1 ಯೇಸುನಿ ಹ್ಯಾ ಗುಶ್ಟಿ ಸುಪಿವ್‌ಲ್ಯಾ ನಂತರ್, ಆಪ್‌ಲ್ಯಾ ಶಿಶಾನಾ ಸಾಂಗ್ಲ 2 "ಪರ್ವಾದಿಸಿ ಪಸ್ಕಾಚಾ಼ ಸನ್ ಮನ್ಹುನ್ ತುಮಾನಾ ಠಾವಾ ಹಾ. ತವಾ ಮಾನ್ಸಾಚಾ ಲೇಕಾಲಾ ಶಿಲಬೆವ ಗಾಲಾಲಾ ವಾದಿಂಚಾ ಹಾತಾತ್ ದೇನಾರ್. ಮನ್ಲಾ.

3 ಹಿಕ್ಡ ಮಹಾಯಾಜಕ್ ಆನಿ ಯೆಹುದಿ ಜಾಂತ್ಯಾಂಚಾ಼, ಮುಖ್ಯ ಯಾಜಕಾಚಾ ಗರ‍್ಹಾಚಾ ಆಂಗ್ನಾತ್ ಮೇಳಾ ಜ಼ಮ್ಲಾ. ಮುಖ್ಯ ಯಾಜಕಾಚ಼ ನಾವ್ ಕಾಯಪ್. 4 ತ್ಯಾ ಮೇಳಾತ್ ತೆ ಯೇಸುಲಾ ಪಾರ್ಕಿನಿ ದರುನ್ ಮಾರುನ್ ಟಾಕಾಯಾ ಯವಜ್ನಾಕಿಲಿ. 5 ಫನ್ ಲೊಕಾಂಚಾನಿ ಆಮಿ ಪಸ್ಕಾಚಾ ಸನಾಚಾ ಕಾಲಾತ್ ಯೇಸುಲಾ ಕೊಂಡಾಯಾ ವ್ಹನಾರ್ ನಾಹಿ ಕಾ ಮಂಜೆ ಲೊಕಾಂಚಾ಼ ಗಾನ್ಹಾ ವ್ಹಯಿಲ್ ಮನ್ಹುನ್ ಸಾಂಗ್ಲ.

6 ಯೇಸು ಬೆತಾನಿತ್ ಆಸ್ಥಾನಾ ಸಿಮೊನ್ ಮಂಥ್ಯಾಲ್ಯಾ ಕುಶ್ಟ ರೊಗಿಚಾ ಗರ‍್ಹಾತ್ ಹುತ್ತಾ. 7 ತವಾ ಯೇಕ್ ಬ್ಯಾಯ್ಕಾ ಮಾನುಸ್ ಖುಬ್ ಕಿಮ್ತಿಚ಼ ವಾಸಾಚ಼ ತ್ಯಾಲ್ ಗಾರಚಾ ದೊಂಡ್ಯಾಚಿ ಬರ್ನ್ಹಿ ಗಿಹುನ್ ಯವುನ್ ಜೆವ್ನಾಲಾ ಬಸ್‌ಲ್ಯಾಲ್ಯಾ ಯೇಸುಚೆ ಡುಯಿವ ತ್ಯ ವಾಸಾಚ಼ ತ್ಯಾಲ್ ವತ್ಲ. 8 ಹ್ಯ ಬಗ್‌ಲ್ಯಾಲ್ಯಾ ಶಿಶಾಂಚಾನಿ ತೇ ಬ್ಯಾಯ್ಕಾ ಮಾನ್ಸಾವ ರಾಗ್ ಕರುನ್, "ತ್ಯ ವಾಸಾಚ಼ ತ್ಯಾಲ್ ಕಾ ನಾಸ್ ಕೆಲಸ್? 9 ತ್ಯ ಖುಬ್ ಪೈಸ್ಯಾನಾ ಇಕುನ್ ಗರಿಬ್ ಲೊಕಾನಾ ದಿಯಾಚ಼ ಹುತಸ್ ನವ್ಹ!" ಮನ್ಲ.

