1 ಯೇಸುನಿ ಆಪ್‌ಲ್ಯಾ ಬಾರಾಜಾ಼ನ್ ಶಿಶಾನಾ ಹ್ಯಾ ಗುಶ್ಟಿ ಸಾಂಗಲ್ಯಾ ನಂತರ್ ತಿಥ್ನಿ ಸಿಕ್ವಾಯಾ ಆನಿ ಸಾಂಗಾಯಾ ಗಲಿಲಾಯ್ ಪೆಠತ್ ಗೆಲಾ.

2 ಬಾಪ್ತಿಸ್ಮಾ ಯೊಹಾನ್ ತುರುಂಗಾತ್ ಹುತ್ತಾ. ಕ್ರಿಸ್ತ ಕರ್ತ್ಯಾಲಿ ಕಾಮ ತ್ಯಲಾ ಸಮಾಜ್ಲಿತ. ಮನ್ಹುನ್ ಯೊಹಾನಾನಿ ಆಪ್‌ಲ್ಯಾ ಥೊಡ್ಯಾ ಶಿಶಾನಾ ತ್ಯಚಿಪ ಲಾವುನ್ ದಿಲ. 3 ಯೊಹಾನಾಚ಼ ಶಿಶಾ ಯೇಸುಲಾ, "ಯೊಹಾನಾನಿ ಸಾಂಗ್‌ಲ್ಯಾ ಶಾರ್ಕ ಯನಾರಾ ಕ್ರಿಸ್ತ ತುಸ್ ಕ್ಯಾ ಆಮಿ ದುಸ್‌‍ರ‍್ಯಾಚಿ ವಾಟ್ ಬಗಾಯಾ ವ್ಹಯಿ? ಮನ್ಹುನ್ ಇಚಾರ್ತ್ಯಾತ.

4 ತ್ಯಲಾ ಯೇಸುನಿ, "ತುಮಿ ಹಿತ್ತ ಐಕ್‌ಲ್ಯಾಲಿ ಆನಿ ಬಗಲ್ಯಾಲಿ ಕಾಮ ಯೊಹಾನಾಲಾ ಸಾಂಗಾ. 5 ಆಂದ್‌ಳ್ಯಾನಾ ನದಾರ್ ಯನಾರ್; ಥೊಟ ಆನಿಕ್ ಚಾ಼ಲತ್ಯಾತ; ಕುಶ್ಟರೊಗಿ ಬರ ವ್ಹತ್ಯಾತ; ಕಿವಂಡ್ಯಾಲಾ ಐಕು ಯತ ಮೇಲ್ಯಾಲ ಜಿತ್ತ ವ್ಹತ್ಯಾತ ಆನಿ ಗರೀಬ್ ಲೊಕಾನಾ ಚಾ಼ಂಗ್ಲಿ ಖಬರ್ ಸಾಂಗ್ತೊ. 6 ಮಾಜಿವ ಸಂಸೆವ್ ಕರಿನಸ್ನಾರಾ ಬರಾ" ಮನ್ಲಾ.

