1 ಆನಿಕ್ ತ್ಯನಾ "ತುಮಾನಾ ಖರ ಸಾಂಗ್ತೊ, ಹಿತ ರಾಹಿಲ್ಯಾಲ್ಯಾತ್ ಥೋಡಿಜ಼ನ ದೇವಾಚ಼ ರಾಜೆ ಬಾಚೆ ತಾಕ್ತಿನಿ ಚ಼ಮಾಕತ್ಯಾಲ್ಯಾ ಉಜಿಡಾನಿ ಯತ್ಯಾಲ ಬಗಿಸ್ ಪರ‍್ಯಾತ್ ಮರಾನ್ ಪಾವ್ನಾರ್ ನಾಹಿತ ಮನ್ಹುನ್ ಸಾಂಗ್ಲ.

2 ಸಾ ದಿಸ್ ಜಾ಼ಲ್ಯಾ ನಂತರ್ ಯೇಸುನಿ ಪೇತ್ರಾ, ಯಾಕೊಬ್, ಯೊಹಾನ್, ಹ್ಯನಾ ಆಪ್ಲೆ ಸಂಗ ಯಕಾ ಮೊಟ್ಯಾ ಗುಢ್ಯಾವ ಯಕಿಕ್ಡ ನೆಲ ಆನಿ ತಿಥ ತ್ಯಂಚೆ ಮೋರ್ಹ ತ್ಯಚ಼ ರುಪ್ ಬದಾಲ್ಲ; 3 ತ್ಯಚ಼ ಕಪ್ಡ ಚ಼ಕ್ಚ಼ಕಿತ್ ಪಾಂಡ್ರಖಡ್ ಜಾ಼ಲ ಹುತ್ತ ತ್ಯವ್ಡ ಪಾಂಡ್ರ ವ್ಹಯಿಸ ಕಪ್ಡ ದುನ್ಹಾರಾ ಹೆ ದರ್ಥಿವ ಕೊನ್ ನಾಹಿ. 4 ತವಾ ಮೋಸೆ ಆನಿ ಯಲಿಯಾ ಸಾಹಿತ್ ತ್ಯನಾ ತಿಥ ದಿಸ್‌ಲ; ತೆ ಯೇಸು ಸಂಗ ಬೊಲತ್ ಹುತ್ತ.

5 ತವಾ ಪೇತ್ರಾ ಯೇಸುಲಾ ಮನ್ಲಾ, ಪ್ರಬುಜಿ಼, ಆಮಿ ಹಿತ್ತ ರಾಯ್‍ಲ್ಯಾವ ಬರ ಹಾ; ತವಾ ಆಮಿ ತೀನ್ ಮಾಂಡಾವ್ಟ ಗಾಲುಯಾ, ತುಲಾ ಯೊಕ್, ಮೋಸೆಸಾಟಿ ಯೊಕ್ ಆನಿ ಯಲಿಯಾ ಸಾಟಿ ಯೊಕ್. 6 ಕ್ಯಾ ಬೊಲಾಚ಼ ತ್ಯ ತ್ಯಲಾ ಸಮಾಜ಼ಲ ನಾಹಿ; ಮನ್ಹುನ್ ಆಸಾ ಬೋಲ್ಲಾ. ಆನಿ ತೆ ಖುಬ್ ಬಿಹ್ಯಾಲ ಹುಥ.

7 ತಿತ್‍ಕ್ಯಾತ್ ತ್ಯಂಚಿವ ಯೊಕ್ ಢಗ್ ಯವುನ್ ದಡಿವ್ಲ. ಆನಿ ತ್ಯಾ ಡಘಾತ್ನಿ "ಹ್ಯೊ ಮಾಜಾ಼ ಮಾಯೆಚಾ಼ ಲ್ಯೊಕ್; ಹ್ಯಚ಼ ಸಬ್ದ ಐಕಾ" ಮನ್ಹುನ್ ಅವಾಜ಼್ ಆಲಾ.

