ಮತ್ತಾಯ 18

ಮಾಪಿ ಕರಾಚೆ ಗುಶ್ಟಿಚಿ ಕ್ಯಾಯ್ನಿ

21 ತವಾ ಪೇತ್ರ ಯೇಸುಚೆ ಜ಼ವಳ್ ಯವುನ್, "ಪ್ರಭು, ಮಾಜಾ಼ ಬಾಹು ಕಸ್ಲಿಬಿ ಚು಼ಕ್ ಕರೀತುಸ್ ಆಸ್ಥಾನಾ ಮಿ ಕಿತಿಖೆಪಾ ತ್ಯಲಾ ಮಾಪ್ ಕರಾಯಾ ವ್ಹಯಿ? ಮಿ ತ್ಯಲಾ ಸಾತ್ ಖೆಪಾ ಮಾಪಿ ಕಾರಾಲಾ ವ್ಹಯಿ ಕ್ಯಾ? ಮನ್ಹುನ್ ಇಚಾರ್ಲ. 22 ಯೇಸುನಿ ಸಾತ್ ಖೆಪಾ ನವ್ಹ ಸತ್ತರಾವ ಸಾತ್ ಖೆಪಾ ಚು಼ಕ್ ಕಿಲಿತರಿ ತು ತ್ಯಲಾ ಮಾಪಿ ಕರಾಯಾ ವ್ಹಯಿ ಮನ್ಹುನ್ ಮಿ ತುಲಾ ಸಾಂಗ್ತೊ" ಮನ್ಲಾ. 23 ದೇವಾಚ಼ ರಾಜ ಆಸ ಹಾ. ಆಪ್‌ಲ್ಯಾ ಸೇವಕಾಲಾ ದಿಯಾ ವ್ಹಯಿ ಆಸ್‍ಲ್ಯಾಲ ರಿನಾಚಾ ಪೈಶಾಂಚಾ಼ ಇಸೊಬ್ ಕರಾಯಾ ತಿರ್ಮಾನ್ ಕೆಲ್ಯಾಲ್ಯಾ ಯಕಾ ರಾಜಾಚೆಗತ್ ಹಾ. 24 ರಾಜಾನಿ ಆಪ್ಲ ಪೈಸ ಗೊಳಾ ಕರಾಚ಼ ಚಾ಼ಲು ಕೆಲ ಯಕಾ ಸೇವಕಾನಿ ಧಾ ಹಾಜಾ಼ರ್ ಚಾ಼ಂದಿಚ಼ ಆನ ರಾಜಾಲಾ ರೀನ್ ದಿಯಾಚ಼ ಹುತ್ತ. 25 ತ್ಯೊ ಸೇವಕ್ ಆಪ್ಲಾ ದನ್ಹಿ ಜಾ಼ಲ್ಯಾಲ್ಯಾ ರಾಜಾಲಾ ರೀನ್ ದಿಯಾ ವ್ಹಯಿತ್ ನಸ್ನಾರಾ ಜಾ಼ಲ್ಥಾ. ಮನ್ಹುನ್ ತ್ಯಾ ಸೇವಕಾಲಾ ಆನಿ ತ್ಯಚಿಪ ಆಸ್‌ಲ್ಯಾಲ ಸಗ್ಳ ತ್ಯಚಿ ಧನ್ಗರ್ ಆನಿ ಪ್ಯೊರ್ಗ್ಯಾಂಚೆ ಸಕಾಟ್ ಇಕುನ್, ಆಲ್ಯಾಲ ಪೈಸ ಸಗ್ಳ ರಿನಾತ್ ಮೊಡಾಯಾ ವ್ಹಯಿ ಮನ್ಹುನ್ ರಾಜಾನಿ ತಾಕಿತ್ ದಿಲಿ.

26 "ತವಾ ಸೇವಕ್ ರಾಜಾಚಾ ಪಾಯಾ ಪಡುನ್, ‘ಜ಼ರಾ ಸಮಾಧಾನ್ ಗೇವ್ಹಾ ಮಿ ತುಮಾನಾ ದಿಯಾಚ಼ ಹಾ ತ್ಯ ರೀನ್ ಫೆಡ್ತೊ. ಮಂತೊ. 27 ರಾಜಾ಼ ಆಪ್‌ಲ್ಯಾ ಸೇವಕಾಚೆ ಗುಶ್ಟಿತ್ ದಯಾ ದಾವುನ್ ತ್ಯನಿ ದಿಯಾ ವ್ಹಯಿ ತ್ಯ ರೀನ್ ನಕೊ ಮನ್ಹುನ್ ತ್ಯಲಾ ಮಾಪ್ ಕೆಲಾ

28 "ತ್ಯವ್‌ಡ್ಯಾತ್ ತ್ಯೊ ಸೇವಕ್ ಆಪ್‌ಲ್ಯಾಲಾ ಸೆಂಬರ್ ಚಾ಼ಂದಿಚ಼ ಅನ ದಿಯಾಚಾ಼ ಆಸ್‌ಲ್ಯಾಲ್ಯಾ ದುಸರ‍್ಯಾ ಯಕಾ ಸೇವಕಾಲಾ ಬಗುನ್ ತ್ಯಚೆ ಮಾನಸ್ ದರ‍್ಹುನ್, ‘ತು ಮನಾ ದಿಯಾ ವ್ಹಯಿ ತೇ ಪೈಸ ದೇ’ ಮನ್ಲಾ.