7 ಯೊಹಾನಾಚ಼ ಶಿಶಾ ನಿಗುನ್ ಜಾ಼ತಾನಾ ಯೇಸು ಲೊಕಾಂಚೆ ಬರ್ಬರ್ ಯೊಹಾನಾಚ಼ ಬೊಲಾಯಾ ಲಾಗ್ಲಾ. ಯೇಸುನಿ, "ತುಮಿ ಕ್ಯಾ ಬಗಾಯಾ ರಾನಾತ್ ಗೆಲ್ತಾಸಾ? ವಾರ‍್ಯಾನಿ ಹಾಲ್‌ತ್ಯಾಲ ಡಾಳ್ಹ ಕ್ಯಾ? ನವ್ಹ! 8 ಖರ‍್ಯಾನಿ ತುಮಿ ಕ್ಯಾ ಬಗಾಯಾ ಗೆಲ್ತಾಸಾ? ನವ ಕಪ್ಡ ಗ್ಯಾತ್‌ಲ್ಯಾಲ್ಯಾ ಮಾನ್ಸಾಲಾ ಕ್ಯಾ? ನಾಹಿ! ನವ ಕಪ್ಡ ಗಾಲ್ಹುನ್ ಆಸ್‌ಲ್ಯಾಲಿ ಲೊಕ ರಾಜಾಚಾ ಗರ‍್ಹಾತ್ ರಾಥ್ಯಾತ. 9 ತಸ ಜಾ಼ಲ್ಯಾ, ಕ್ಯಾ ಬಗಾಯಾ ಗೆಲ್ತಾಸಾ? ಯಕಾ ಪ್ರವಾದಿಲಾ ಕ್ಯಾ? ವ್ಹಯ್! ಯೊಹಾನ್ ಪ್ರವಾದಿಂಚಿವ್ನಿ ಮೊಟಾ ಮನ್ಹುನ್ ಮಿ ತುಮಾನಾ ಸಾಂಗ್ತೊ. 10 ದೇವಾನಿ ಯೊಹಾನಾಚ಼ ಪವಿತ್ರ ಪುತೀಕಾತ್ ಆಸ ಸಾಂಗ್‌ಲ್ಯಾ:

‘ಹಬ! ಮಿ ಮಾಜಾ ದುತಾಲಾ ತುಜೆ ಆಂದಿ ಲಾವುನ್ ದೇತೊ

ತ್ಯೊ ತುಜಿ ವಾಟ್ ತಯಾರ್ ಕರ್ನಾರ್ ಮಲಾಕಿ 3:1

11 "ಆಜು಼ನ್ ಪರ‍್ಯಾತ್ ಮಾನ್ಸಾತ್ನಿ ಜ಼ಲಾಮ್‌ಲ್ಯಾಲಾತ್ ಬಾಪ್ತಿಸ್ಮಾ ಯೊಹಾನಾವ್ನಿ ಮೊಟಾ. ಕೊನುಸ್ ನಾಹಿ ಫನ್ ದೇವಾಚಾ ರಾಜಾತ್ ಆಸ್‌ಲ್ಯಾಲಾ ಬ್ಯಾರ್ಕಾಬಿ ಯೊಹಾನಾವ್ನಿ ಮೊಟಾ ಮನ್ಹುನ್ ಮಿ ತುಮಾನಾ ಖರ‍್ಯಾನಿ ಸಾಂಗ್ತೊ. 12 ಬಾಪ್ತಿಸ್ಮಾ ಯೊಹಾನ್ ಆಲ್ಯಾಲ್ಯಾ ಯಳಾದರ್ನಿ ಇತ್ಪರತ್ ಸ್ವರ್ಗಾಚ಼ ರಾಜೆ ಬಳಾನಿ ಮೊರ‍್ಹ ಮೊರ‍್ಹ ಜಾ಼ತ, ಘಾತ್ಕಿ ಲೊಕ ಜು಼ಲ್ಮಿನಿ ತ್ಯಂಚಿವ ಹುಕುಮ್ ಚಾ಼ಲ್ವಾಯಾ ಯತ್ನ ಕರ್ತ್ಯಾತ. 13 ಸಗ್‌ಳ್ಯಾ ಪ್ರವಾದನೆ ಆನಿ ಮೊಶೆಚ಼ ಧರ್ಮಶಾಸ್ತಾರ್ ಯೊಹಾನ್ ಯಯಿಪರತ್ ದೇವಾಚಾ ರಾಜಾಚ಼ ಆಂದಿಸ್ ಸಾಂಗ್‍ಲ್ಯಾ. 14 ಧರ್ಮಶಾಸ್ತಾರ್ ಆನಿ ಪ್ರವಾದಿಂಚಾನಿ ಸಾಂಗ್‌ಲ್ಯಾಲ್ಯಾವ ತುಮಿ ಇಸ್ವಾಸ್ ಥೆವ್‌ಲ್ಯಾವ ಹ್ಯೊ ಯೊಹಾನುಸ್ ಎಲಿಯಾ. ತ್ಯೊ ಯನಾರ್ ಮನ್ಹುನ್ ಧರ್ಮಶಾಸ್ತಾರಾತ್ ಸಾಂಗ್‍ಲ್ಯಾ. 15 ಕುನಾಲಾ ಕಾನ್ ಹಾತ್ತ, ತ್ಯೊ ಐಕುನಿ!