10 ಫನ್ ಹ್ಯಾ ಕಾಮಾಲಾ ಕಾರನ್ ಸಮಾಜ್‌ಲ್ಯಾಲಾ ಯೇಸು ಆಪ್‌ಲ್ಯಾ ಶಿಶಾನಾ, ಹೆ ಬ್ಯಾಯ್ಕಾ ಮಾನ್ಸಾಲಾ ಕಾ ತರಾಸ್ ದೇತಾಸಾ? ತಿನಿ ಮನಾ ಖುಬ್ ಚಾ಼ಂಗ್ಲ ಕಾಮ್ ಕೆಲ್ಯಾ. 11 ಗರಿಬ್ ಲೊಕ ತುಮ್ಚಿ ಸಂಗ ಕವಾಬಿ ರಾಥ್ಯಾತ ಫನ್ ಮಿ ತುಮ್ಚಿ ಸಂಗ ಖಾಯಿಮ್ ರಾಹಿತ್ನಾಹಿ 12 ಮಿ ಮೆಲ್ಯಾ ನಂತರ್ ಮನಾ ಮಸುರ್ಡಿತ್ ನೆಥಾನಾ ತಯಾರ್ ಕರಾಯಾ ಸಾಟಿ ಹೆ ಬ್ಯಾಯ್ಕಾ ಮಾನ್ಸಾನಿ ಮಾಜಾ ಆಂಗಾವ ವಾಸಾಚ಼ ತ್ಯಾಲ್ ವತ್ಲ. 13 ಮಿ ತುಮಾನಾ ಖರ ಸಾಂಗ್ತೊ. ದುನೆತ್ ಕುಠ ಕುಠ ಚಾ಼ಂಗ್ಲಿ ಖಬರ್ ಸಾಂಗ್ತಿಲ ತಿಥ ಹ್ಯ ಕಾಮ್ ಹಿಚೆ ಯದಸಾಟಿ ಸಾಂಗನಾರ್ ಮನ್ಲಾ.

14 ಮಂಗ್ ಬಾರಾ ಜಾ಼ನ್ ಶಿಶಾತ್ಲಾ ಯೊಕ್ ಇಸ್ಕರಿ ಯುದ್ ಮಹಾಯಾಜಕಾಂಚಿಪ ಜಾ಼ವುನ್, 15 "ಯೇಸುಲಾ ತುಮಾನಾ ದರ‍್ಹುನ್ ದಿಲಾತ ತುಮಿ ಮನಾ ಕ್ಯವ್ಡ ಪೈಸ ದೇನಾರ್? ಮನ್ಹುನ್ ಇಚಾರ್ಲ ಮಹಾ ಯಾಜಕಾಂಚಾನಿ ತೀಸ್ ಚಾ಼ಂದಿಚ಼ ಆನ ಯುದಾಲಾ ದಿಲ. 16 ತಿಸಿಚಾನ್ ಯೇಸುಲಾ ದರುನ್ ದಿಯಾ ಯೊಳ್ ರಾಖಿತಾ.

17 ಆಂಬಾಟ್ ನಸ್‌ಲ್ಯಾಲ್ಯಾ ಬಾಕ್ರಿಚಾ ಸನಾಚಾ ಪೈಲ್ಯಾ ದಿಸಾ ದಿಸಿ ಶಿಶಾಂಚಾನಿ ಯೇಸುಪ ಯವುನ್ "ಆಮಿ ತುಜಿ ಸಾಟಿ ಪಸ್ಕಾಚಾ ಸನಾಚ಼ ಜೆವಾನ್ ಕುಠ ತಯಾರ್ ಕರಾವ? ಮನ್ಹುನ್ ಇಚಾರ್ಲ.

18 ತ್ಯಲಾ ಯೇಸುನಿ ತುಮಿ ಪೆಠತ್ ಜಾ಼ವುನ್ ಮಿ ದ್ಯಾವ್‌ತ್ಯಾಲ್ಯಾ ಮಾನ್ಸಾಪ ಜಾ಼ವುನ್ ತ್ಯಲಾ ನಿವ್ಡುನ್ ಗೇತಲ್ಯಾಲಾ ಯೊಳ್ ಜ಼ವಳ್ ಆಲಾ ಮಿ ಪಸ್ಕಾಚಾ ಸನಾಚ಼ ಜೆವಾನ್ ತುಜಾ ಗರ‍್ಹಾತ್ ಮಾಜಾ ಶಿಶಾಂಚೆ ಸಂಗ ಕರ್ತೊ ಮನ್ಹುನ್ ಮಾಸ್ಥರ್’ ಸಾಂಗ್‍ತ್ಯೊ ಮನ್ಹುನ್ ಸಾಂಗಾ."