29 "ತ್ಯೊ ಸೇವಕ್ ತ್ಯಚಾ ಪಾಯಾತ್ ಪಡುನ್, ‘ಜ಼ರಾ ಸಮಾದಾನ್ ಕರ್. ಮಿ ತುಲಾ ದಿಯಾಚ಼ ಹಾ ತ್ಯ ರೀನ್ ಫೆಡ್ತೊ’ ಮನ್ಲಾ.

30 "ಫನ್ ಪೈಲಾ ಸೇವಕ್ ಥಾಂಬ್ಲಾ ನಾಹಿ. ಆಪ್‌ಲ್ಯಾಲಾ ರೀನ್ ದಿಯಾಚಾ಼ ಹಾ ತ್ಯಾ ಸೇವಕಾಚೆ ಗುಶ್ಟಿತ್ ನ್ಯಾಯಿ ಕರ್ತ್ಯಾಲ್ಯಾಂಚಿಪ್ನಿ ಸಾಂಗುನ್ ತ್ಯಲಾ ತುರುಂಗಾತ್ ಗ್ಯಾತ್ಲಾ. ತ್ಯೊ ಸೇವಕ್ ರೀನ್ ಫಿಠ ಪರತ್ ಕುಂಡುನುಸ್ ರಾಹ್ಯಲಾ. 31 ಹ್ಯ ಬಗ್‌ಲ್ಯಾಲ ದುಸ್‌ರ‍್ಯಾ ಸೇವಕಾನಾ ಖುಬ್‌ ಬೆಜಾರ್ ವ್ಹವುನ್ ಜಾ಼ಲ್ಯಾಲಿ ಖನ್ಕತ್ ದನ್ಯಾಲಾ ಸಾಂಗ್ಲಿ. "

32 "ತವಾ ದನ್ಯಾನಿ ಆಪ್‌ಲ್ಯಾ ಸೇವಕಾಲಾ ಹಾಕ್ಟುನ್, ‘ತು ಬರ್ಸಾ ಸೇವಕ್. ತು ಮನಾ ಖುಬ್ ಪೈಸ ದಿಯಾಚ಼ ಹುತ್ತ ಖರ ತು ಮಾಜಿಪ ಮಾಗ್ಲಸ್ ಮನ್ಹುನ್ ಮಿ ತುಜ಼ ರೀನ್ ಸಗ್ಳ ಮಾಪ್ ಕೆಲ. 33 ಆಸ ಆಸ್ಥಾನಾ ಮಿ ತುಲಾ ದಯಾ ದ್ಯಾವ್‌ಲ್ಯಾ ಶಾರ್ಕಿ ತುಜೆ ಸಂಗಚಾ ಸೇವಕಾಲಾ ದಯಾ ದಾವಾಚಿ ಹುತ್ತಿಸ್ ಮನ್ಹುನ್ ಸಾಂಗ್ಲ. 34 ಖುಬ್ ರಾಗಾನಿ ತ್ಯಲಾ ಶಿಕ್ಷಾ ದಿಯಾ ಸಾಟಿ ತುರುಂಗಾತ್ ಗ್ಯಾತ್ಲಾ. ತ್ಯೊ ಸೇವಕ್ ಆಪ್ಲ ರೀನ್ ಫಿಠ ಪರತ್ ತುರುಂಗಾತ್ ರಾಯ್ಲಾ.

35 "ಸ್ವರ್ಗಾತ್ಲಾ ಮಾಜಾ಼ ಬಾ ತುಮಾನಾ ಕೆಲ್ಯಾಚೆಗತ್ ಹ್ಯಾ ರಾಜಾನಿ ಕೆಲ. ತುಮಿ ತುಮ್ಚಾ ಬಾವ್ಹಾನಾ ವ್ಹವುನಿ ಬನ್ಹಿನಾ ವ್ಹವುನಿ ಖರ‍್ಯಾನಿ ಮಾಪ್ ಕರಾಯಾ ವ್ಹಯಿಸಾ ನಾಹಿತ ಸ್ವರ್ಗಾತ್ಲಾ ಮಾಜಾ಼ ಬಾ ತುಮಾನಾ ಮಾಪ್ ಕರ್ನಾರ್ ನಾಹಿ ಮನ್ಹುನ್ ಸಾಂಗ್ಲ.