8 ತವಾಸ್ ತ್ಯಂಚಾನಿ ಸರ್ಬೌತ ಬಗ್ಲ ತವಾ ತ್ಯನಾ ಯೇಸುಸಿವಾರ್ ಆನಿ ಕೊನ್ ದಿಸ್ಲ ನಾಹಿ.

9 ತೆ ತ್ಯಾ ಗುಢ್ಯಾವ್ನಿ ಉತ್ರುನ್ ಯತಾನಾ ಯೇಸುನಿ ತ್ಯನಾ "ತುಮಿ ಬಗ್‍ಲ್ಯಾಲ ಮಾನ್ಸಾಚಾ಼ ಲ್ಯೊಕ್ ಮರುನ್ ಜಿ಼ತ್ತಾ ವ್ಹವುನ್ ಯಯಿಸ್ ಪರ‍್ಯಾತ್ ಕುನಾಲಾ ಸಾಂಗುನಾಹಿ ಮನ್ಹುನ್ ಖಡ್ಯಾವುನ್ ಸಾಂಗ್ಲ.

10 ತ್ಯಂಚಾನಿ ಹ್ಯೊ ಸಬ್ದ ದರ‍್ಹುನ್ ಮರುನ್ ಜಿತ್ತಾ ವ್ಹವುನ್ ಯಯಾಚ಼ ಮಂಜೆ ಕ್ಯಾ ಮನ್ಹುನ್ ಯಕಾಮಕಾಲಾ ಇಚಾರಾಯಾ ಲಾಗ್ಲ. 11 ಆನಿ ತ್ಯಂಚಾನಿ ತ್ಯಲಾ "ಯಲಿಯಾ ಆಂದಿ ಯಯಾಚಿ ಗರಜ಼್ ಹಾ ಮನ್ಹುನ್ ಕ್ಯಾಯ್ದದಾರ್ ಮಂಥ್ಯಾತ ನವ್ಹ, ಹ್ಯ ಕಸ? ಮನ್ಹುನ್ ಇಚಾರ್ಲ ತವಾ ತ್ಯನಿ.

12 "ಯಲಿಯಾ ಆಂದಿ ಯವುನ್ ಸಗ್ಳ ಶಾರ್ಕ ಕರ್ನಾರ್ ತ್ಯ ಖರ. ಆನಿ ಮಾನ್ಸಾಚಾ ಲೇಕಾನಿ ಖುಬ್ ದುಃಖ್ ಸುಸ್ವುನ್ ಗಿಹ್ಯಾ ವ್ಹಯಿ ನಿಂದಾ ಕರುನ್ ಗಿಹ್ಯಾ ವ್ಹಯಿ ಆಸ ತ್ಯಚಿ ಖಬರ್ ಲಿವ್ಲೆ ತ್ಯ ಕಸ? 13 ಖರ ಮಿ ತುಮಾನಾ ಸಾಂಗಾಚ಼ ಕ್ಯಾ ಮಂಜೆ, ಯಲಿಯಾ ಆಂದಿಸ್ ಆಲ್ಯಾ; ಆನಿ ವಚನಾತ್ ಲಿವ್‍ಲ್ಯಾ ಶಾರ್ಕ ತ್ಯಲಾ ಲೊಕಾಂಚಾನಿ ಆಪ್‍ಲ್ಯಾ ಮನಾಸ್ ವಾಟಲ್ ತಸಾ ತರಾಸ್ ದಿಲಾ ಮನ್ಲಾ.