19 ಯೇಸುನಿ ಸಾಂಗ್‌ಲ್ಯಾ ಶಾರ್ಕ ಶಿಶಾಂಚಾನಿ ಪಸ್ಕಾಚಾ ಸನಾಚ಼ ಜೆವಾನ್ ತಯಾರ್ ಕೆಲ.

20 ಶಾಂಚ಼ ಯೇಸು ಆಪ್‌ಲ್ಯಾ ಬಾರಾ ಜಾ಼ನ್ ಶಿಶಾಂಚೆ ಸಂಗ ಜೆವ್ನಾಲಾ ಬಸ್ಲಾ ಹುತ್ತಾ. 21 ತೇ ಸಗ್ಳ ಜೆವಾನ್ ಖಾತಾನಾ ಯೇಸುನಿ, "ಮಿ ತುಮಾನಾ ಖರ ಸಾಂಗ್ತೊ. ಹಿತ್ತ ಆಸ್‌ಲ್ಯಾಲ್ಯಾತ್ಲಾ ಯಕ್ಲಾ ಮನಾ ವಾದಿಂಚಿಪ್ನಿ ದೇನಾರ್ ಮನ್ಲಾ.

22 ಶಿಶಾಂಚಾನಿ ಹ್ಯ ಐಕುನ್ ಖುಬ್ ರಡ್ಲ ಆನಿ ಪರತೇಕ್ ಶಿಶಾ ಯೇಸುಲಾ ಪ್ರಭು ಖರ‍್ಯಾನಿ ಮಿ ನವ್ಹ? ಮನ್ಹುನ್ ಸಾಂಗಾಯಾ ಲಾಗ್ಲ.

23 ಯೇಸುನಿ ವ್ಯಾಟ್‍ಕ್ಯಾತ್ ಮಾಜೆ ಸಂಗ ಆಪ್ಲ ಹಾತ್ ಗ್ಯಾಲತ್ಯಾಲಾ ಮನಾ ಮಾಜಾ ವೈರಿಂಚಾ ಹಾತಾತ್ ದಿಯಿಲ್. 24 ಪವಿತ್ರ ಪುತೀಕಾತ್ ಲಿವ್‌ಲ್ಯಾ ಶಾರ್ಕ ಮಾನ್ಸಾಚಾ಼ ಲ್ಯೊಕ್ ನಿಗುನ್ ಜಾ಼ವುನ್ ಮರ್ನಾರ್. ಖರ ತ್ಯಲಾ ಮಾರುನ್ ಟಾಕಾಯಾ ದೇತ್ಯಾಲ್ಯಾಲಾ ಖುಬ್ ತರಾಸ್ ವ್ಹನಾರ್ ತ್ಯೊ ಜ಼ಲಾಮ್ಲಾ ನಸ್ಥಾತ ಖುಬ್ ಬರ ವ್ಹಯಾಚ಼ ಹುತ್ತ ಮನ್ಹುನ್ ಸಾಂಗ್ಲ.

25 ತವಾ, ಯೇಸುಲಾ ತ್ಯಚಾ ವಾದಿಂಚಾ ಹಾತಾತ್ ದೇತ್ಯಾಲಾ ಯುದ್ ಪ್ರಬು ಮಿ ಕ್ಯಾ? ಮನ್ಲಾ.

ತ್ಯಲಾ ಯೇಸು ವ್ಹಯ್ ತುಸ್ ತ್ಯೊ? ಮನ್ಲಾ.

26 ತೇ ಜೆವ್ತಾನಾ ಯೇಸುನಿ ಬಾಕ್ರಿ ಗಿಹುನ್ ತ್ಯಚಿ ಸಾಟಿ ದೇವಾಲಾ ಉಪ್ಕಾರ್ ಸಾಂಗುನ್ ತೀ ಮುಡುನ್ ಗೇವ್ಹಾ ಖಾವಾ ಹ್ಯ ಮಾಜ಼ ಧಡ್ ಮನ್ಹುನ್ ಸಾಂಗುನ್ ಆಪ್‌ಲ್ಯಾ ಶಿಶಾನಾ ದಿಲ.

