಜ಼ಖತ್ ವಸುಲಿ ಕರಾಯಾ ಕತ್ರಿವ ಬಸ್‌ಲ್ಯಾಲಾ ಅಲ್ಪಾಯಾಚಾ಼ ಲ್ಯೊಕ್ ಲೇವಿಲಾ ಬಗುನ್ "ಮಾಜೆ ಮಾಗ್ನಿ ಯೇ" ಮನ್ಹುನ್ ಹಾಕಟ್ಲಾ ತ್ಯೊ ಉಠುನ್ ತ್ಯಚೆ ಮಾಗ್ನಿ ಗೆಲಾ.

15 ನಂತರ್ ಯೇಸು ಲೇವಿಚಾ ಗರ‍್ಹಾತ್ ಖಾಯಾ ಆಲಾ. ತವಾ ಜ಼ಖತ್ ವಸುಲಿ ಕರ್ತ್ಯಾಲ ಆನಿ ಪಾಪಿಂಚಾ಼ ಹಿಂಡ್ ಯೇಸುಚೆ ಮಾಗ್ನಿ ಆಲಾ. ತ್ಯಾತ್ಲ ಥೋಡಜಾ಼ನ್ ಯೇಸು ಆನಿ ತ್ಯಚಾ ಶಿಶಾಂಚೆ ಸಂಗ ಪಂಗ್ತಿತ್ ಖಾಯಾ ಬಸ್ಲ ಹುತ್ತ. 16 ಫರಿಸಾಯ್*2:16 ಫರಿಸಾಯ್ ಯೆಹುದ್ಯಾಂಚಾ ದರ್ಮಾತ್‌ಲ್ಯಾ ಆನಿ ರಾಜ್ಕಿತ್ಲಾ ಶಾನ್ಯಾಂಚಾ ಯೊಕ್ ಮೇಳಾ ಜಾ಼ಲ್ಯಾಲ ಕ್ಯಾಯ್ದದಾರಾಂಚಾತ್ಲ ಥೋಡಜಾ಼ನ್ ಪಾಪಿಂಚೆ ಆನಿ ಜ಼ಖತ್ ವಸುಲಿ ಕರ್ತ್ಯಾಲ್ಯಾಂಚೆ ಸಂಗ ಯೇಸು ಬಸ್‌ಲ್ಯಾಲಾ ಬಗುನ್ "ಹ್ಯೊ ಹ್ಯಂಚಿ ಸಂಗ ಖಾಯಾ ಬಸ್‌ಲ್ಯಾ ಕಾ? ಮನ್ಹುನ್ ಇಚಾರ್ಲ.

17 ಯೇಸುನಿ ತ್ಯ ಐಕುನ್ "ಬರ ಆಸ್‌ಲ್ಯಾಲ್ಯಾಲಾ ಆತಾ ವೈದಿ ನಕೊ; ಬರ ನಸ್‌ಲ್ಯಾಲ್ಯಾಲಾ ವ್ಹಯಿ. ಮಿ ಚಾ಼ಂಗಲ್ಯಾನಾ ಹಾಕ್ಟಾಯಾ ಆಲ್ಯಾಲೊ ನವ್ಹ, ಪಾಪಿನಾ ಹಾಕ್ಟಾಯಾ ಆಲ್ಯಾಲೊ" ಮನ್ಲಾ.

ಉಪಾಸಾಚಾ ಪ್ರಶ್ನೆ

18 ಯೋಹಾನಾಚ ಶಿಶಾ ಆನಿ ಫರಿಸಾಯ್ ಉಪಾಸ್ ಕರೀತ್ ಹುತ್ತ. ತವಾ ಥುಡಿಲೊಕ ಯೇಸುಪ ಯವುನ್ "ಹೆ ಉಪಾಸ್ ಕರ್ತ್ಯಾತ ಆನಿ ತುಜ಼ ಶಿಶಾ ಕಾ ಉಪಾಸ್ ಕರೀತ್ ನಾಹಿತ? ಮನ್ಹುನ್ ಇಚಾರ್ಲ.

19 ಯೇಸು ತ್ಯನಾ ಮನ್ಲಾ "ನವರ‍್ಯಾ ಸಂಗ ವ್ಹರಾಡ್ ಆಸ್ಥಾನಾ ಉಪಾಸಿ ರಾಥಕ್ಯಾ? ನಾಹಿ! ನವರ‍್ಹಾ ತ್ಯಂಚೆ ಸಂಗ ಆಸಸ್ಪರ‍್ಯಾತ್ ತೀ ಉಪಾಸಿ ರಾಹಿತ್ ನಾಹಿತ 20 ಖರ ನವರ‍್ಯಾಲಾ ನಿಹ್ಯಾಚಾ಼ ಯೊಳ್ ಯಯಿಲ್; ತ್ಯಾ ಯಳಾಲಾ ವ್ಹರಾಡ್ ಉಪಾಸಿ ರಾಹಿಲ್.