14 ನಂತರ್ ತೆ ರಾಯ್‌ಲ್ಯಾಲ್ಯಾ ಶಿಶಾಂಚಿಪ ಯವುನ್ ತ್ಯಂಚೆ ಸರ್ಬೌತಿ ಲೊಕ ಜ಼ಮಲ್ಯಾಲಿ ಆನಿ ತ್ಯಂಚೆ ಸಂಗ ಕ್ಯಾಯ್ದದಾರ್ ಸಿಕ್‌ಲ್ಯಾಲ ವಾದ್ ಗ್ಯಾಲಥ್ಯಾಲ ಬಗ್ಲಾ. 15 ತವಾಸ್ ತ್ಯಾ ಲೊಕಾಂಚಾನಿ ಯೇಸುಲಾ ಬಗುನ್ ಯಗ್ದಮ್ ಆಜಾಬ್ ವ್ಹವುನ್ ತ್ಯಚಿಪ ಪಳತ್ ಯವುನ್ ತ್ಯಲಾ ನಮಸ್ಕಾರ್ ಕೆಲಾ.

16 ತ್ಯನಿ ಶಿಶಾನಾ, "ಹ್ಯಂಚಿ ಸಂಗ ಕಶಾಸಾಟಿ ವಾದ್ ಗಾಲಿತಾಸಾ? ಮನ್ಹುನ್ ಇಚಾರ್ಲ ತವಾ.

17 ಯಕಾನಿ "ಪ್ರಬು, ಮಾಜಾ ಲೇಕಾಲಾ ತುಜಿಕ್ಡ ಗಿಹುನ್ ಆಲ್ತೊ; ತ್ಯಲಾ ಲಾಗಿರ್ ಲಾಗ್‌ಲ್ಯಾ ತವಾಚಾನ್ ತ್ಯೊ ಬೊಲತ್ ನಾಹಿ; 18 ತ್ಯ ತ್ಯಚಿವ ಕವಾ ಯತ ತವಾ ತ್ಯಲಾ ಪಾಡುನ್ ಗ್ಯಾಲ್ತ; ತವಾ ತ್ಯಚಾ ತೊಂಡಾತ್ನಿ ಫ್ಯೊಸ್‌ಯವುನ್ ಕಾರ್ ಕಾರ್ ದಾತ್ ಚಾ಼ವಿತ್ ತಾಠೊ. ತ್ಯ ಸೊಡ್ವಾಯಾ ತುಜಾ ಶಿಶಾನಾ ಸಾಂಗ್ಲ; ತ್ಯನಾ ಜಾ಼ಲ ನಾಹಿ ಮನ್ಲಾ.

19 ತ್ಯಲಾ ಯೇಸು, "ಆರ ಇಸ್ವಾಸ್ ನಸ್‌ಲ್ಯಾಲೆ ಪಿಳ್ಗೆ? ಮಿ ಆಜು಼ನ್ ಕೆವ್ಡ ದಿಸ್ ತುಮ್ಚೆ ಸಂಗ ರಾವು? ಆಜು಼ನ್ ಕೆವ್ಡ ದಿಸ್ ತುಮಾನಾ ಸಂಬ್ಯಾಳು? ಪ್ಯೋರ್ಗ್ಯಾಲಾ ಮಾಜಿ಼ಪ ಗಿಹುನ್ ಯವಾ.

20 ತ್ಯಾ ಪ್ಯೋರ್ಗ್ಯಾಲಾ ತ್ಯಚಿಪ ಗಿಹುನ್ ಆಲಿತ. ಯೇಸುಲಾ ಬಗ್‌ಲ್ಯಾ ಬರ್ಬರ್ ತ್ಯಾ ಲಾಗಿರಾನಿ ಪ್ಯೋರ್ಗ್ಯಾಲಾ ಟ್ಯಾಕ್ಲ ತವಾ ತ್ಯಲಾ ಫೀಟ್ ಆಲಿ ಆನಿ ತ್ಯಚಾ ತೊಂಡಾತ್ನಿ ಫ್ಯೊಸ್‌ಯವುನ್ ಲೊಳಾಯಾ ಲಾಗ್ಲಾ.