27 ಮಂಗ್ ಯೇಸುನಿ ದರಾಕ್ಶಿಚಾ ರಸಾಚ಼ ಐದಾನ್ ಗಿಹುನ್ ತ್ಯಚಿಸಾಟಿ ದೇವಾಲಾ ಉಪ್ಕಾರ್ ಸಾಂಗುನ್, "ತುಮಿ ಸಗ್ಳ ಹ್ಯ ಪಿವಾ. ಮನ್‍ಲ್ಹಾ 28 ಹ್ಯ ನವಾ ಕರಾರ್ ದಾವುನ್ ದೇತ್ಯಾಲ ಮಾಜ಼ ರಗಾತ್. ಹ್ಯ ಖುಬ್ ಲೊಕಾಂಚ಼ ಪಾಪ ಮಾಪ್ ಕರಾಯಾ ಶಾಂಡ್‌ಲ್ಯಾಲ ರಗಾತ್ 29 ಮಿ ತುಮಾನಾ ಸಾಂಗ್ತೊ, ಮಾಜಾ ಬಾಚಾ ರಾಜಾತ್ ಆನಿಕ್ ಮಿಳುನ್ ದರಾಕ್ಶಿಚಾ಼ ರಸ್ ನವಿನಿ ಪಿಯಿ ಪತರ್ ತ್ಯ ಆನಿಕ್ ಪಿನಾರುಸ್ ನಾಹಿ" ಮನ್ಹುನ್ ಸಾಂಗುನ್ ಲೊಕಾನಾ ಪಿಯಾ ದಿಲ.

30 ತವಾ ಶಿಶಾ ಸಗ್ಳ ಪಸ್ಕಾಚಾ ಸನಾಚ಼ ಗೀತ್ ಮನ್ಲ ನಂತರ್ ತೇ ಆಲಿವ್ ಮೊಟ್ಯಾ ಗುಢ್ಯಾವ ಗೆಲ.

31 ತವಾ ಯೇಸುನಿ ಆಪ್‍ಲ್ಯಾ ಶಿಶಾನಾ, "ಆಚ್ಚೆ ರಾತಿತ್ ತುಮಿ ಮನಾ ಸುಡುನ್ ಪಳುನ್ ಜಾ಼ನ್ಹಾರ್.

‘ಮಿ ಕುರುಬುರಾಲಾ ಮಾರುನ್ ಟ್ಯಾಕ್ನಾರ್,

ತವಾ ಮೆಂಡ್ರ ಸಗ್ಳಿ ಪಗಾಳ್ನಾರ್’ ಜಕರಿಯಾ 13:7

ಮನ್ಹುನ್ ದೇವಾನಿ ಪವಿತ್ರ ಪುತೀಕಾತ್ ಲಿವ್‌ಲ್ಯಾ. 32 ಫನ್ ಮಿ ಮೆಲ್ಯಾ ನಂತರ್ ಜಿತ್ತಾ ವ್ಹವುನ್ ಯನಾರ್ ಪರತ್ ಮಿ ಗಲಿಲಾಯಾತ್ ಜಾ಼ನಾರ್ ತುಮಿ ತಿಥ ಜಾ಼ಯಾಚೆ ಆಂದಿ ಮಿ ತಿಥ ರಾನ್ಹಾರ್ ಮನ್ಹುನ್ ಸಾಂಗ್ಲ.

33 ಫನ್ ಪೇತ್ರಾ ಆನಿ ರಾಯ್‌ಲ್ಯಾಲ ಶಿಶಾ ಸಗ್ಳ ತುಜಿಸ್ ಲಾಗುನ್ ಆಪ್ಲಾ ಇಸ್ವಾಸ್ ಸಾಂಡುನ್ ಗಿತಿಲ ಫನ್ ಮಿ ತ್ಯವ್ಡಾಸ್ ತಸ ಕರ್ನಾರ್ ನಾಹಿ ಮನ್ಹುನ್ ಉತ್ತರ್ ದಿಲಾ.

34 ಯೇಸುನಿ, "ಮಿ ತುಮಾನಾ ಖರ ಸಾಂಗ್ತೊ. ಆಜ಼್ ರ‍್ಯಾಚಾ಼ ಕೊಂಬ್ಡಾ ಬವಾಚೆ ಆಂದಿ ತು ಮಾಜೆ ಗುಶ್ಟಿತ್ ತ್ಯೊ ಮನಾ ಠಾವಾಸ್ ನಾಹಿ ಮನ್ಹುನ್ ತೀನ್ ಖೆಪಾ ಸಾಂಗ್ನಾರ್" ಮನ್ಲಾ.

35 ಫನ್ ಪೇತ್ರಾ, "ಮಿ ತುಜಿ ಸಂಗ ಮೇಲೊ ತರಿ, ತು ಮನಾ ಠಾವಾ ನಾಹಿ ಮನ್ನಾರ್‌ ನಾಹಿ" ಮನ್ಲಾ. ರಾಹಿಲ್ಯಾಲ್ಯಾ ಶಿಶಾಂಚಾನಿಬಿ ತಸಸ್ ಸಾಂಗ್ಲ.

36 ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚೆ ಸಂಗ ಗೆತ್ಸೆಮನೆ ಮಂಥ್ಯಾಲ್ಯಾ ಜಾ಼ಗ್ಯಾವ ಗೆಲಾ. ಯೇಸುನಿ ಆಪ್‌ಲ್ಯಾ ಶಿಶಾನಾ ಮಿ ತಿಥ ಜಾ಼ವುನ್ ಮಾಗ್ನ ಕರುನ್ ಯಯಿಪರತ್ ಹಿತ್ತಸ್ ರಾವ್ಹಾ ಮನ್ಹುನ್ ಸಾಂಗ್ಲ. 37 ಯೇಸು ಪೇತ್ರಾಲಾ ಆನಿ ಜೆಬೆದಾಯಾಚಾ ದೊಗಾ ಪ್ಯೊರ್‌ಗ್ಯಾನಾ ಆಪ್ಲಿ ಸಂಗ ಗಿಹುನ್ ಗೆಲಾ. ತವಾ ಯೇಸುಚಾ ಮನಾಲಾ ಖುಬ್ ದುಕ್ ವ್ಹವುನ್ 38 ತ್ಯನಾ, "ಮಾಜಾ ಮನಾಲಾ ಖುಬ್ ದುಕ್ ಜ಼ಾಲ್ಯಾ. ಮಾಜ಼ ಮನ್ ದುಖಾನಿ ಮರ ಶಾರ್ಕಿ ಜಾ಼ಲ್ಯಾ. ತುಮಿ ಮಾಜಿ ಸಂಗ ಹಿತ್ತಸ್ ಜಾ಼ಗ ರಾವ್ಹಾ ಮನ್ಲಾ.

39 ಮಂಗ್ ಯೇಸು ತ್ಯಂಚಿಪ್ನಿ ಥೊಡಾ ದುರ್ ಜಾ಼ವುನ್ ಜಿಮ್ನಿವ ಆಡ್ವಾ ಪಡುನ್ ಮಾಜಾ ಬಾ ಜಾ಼ಲತ ತರಾಸಾಚ಼ ಹ್ಯ ಐದಾನ್ ಮನಾ ದಿವು ನಕೊ. ಫನ್ ಮಾಜಾ ಮನಾ ಶಾರ್ಕ ನವ್ಹ ತುಜಾ ಮನಾ ಶಾರ್ಕಸ್ ಕರ್ ಮನ್ಹುನ್ ಮಾಗ್ನ ಕೆಲ

40 ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ಮಾಗಾರಾ ಪರಾತ್ಲಾ. ತೇ ನಿಸ್‌ತ್ಯಾಲ ಬಗುನ್ ತ್ಯನಿ, "ತುಮಾನಾ ಮಾಜಿಸಂಗ ಯೇಕ್ ತಾಸ್ ತರಿ ಜಾ಼ಗ ರಾಹ್ಯಾ ವ್ಹಯಿತ್ನಾಹಿ ಕ್ಯಾ? 41 ತುಮಿ ಪರಿಕ್ಷೆತ್ ಗಾವುನಾಹಿಸಾ ಮನ್ಹುನ್ ಜಾ಼ಗ ರಾಹುನ್ ಮಾಗ್ನ ಕರಾ. ಮನ್ ಶಾರ್ಕ ಹಾ ಫನ್ ಆಂಗಾಲಾ ಬಳ್ ಪುರೊ ವ್ಹಯಿನಾ" ಮನ್ಹುನ್ ಸಾಂಗ್ಲ.

42 ಯೇಸು ದೊನ್ವೆ ಪಾವ್ಟಿ ಥೊಡಾ ದುರ್ ಜಾ಼ವುನ್ ಮಾಗ್ನ ಕರೀತ್ ಮಾಜಾ ಬಾ ತರಾಸಾಚ಼ ಹ್ಯ ಐದಾನ್ ಮಾಜಿಪ್ನಿ ಕಾಡುನ್ ಗಿಹ್ಯಾ ವ್ಹಯಿತ್ನಾಹಿತ ಆನಿ ಮಿ ತ್ಯ ಕರಾಲಾಸ್ ವ್ಹಯಿ ಮನ್ಲಾಸ್ತ ತುಜಾ ಮನಾ ಶಾರ್ಕಸ್ ವ್ಹವುನಿ ಮನ್ಲಾ.

43 ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ಮಾಗಾರಾ ಪರಾತ್ಲಾ ತವಾ ತೇ ಆನಿ ನಿಜ಼ಲ್ಯಾಲ ಬಗ್ಲ. ತ್ಯಂಚ಼ ಡೊಳ ಪೆಂಗಾನಿ ಬರ್ಲ ಹುತ್ತ. 44 ಮನ್ಹುನ್ ಯೇಸುನಿ ಆನಿಯಂಗ್ದಾ ತ್ಯನಾ ಸುಡುನ್ ಥೊಡಾ ದುರ್ ಜಾ಼ವುನ್ ತಿನ್ವೆ ಪಾವ್ಟಿ ತಸಸ್ ಮಾಗ್ನ ಕೆಲ.

45 ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ಪರ್ತುನ್, "ತುಮಿ ಆನಿಕ್ ನಿಜ಼ತ್ ಆರಾಮ್ ಗೇಥ್ಯಾಸಾ ಕ್ಯಾ? ಪಾಪಿ ಜಾ಼ಲ್ಯಾಲ್ಯಾ ಲೊಕಾಂಚಿಪ ಮಾನ್ಸಾಚಾ ಲೇಕಾಲಾ ದಿಯಾಚಾ಼ ಯೊಳ್ ಜ಼ವಳ್ ಆಲಾ. 46 ಆಮಿ ಜಾ಼ಯಾ ವ್ಹಯಿ. ಉಠಾ! ಮನಾ ವಾದಿಪ್ನಿ ದೇತ್ಯಾಲಾ ಮಾನುಸ್ ಹಿತ್ತಸ್ ಯಯಾಲಾಗ್‌ಲ್ಯಾ" ಮನ್ಹುನ್ ಸಾಂಗ್ಲ.

47 ಯೇಸು ಬೊಲ್‌ತ್ಯಾಲಾ ಆಸ್ಥಾನಾಸ್ ಯುದ್ ತಿಥ ಆಲಾ. ಯುದ್ ಬಾರಾಜಾ಼ನ್ ಶಿಶಾತ್ಲಾ ಯೊಕ್ ಜಾ಼ಲ್ಥಾ ಮಹಾಯಾಜಕ್ ಆನಿ ಜಾಂತ್ಯಾಂಚಾನಿ ಲಾವುನ್ ದಿಲ್ಯಾಲಿ ಖುಬ್ ಲೊಕ ತ್ಯಚಿ ಸಂಗ ಹುತ್ತಿತ. ತೀ ಕೊಂಗಳ್ಯಾ ಆನಿ ಟೊನ ದರುನ್ ಹುತ್ತಿತ. 48 ಯೇಸು ಕೊನ್ ಮನ್ಹುನ್ ಸಮಜು಼ನ್ ಗಿಹ್ಯಾ ಯುದಾನಿ ತ್ಯನಾ ಮಿ ಕಚಾಚಾ಼ ಮುಕ್ಕಾ ಗೆತೊ ತ್ಯೊಸ್. ತ್ಯಲಾ ದರ‍್ಹಾ" ಮನ್ಹುನ್ ಯೇಕ್ ಖುನಾ ಸಾಂಗುನ್ ದಿಲ್ತಿ.

49 ತಸಾಸ್ ಯುದ್ ಯೇಸುಪ ಜಾ಼ವುನ್, "ಮಾಸ್ಥರಾ ಬರಾ ಹಾಸ್ ಕ್ಯಾ ಮನ್ಹುನ್ ಸಾಂಗುನ್ ತ್ಯಚಾ಼ ಮುಕ್ಕಾ ಗೆತ್ಲಾ.

50 ತವಾ ಯೇಸುನಿ, "ಸೋಪ್‌ತ್ಯಾ, ತು ಕರಾಲಾ ಆಲ್ಯಾಲ ಕಾಮ್ ಹ್ಯಸ್ ಕ್ಯಾ? ಮನ್ಲಾ.

ತವಾಸ್ ತ್ಯಾ ಲೊಕಾಂಚಾನಿ ಯವುನ್ ಯೇಸುಲಾ ದರುನ್ ