Marcos 7

ಯಕ ಬಾಯಿಚಾ಼ ಇಸ್ವಾಸ್

24 ಯೇಸು ತಿಥ್ನಿ ನಿಗುನ್ ತುರ್ ಪೆಠತ್‌ಲ್ಯಾ ಸರ್‌ಬೌಥಚಾ ಪ್ರದೇಶಾತ್‌ಲ್ಯಾ ಯಕಾ ಗರ‍್ಹಾತ್ ಗೆಲಾ ತ್ಯ ಕುನಾಲಾ ಕಳುನಾಹಿ ಮನ್ಹುನ್ ತ್ಯಚಾ ಮನಾತ್ ಹುತ್ತ; ಫನ್ ಮಾನ್ಸಾನಾ ಚು಼ಕುವುನ್ ರಾಹ್ಯಾ ಜಾ಼ಲ ನಾಹಿ. 25 ತಿಥ ಯಕ ಬಾಯಿಚೆ ಲಿಕಿಲಾ ಲಾಗಿರ್ ದರ್ಲ ಹುತ್ತ ತಿನಿ ಯೇಸುಚಿ ಬಾತ್ನಿ ಐಕ್‌ಲ್ಯಾ ಬರ್ಬರ್ ಯವುನ್ ಯೇಸುಚಾ ಪಾಯಾತ್ ಪಡ್ಲಿ. 26 ತೀ ಯಹುದ್ದಿ ನವ ದುಸರೆ ಜಾ಼ತಿತ್ಲಿ ಗ್ರೀಕಾತ್ಲಿ ಸಿರಿಯಾ ಪ್ರದೇಶಾತ್‌ಲ್ಯಾ ಪೊಯಿನಿಕೆತ್ ಜ಼ಲಾಮಲ್ಯಾಲಿ. ತೀ ಆಪ್ಲೆ ಲಿಕಿವ್ಲ ಲಾಗಿರ್ ಸೊಡ್ವಾಯಾ ವ್ಹಯಿ ಮನ್ಹುನ್ ಯೇಸುಲಾ ಸಾಂಗಾಯಾ ಲಾಗ್ಲಿ.

27 ಯೇಸು ತಿಲಾ ಮನ್ಲಾ, " ಆಂದಿ ಪೊರಾಂಚ಼ ಪ್ವಾಟ್ ಬರುನಿ. ಪೊರ ಖಾತ್ಯಾಲಿ ಬಾಖ್ರಿ ಗಿಹುನ್ ಕುತ್‌ರ‍್ಯಾನಾ ಗಾಲಾಚಿ಼ ಬರ ನವ್ಹ. "

28 ತವಾ ಬಾಯಿ ಮನ್ಲಿ, "ಪ್ರಭು ಪೊರಾಂಚಾನಿ ಖಾವುನ್ ಉರ್ಲ್ಯಾಲಿ ಕುತ್ರಿ ಖಾತ್ಯಾತ. "

29 ತವಾ ಯೇಸು ತಿಲಾ, "ತು ಚಾ಼ಂಗ್ಲಾ ಉತ್ರಾ ದಿಲಾಸ್ ತವಾಸ್ ತಿಥ ತುಜೆ ಲಿಕಿಲಾ ಲಾಗಿರ ಸುಡುನ್ ಗೆಲ್ಯಾ ತ್ಯ ತು ಗರ‍್ಹಾತ್ ಜಾ಼ವುನ್ ಬಗ್!. ಮನ್ಲಾ

30 ತೀ ಗರ‍್ಹಾತ್ ಗಿಲಿತವಾ ತಿಚಿ ಲೇಕ್ ಪಲಂಗಾವ ಆರಾಮ್ ಹುತ್ತಿ; ಆನಿ ಲಾಗಿರ್ ತಿಲಾ ಸುಡುನ್ ಗೆಲ್ತ.