21 ಯೇಸುನಿ ತ್ಯಚಾ ಬಾಲಾ, "ಹ್ಯ ಹ್ಯಚಿವ ಯವುನ್ ಕ್ಯವ್ಡ ದಿಸ್ ಜಾ಼ಲ" ಮನ್ಹುನ್ ಇಚಾರ್ಲ ತವಾ ತ್ಯನಿ.

22 "ನ್ಹಾನ್ ಆಸ್ಥಾನಾಸ್ ಆಲ್ಯಾ; ಆನಿ ಹ್ಯಲಾ ಮಾರುನ್ ಟಾಕಾಯಾ ವ್ಹಯಿ ಮನ್ಹುನ್ ಕವಾ ಕವಾ ಇಸ್‌ಥ್ಯಾತ್, ಪಾನ್ಯಾತ್ ಪ್ಯಾಡ್‌ಲ್ಯಾ; ತುಜಿಪ್ನಿ ವ್ಹಯಾಚ಼ ಆಸ್ಲತ ಆಮ್ಚಿವ ಕರುನಾ ದಾವುನ್ ಆಮಾನಾ ಮಜ಼ತ್ ಕರ್" ಮನ್ಲಾ.

23 ಯೇಸು ತ್ಯಲಾ "ತುಜಿಪ್ನಿ ವ್ಹಯಾಚ಼ ಆಸ್ಲತ ಮಂಥೊಸ್? ಇಸ್ವಾಸ್ ಥೆವ್‌ಲ್ಯಾಲ್ಯಾಲಾ ಸಗ್ಳ ವ್ಹತ ಮನ್ಲಾ.

24 ತ್ಯಾ ಬರ್ಬರ್ ಪ್ಯೋರ್ಗ್ಯಾಚಾ಼ ಬಾ "ಇಸ್ವಾಸ್ ಥೆವ್ತೊ, ಮನಾ ಇಸ್ವಾಸ್ ಕಮ್ಮಿ ಆಸ್ಲಾತ ತು ಮಜ಼ತ್ ಕರ್" ಆಸಾ ಜೊ಼ರಾನಿ ವರ್ಡುನ್ ಮನ್ಲಾ.

25 ತವಾ ಯೇಸುನಿ ಲೊಕ ಗೊಳಾ ವ್ಹತ್ಯಾಲಿ ಬಗುನ್ ತ್ಯಾ ಲಾಗಿರಾಲಾ ದಪ್‌ಕ್ಯಾವುನ್, "ಯೇ ಐಕು ಆನಿ ಬುಲು ದಿಯಿ ನಸ್ನಾರ‍್ಯಾ ಲಾಗಿರಾ, ಹ್ಯಲಾ ಸುಡುನ್ ಜಾ಼; ಹಿತ್ನಿ ಮೋರ್ಹ ದರ‍್ಹುನಕೊ ಮನ್ಹುನ್ ಮಿ ತುಲಾ ಆಜ್ಞೆ ದೆತ್ಯೊ" ಮನ್ಲಾ.

26 ತವಾ ತ್ಯಾ ಲಾಗಿರಾನಿ ತ್ಯಲಾ ಜೊ಼ರಾನಿ ಲುಳ್ವುನ್ ಸುಡುನ್ ಗೆಲ. ತ್ಯೊ ಪ್ಯೊರ್ಗಾ ಮೆಲ್ಯಾಚೆಗತ್ ಪಡ್ಲಾ ತವಾ ಖುಬ್ ಲೊಕ, "ತ್ಯೊ ಮೆಲಾ ಮನ್ಲಿತ. 27 ಖರ ಯೇಸುನಿ ಹಾತ್ ದರ‍್ಹುನ್ ಉಚ಼ಲ್ಲಾ ತಸಾ ಉಠುನ್ ಉಬಾ ರಾಯ್ಲ.