21 ಕೊನ್ ನವ್ಯಾ ಕಪ್‌ಡ್ಯಾಚಾ಼ ತುಕ್ಡಾ ಜು಼ನ್ಯಾ ಕಪ್‌ಡ್ಯಾಲಾ ತ್ಯಾಪಿ ಲಾವಿತ್ ನಾಹಿ; ಲ್ಯಾವ್ಲತ ನವಾ ಕಪ್ಡಾ ಜು಼ನ್ಯಾ ಕಪ್‌ಡ್ಯಾಲಾ ಲಸ್ ಪಿಂಜ಼ಳ್ತೋ. 22 ಆನಿ ಜು಼ನ್ಯಾ ಚ಼ಮ್‌ಡ್ಯಾಚೆ ಪಿಸ್ವಿತ್ ನವಾ ದ್ರಾಕ್ಶಿಚಾ಼ ರಸ್ ಕೊನ್ ಗಾಲುನ್ ಥಿವಿತ್ ನಾಹಿ. ಥೆವ್‌ಲ್ಯಾವ ತ್ಯಾ ದ್ರಾಕ್ಶಿಚಾ ರಸಾನಿ ಚ಼ಮ್‌ಡ್ಯಾಚಿ ಪಿಸ್ವಿ ಫುಟುನ್ ರಸ್ ಆನಿ ಪಿಸ್ವಿ ದುನಿ ಬಾದ್ ವ್ಹತ್ಯಾತ. ನವಾ ರಸ್ ನವ್ಯಾ ಚ಼ಮ್‌ಡ್ಯಾಚೆ ಪಿಸ್ವಿತ್ ಥೆವಾವ" ಮನ್ಹುನ್ ಸಾಂಗ್ಲ.

ಸಬ್ಬತ್ ದಿಸಾಚಾ಼ ಪ್ರಶ್ನೆ

23 ಯೇಸು ಸಭತ್ ದಿಸಾ ದಿಸಿ ಪಿಕಾಚಾ ಸೆತಾತ್ನಿ ಜಾ಼ಯಿತ್ ಆಸ್ಥಾನಾ, ಯೇಸುಚಾ ಶಿಶಾಂಚಾನಿ ಕನ್ಸ ಮುಡುನ್ ಗೆತ್ಲಿತ. 24 ಫರಿಸಾಯಾಂಚಾನಿ ಯೇಸುಲಾ "ಬಗ್ ಹೆ ಸಬ್ಬತ್ ದಿಸಾದಿಸಿ ಕರುನಾಹಿತ್ಯ ಕಾಮ್ ಕಾ ಕರ್ತ್ಯಾತ" ಮನ್ಹುನ್ ಇಚಾರ್ಲ.

25 ಯೇಸು ತ್ಯನಾ "ದಾವೀದಾನಿ ಆಪ್ನು ಆನಿ ಆಪ್ಲೆ ಸಂಗಚಾನಾ ಭುಕ್ ಲಾಗುನ್ ಖಾಯಾ ಕಾಯ್ ನಸ್ತಾನಾ ಕ್ಯಾ ಕೆಲ ಮನ್ಹುನ್ ತುಮಿ ಕಂದಿತರಿ ವಾಚಿವ್ಲ ನಾಹಿಸಾ ಕ್ಯಾ? 26 ಆಮ್ಚಾ ಕ್ಯಾಯ್‌ದ್ಯಾಶಾರ್ಕ ದಾವೀದಾನಿ ಮುಖ್ಯ ಯಾಜಕ್ ಅಬಿಯಾತಾರಾಚಾ ಕಾಲಾತ್ ದೇವಾಚಾ ದೇವ್ಳಾತ್ ಜಾ಼ವುನ್ ಯಾಜಾಕಾನಿ*2:26 ದುಸ್‌ರ‍್ಯಾಂಚೆ ಸಾಟಿ ದರ್ಮಾಚಿ ಕಾಮ ಕರ್ತ್ಯಾಲಾ ಮಾನುಸ್ ಯಾಜಕ್ ಖಾಯಾಚಾ ನಿವ್ದಾವ್‌ಲ್ಯಾ ಬಾಕ್‌ರ‍್ಯಾ ಆಪ್ನು ಖಾವುನ್ ಆಪ್ಲೆ ಸಂಗಚಾನಾ ದೀಲ್ಯಾ ನವ್ಹ? ಮನ್ಹುನ್ ಸಾಂಗ್ಲ.

27 ಆನಿ ಯೇಸು ಪರಿಸಾಯಾಲಾ ಸಾಂಗ್ತೊ "ಸಬ್ಬತ್ ದಿಸ್ ಮಾನ್ಸಾನಾ ಮಜ಼ತ್ ಕರಾಸಾಟಿ ಜಾ಼ಲ್ಯಾ ಸಬ್ಬತ್ ದಿಸಾನಿ ಮಾನ್ಸಾಂಚಿವರ್ ಹಾಕ್ ಚಾ಼ಲ್ವಾಯಾ ನವ್ಹ; 28 ಆಸ ಆಸ್ಥಾನಾ, ಮಾನ್ಸಾಚಾ ಲೇಕಾಲಾ ಸಬ್ಬತ್ ದಿಸಾವರ್ ಹಾಕ್ ಹಾ" ಮನ್ಲಾ.