16 "ಹ್ಯಾ ಕಾಲಾತ್‌ಲ್ಯಾ ಲೊಕಾಂಚ಼ ಮಿ ಕ್ಯಾ ಸಾಂಗು? ತೀ ಕಸಿ ಹಾತ್ತ? ಹ್ಯಾ ಕಾಲಾತ್ಲಿ ಲೊಕ ಬಾಜಾ಼ರಾತ್ನಿ ಬಸುನ್ ಆಸ್‌ಲ್ಯಾಲ್ಯಾ ಪೊರಾಂಚೆಗತ್ ಹಾತ್ತ. ಯಕಾ ಹಿಂಡಾತ್ಲಿ ಪೊರ ಆನಿ ಯಕಾ ಹಿಂಡಾತ್‌ಲ್ಯಾ ಪೊರಾನಾ ಆಸಿ ಮಂತ್ಯಾತ:

17 ‘ಆಮಿ ತುಮ್ಚೆಸಾಟಿ ವಾಜ಼ಪ ವಾಜಿವ್ಲಿತ

ತುಮಿ ನಾಚ್ಲಾ಼ನಾಹಿಸಾ;

ಆಮಿ ಮೇಲ್ಯಾಲ್ಯಾಂಚೆಸಾಟಿ ಮ್ಹನ್ ಮನ್ಹುನ್ ರಡ್ಲಾವ್,

ತುಮಿ ರಡ್ಲಾ ನಾಹಿಸಾ’

18 ಕಾ ಮಂಜೆ ಯೊಹಾನ್ ಆಲಾ. ಫನ್ ತ್ಯನಿ ದುಸ್‌ರ‍್ಯಾ ಲೊಕಾಂಚೆಗತ್ ಖಾಲ ನಾಹಿ ಉಪಾಸ್ ಕೆಲಾ. ದರಾಕ್ಶಿಚಾ಼ ರಸ್ ಪಿಯಾಲಾ ನಾಹಿ; ಫನ್ ಲೊಕ, ‘ತ್ಯಲಾ ಭುತ್ ದರ್‌ಲ್ಯಾ’ ಮನ್‍ಲ್ಹಿತ.

19 ಮಾನ್ಸಾಚಾ಼ ಲ್ಯೊಕ್ ಆಲಾ ತ್ಯೊ ದುಸ್‌ರ‍್ಯಾ ಲೊಕಾಂಚೆಗತ್ ಜೆವಾನ್ ಖಾತೊ; ದರಾಕ್ಶಿಚಾ಼ ರಸ್ ಪಿತೊ. ಫನ್ ಲೊಕ, ‘ಬಗಾ! ತ್ಯೊ ಖಾದೊಡಾ, ಪಿದೊಡಾ, ಜ಼ಖತ್ದಾರ್ ಆನಿ ಬುರ್ಸಿ ಲೊಕ ತ್ಯಚ಼ ಸುಪ್ತಿ ಜಾ಼ಲ್ಯಾತ ಮನ್ಹುನ್ ಮಂಥ್ಯಾತ ಫನ್ ಗಿನ್ಯಾನ್ ಆಪ್‌ಲ್ಯಾ ಕಾಮಾನಿಸ್ ಆಪ್ಲ ಗುನ್ ದಾವುನ್ ದೇತ. "

20 ಮಂಗ್ ಯೇಸುನಿ, ಆಪ್ನು ಕುಟ್ಲೆ ಪೆಠತ್ ಖುಬ್ ಚಮತ್ಕಾರಾಚಿ ಕಾಮ ಕಿಲಿತ ತೇಸ್ ಪೆಠಲಾ ಖಡ್ಯಾವ್ಲಿ. ಕಾ ಮಂಜೆ ತೆ ಪೆಠತ್‌ಲ್ಯಾ ಲೊಕಾಂಚಾನಿ ಆಪ್ಲಾ ಜೀವ್ನಾ ಬದ್ದಲ್ಲಾ ನಾಹಿ ಆನಿ ಪಾಪ್ ಕರಾಚಿ ಥಾಂಬಿವ್ಲಿ ನಾಹಿತ. 21 ಯೇಸುನಿ ಸಾಂಗ್‌ಲ್ಯಾಲ ಕ್ಯಾ ಮಂಜೆ: "ಖೊರಾಜಿನೇ, ತುಜಿ ಹಾಕಿಗತ್ ಕ್ಯಾ ಸಾಂಗು? ಬೆತ್ಸಾಯ್, ತುಜಿ ಹಾಕಿಗತ್ ಕ್ಯಾ ಸಾಂಗು! ಮಿ ತುಮ್ಚಿಪ ಚಮತ್ಕಾರ ಕಿಲಿತ ತೀ ಚಮತ್ಕಾರ ತುರ್, ಸಿದೋನಾತ್ ಕಿಲಿ ಆಸ್ಥಿತತ. ತಿತಲ್ಯಾ ಲೊಕಾಂಚಾನಿ ಖುಬ್ ಕಾಲಾಚೆ ಮಾಗಸ್ ಆಪ್ಲ ಜೀವ್ನಾ ಬದಲ್ಲ ಆಸ್ಥ; ಆಪ್‌ಲ್ಯಾ ಪಾಪಾಂಚಿಸಾಟಿ ರಡುನ್ ಗೊಂತ್ಯಾಂಚ಼ ತಳ್ಕ ಬಾಂದುನ್ ಗಿಹಿತಿತ; ಆಂಗಾವ ರಾಕ್ ಗಾಲ್ಹುನ್ ಗಿಹಿತಿತ. 22 ಫನ್ ನ್ಯಾಯಿಚಾ ದಿಸಾತ್ ತುರ್, ಸಿದೋನಾವ್ನಿ ತುಮ್ಚಿ ಹಾಕಿಗತ್ ಖುಬ್ ಬುರ್ಸಿ ಸ್ಥಿತಿ ವ್ಹನಾರ್ ಮನ್ಹುನ್ ಮಿ ತುಮಾನಾ ಸಾಂಗ್ತೊ.

23 "ಕಪೆರ್ನೌಮ್, ತು ಸ್ವರ್ಗಾತ್ ಉಚಾ಼ಲ್ನಾರ್ ಮನ್ಹುನ್ ಯವಸ್ತಿಸ್ ಕ್ಯಾ? ನಾಹಿ! ತು ನರಕಾತ್ ಪಡ್ನಾರ್. ಮಿ ತುಜಿಪ ಖುಬ್ ಚಮತ್ಕಾರ ಕಿಲಿತ. ಸೊದೊಮಿತ್ ತೀ ಚಮತ್ಕಾರ ಕಿಲಿ ಆಸ್ಥಿತತ. ತಿತಲ್ಯಾ ಲೊಕಾಂಚಾನಿ ಪಾಪ ಕರ್ತ್ಯಾಲಿ ಥಾಂಬಿವ್ಲಿ ಆಸ್ಥಿತ ಆನಿ ಆಜು಼ನ್ ಪರತ್ ತೀ ಪ್ಯಾಟುಸ್ ವ್ಹವುನ್ ರಾಹಿತಿ. 24 ಫನ್ ನ್ಯಾಯಿ ನಿವ್ಡಾಚಾ ದಿಸಾತ್ ತುಜಿ ಹಾಕಿಗತ್ ಸೊದೊಮಾವ್ನಿ ಖುಬ್ ಬುರ್ಸಿ ವ್ಹನಾರ್ ಮನ್ಹುನ್ ಮಿ ತುಮಾನಾ ಸಾಂಗ್ತೊ. "

25 ಮಂಗ್ ಯೇಸುನಿ, "ಸ್ವರ್ಗಾಚಾ ಆನಿ ದರ್ಥಿವ್‌ಲ್ಯಾ ಪ್ರಭು ಜಾ಼ಲ್ಯಾಲ್ಯಾ ಬಾ, ತುಲಾ ಮಿ ಹಾತ್ ಜೊಡ್ತೊ. ಮಿ ತುಲಾ ವವ್ಯಾಳ್ತೊ. ಕಾ ಮಂಜೆ, ತು ಹ್ಯಾ ಗುಶ್ಟಿ ಶಾನ್ಯಾನಾ ಆನಿ ಬುದ್ದಿ ಆಸ್ನಾರ‍್ಯಾನಾ ಆಡ್‍ಶಾ ಕೇಲ್ಯಾಸ್. ಫನ್ ಬ್ಯಾರ್ಕ್ಯಾ ಮೂಲಾಂಚಿಗತ್ ಆಸ್‌ಲ್ಯಾಲ್ಯಾ ಹ್ಯಾ ಲೊಕಾನಾ ತು ದಾವುನ್ ದಿಲ್ಯಾಸ್. 26 "ವ್ಹಯ್ ಬಾ, ಹ್ಯ ಖರ‍್ಯಾನಿಸ್ ತುಜ಼ ಮನ್ ಹಾ ಮನ್ಹುನ್ ತು ಆಸ ಕೇಲ್ಯಾಸ್.

27 "ಮಾಜಾ ಬಾನಿ ಸಗ್ಳ ಮನಾ ದಿಲ್ಯಾ. ಕುನಿ ಲೇಕಾಲಾ ಸಮಜು಼ನ್ ಗೆತ್ಲಾನಾಹಿ. ಬಾನಿ ತ್ಯವ್ಡಾಸ್ ಲೇಕಾಲಾ ಸಮಜು಼ನ್ ಗೇತಲ್ಯಾ ಕುನಿ ಬಾಲಾ ಸಮ್ಜುನ್ ಗೆತ್ಲ ನಾಹಿ. ಲೇಕಾನಿ ತ್ಯಡಸ್ ಬಾಲಾ ಸಮ್ಜುನ್ ಗೇತಲ್ಯಾ ಲ್ಯೊಕ್ ಬಾಲಾ ಕುನಾಲಾ ದಾವುನ್ ದಿಯಾ ವ್ಹಯಿ ಮನ್ಹುನ್ ಮನ್ ಕರ್ತೊ ತೇ ಬಾಲಾ ಸಮ್ಜುನ್ ಗೇತ್ಯಾತ.

28 "ತರಾಸ್ ಖಾತ್ಯಾಲ್ಯಾನು, ವಜ಼ ಗೆತಲ್ಯಾನು, ತುಮಿ ಸಗ್ಳಿ ಮಾಜಿಪ ಯವಾ ಮಿ ತುಮಾನಾ ಆರಾಮ್ ದೇತೊ. 29 ಮಾಜಾ ಜ್ವಾ಼ಲಾ ಖಾಂದಾ ದಿವುನ್ ಮಾಜಿಪ್ನಿ ಸಿಕಾ. ಮಿ ದಯಾಳು‍ ಆನಿ ಸಾದಾ ಬೊಳ್ಹಾ ಮಾನುಸ್ ಜಾ಼ಲ್ಯೊ ಮನ್ಹುನ್ ತುಮಿ ತುಮ್ಚಾ ಜೀವಾಲಾ ಆರಾಮ್ ಬಗ್ನಾರ್. 30 ವ್ಹಯ್, ಮಾಜ಼ ಜು಼ ತುಮಾನಾ ಉಚ್ಲಾ಼ಯಾ ಸಲ್ಪ ಜಾ಼ಲ್ಯಾ; ಮಾಜ಼ ವಜ಼ ಹಾಲ್ಕ ಜಾ಼ಲ್ಯಾ. "