28 ಯೇಸು ಗರ‍್ಹಾತ್ ಆಲಾ ತವಾ ತ್ಯಚಾ ಶಿಶಾಂಚಾನಿ, "ತ್ಯ ಸೋಡ್ವಾಯಾ ಆಮಾನಾ ಕಾ ಜಾ಼ಲ ನಾಹಿ ಮನ್ಹುನ್ ಯಕಾನ್ಸಿ ತ್ಯಲಾ ಇಚಾರ್ಲ.

29 ತ್ಯಲಾ ತ್ಯನಿ, "ಹಿ ಜಾತ್ ದೇವಾಪಲ್ಯಾ ಮಾಗ್‍ನ್ಯಾ ಸಿವಾರ್ ಆನಿ ಕಶಾನಿ ಜಾ಼ಯಿತ್ ನಾಹಿ ಮನ್ಹುನ್ ತ್ಯನಾ ಸಾಂಗ್ಲ.

30 ಯೇಸು ಆನಿ ತ್ಯಚ಼ ಶಿಶಾ ತಿಥ್ನಿ ನಿಗುನ್ ಗಲಿಲಾಯಾತ್ನಿ ಜಾ಼ಯಿತ್ ಹುತ್ತ, ಹ್ಯ ಲೊಕಾನಾ ಸಮ್‌ಜು಼ ನಾಹಿ ಆಸ ತ್ಯಚಾ ಮನಾತ್ ಹುತ್ತ. 31 ಕಾ ಮನ್‌ಲ್ಯಾವ ತ್ಯೊ ಆಪ್‌ಲ್ಯಾ ಶಿಶಾನಾ ಸಿಕ್ವಿತಾ "ಮಾನ್ಸಾಚಾ ಲೇಕಾಲಾ ಲೊಕಾಂಚಾ ಹಾತಾತ್ ದಿಯಾ ಲಾಗ್ನಾರ್; ತಿ ತ್ಯಲಾ ಮಾರುನ್ ಟ್ಯಾಕ್ನಾರ್; ಮೆಲ್ಯಾವ ತ್ಯೊ ತೀನ್ ದಿಸಾ ನಂತರ್ ಜಿ಼ತ್ತಾ ವ್ಹವುನ್ ಉಠುನ್ ಯನಾರ್" ಮನ್ಹುನ್ ಸಾಂಗ್ಲ.

32 ಫನ್ ಶಿಶಾನಾ ತೆ ಸಬ್ದ ಸಮಾಜ಼್ಲ ನಾಹಿತ, ಖರ ಯೇಸುಲಾ ಪರ್ತುನ್ ಇಚಾರಾಯಾ ಬಿಹ್ಯಾಲ.

33 ಆನಿ ತೇ ಕಪೆರ್ನೌಮತ್ ಆಲ. ತಿಥ ತ್ಯೊ ಯಖಾ ಗರ‍್ಹಾತ್ ಆಸ್ಥಾನಾ, "ತುಮಿ ವಾಟವ ಕ್ಯಾ ಬೋಲತಾಸಾ" ಮನ್ಹುನ್ ಶಿಶಾನಾ ಇಚಾರ್ಲ ತವಾ ತೇ ಗಪ್ ರಾಯ್ಲ; 34 ಕಾ ಮಂಜೆ ತೇ ವಾಟವ ಯಕಾಮಕಾ ಸಂಗ ಆಪ್‌ಲ್ಯಾತ್ ಮೊಟಾ ಕೊನ್ ಮನ್ಹುನ್ ಬೊಲತ.

35 ಯೇಸು ಖಾಲ್ ಬಸ್ಹುನ್ ಆಪ್‌ಲ್ಯಾ ಬಾರಾ ಜಾ಼ನ್ ಶಿಶಾನಾ ಹಾಕ್ಟುನ್ ತ್ಯನಾ, "ಕಚಾ಼ತರಿ ಮೊಟಾ ವ್ಹಯಾ ವ್ಹಯಿ ಆಸ್ಲತ ತ್ಯನಿ ಸಗ್‍ಳ್ಯಾಂಚಿವ್ನಿ ಬಾರಿಕ್ ಸಗ್‍ಳ್ಯಾಂಚಾ಼ ಸೇವಕ್ ವ್ಹಯಾ ವ್ಹಯಿ ಮನ್ಹುನ್ ಸಾಂಗುನ್.

36 ಯಕಾ ಬಾರಿಕ್ ಮೂಲಾಲಾ ಗಿಹುನ್ ತ್ಯಂಚೆ ಮದ್ದಿ ಉಬ ಕರುನ್ ಯಾಂಗ್ ಗಾಲ್ಹುನ್ ತ್ಯನಾ ಮನ್ಲಾ, 37 "ಕಚಾನಿತರಿ ಮಾಜಾ ನಾವಾನಿ ಆಸ್‌ಲ್ಯಾ ಯಕಾ ಬಾರಿಕ್ ಮೂಲಾಲಾ ಗಿಹಿಲ್ ತ್ಯನಿ ಮನಾ ಗೆತಲ್ಯಾ ಪರ್ಮಾನ್ ಜಾ಼ಲ; ಆನಿ ಕಚಾನಿತರಿ ಮನಾ ಗೆತ್ಲ ತ ಮನಾ ನವ್ಹ, ಮನಾ ಲಾವುನ್ ದಿಲ್ಯಾಲ್ಯಾಲಾಸ್ ಗೆತಲ್ಯಾ ಪರ್ಮಾನ್ ಜಾ಼ಲ ಮನ್ಹುನ್ ಸಾಂಗ್ಲ.

38 ಯೊಹಾನ್ ತ್ಯಲಾ "ಪ್ರಬು, ಕೊನ್ ಯೊಕ್ ತುಜಾ ನಾವಾನಿ ಲಾಗಿರ್‍ ಸುಡಿವ್‌ತ್ಯಾಲಾ ಆಮಿ ಬಗುನ್ ತ್ಯೊ ಆಮ್ಚಾತ್ಲಾ ನವ್ಹ ಮನ್ಹುನ್ ತ್ಯಲಾ ಆಡ್ಯಾವ್ಲಾ" ಮನ್ಲಾ.

39 ತವಾ ಯೇಸು, "ತ್ಯಲಾ ಆಡ್ಯಾವು ನಕೊಸಾ; ಮಾಜಾ ನಾವಾನಿ ಚಮತ್ಕಾರ್ ಕರುನ್ ತವಾಸ್ ಮಾಜಿ಼ ನಿಂದಾ ಕರ್ನಾರಾ ಕೊನ್ ನಾಹಿ. 40 ಆಮಾನಾ ಆಡ್ವ ಕರಿನಸ್ನಾರಾ ತ್ಯೊ ಆಮ್‍ಚಾ಼ಸ್.

41 ಕ್ರಿಸ್ತಾಚ಼ ಮನ್ಹುನ್ ತುಮಾನಾ ಕಚಾನಿತರಿ ಏಕ್ ತಾಂಬ್ಯಾ ಪಿಯಾ ಪಾನಿ ದಿಲ್ಯಾವ ತ್ಯಲಾ ತ್ಯಚ಼ ಪ್ರತಿ ಫಳ್ ಚು಼ಕತ್ ನಾಹಿ ಮನ್ಹುನ್ ತುಮಾನಾ ಖರ‍್ಯಾನಿ ಸಾಂಗ್ತೊ." ಮನ್ಲಾ

42 ಆನಿ ಇಸ್ವಾಸ್ ಆಸ್‌ಲ್ಯಾಲ್ಯಾ ಹ್ಯಾ ಬ್ಯಾರ್ಕ್ಯಾತ್‌ಲ್ಯಾ ಯಕಾಲಾ ಕಚಾನಿತರಿ ಆಡ್ಯಾವ್ಲತ ತಸ್‌ಲ್ಯಾಚಾ ಗಳ್ಯಾತ್ ಜಾ಼ತ ಬಾಂದುನ್ ತ್ಯಲಾ ಸಮಿಂದೊರಾತ್ ಟ್ಯಾಕ್‌ಲ್ಯಾವ ಬರ. 43 ತ್ಯವ್ಡಸ್ ನವ್ಹ ತುಜ಼ ಹಾತ್ ತುಲಾ ಪಾಪಾತ್ ಪ್ಯಾಡ್‌ತ್ಯಾತ ತ ತೆ ತುಡುನ್ ಟ್ಯಾಕ್; 44 ದೊನ್ ಹಾತ್ ರಾಹುನ್ ಇಜ಼ತ್ ನಸ್‌ಲ್ಯಾಲ್ಯಾ ಇಸ್ಥು ಜಾ಼ಲ್ಯಾಲ್ಯಾ ನರ್ಕಾತ್ ಪಡಾಚೆ ವಾಟ್ನಿಚ಼ ಹಾತ್ ನಸುನ್ ಸ್ವರ್ಗಾತ್ ಜಾ಼ಯಾಚ಼ ತುಲಾ ಬರ* 45 ಆನಿ ತುಜ಼ ಪ್ಯಾ ತುಲಾ ಪಾಪಾತ್ ನೆಥ್ಯಾತ ತ ತೆ ತುಡುನ್ ಟ್ಯಾಕ್; 46 ದೊನ್ ಪ್ಯಾ ರಾಹುನ್ ನರ್ಕಾತ್ ಜಾ಼ಯಾಚೆ ವಾಟ್ನಿಚ಼ ಪ್ಯಾ ನಸುನ್ ಶಾಶ್ವತ್ ಜೀವ್ನಾತ್ ಜಾ಼ಯಾಚ಼ ತುಲಾ ಬರ. 47 ತುಜಾ಼ ಡೊಳಾ ತುಲಾ ಪಾಪಾತ್ ಪ್ಯಾಡ್‍ತ್ಯೊತ ತ್ಯೊ ಕಾಡುನ್ ಟ್ಯಾಕ್; ದೊನ್ ಡೊಳ ರಾಹುನ್ ನರ್ಕಾತ್ ಜಾ಼ಯಾಚೆ ವಾಟ್ನಿಚ಼ ಯಕಾಸ್ ಡೊಳ್ಯಾನಿ ದೇವಾಚಾ ರಾಜಾತ್ ಜಾ಼ಯಾಚ಼ ತುಲಾ ಬರ 48 ನರ್ಕಾತ್ ತ್ಯನಾ ಚಾವತ್ಯಾಲ ಕಿಡ ಮರತ್ನಾಹಿತ, ಇಸ್ಥು ಇಜ಼ತ್ ನಾಹಿ.

49 ಪರ್ತೆಕ್‍ ಜ಼ನ ಇಸ್‌ಥ್ಯಾನಿ* ಶುದ್ದ್ ವ್ಹತಿಲ ತಸ ಯದ್ನ ಮಿಠಾನಿ ಶುದ್ ವ್ಹತ.

50 ಮಿಟ್ ಚಾ಼ಂಗ್ಲಾ ಜಿನೊಸ್; ಮಿಟಾಲಾ ಚ಼ವ್ ನಾಹಿ ಮಂಜೆ ತ್ಯಲಾ ಆನಿ ಕಶಾನಿ ಚ಼ವ್ ಆನ್ನಾರ್? ತುಮ್ಚೆ ಆತ್ ಮಿಟಾಶಾರ್ಕಿ ಮಾಯಾ ರಾಹುನಿ, ಯಕಾಮಕಾ ಸಂಗ ಸಮಾದಾನಾನಿ ರಾವ್ಹಾ.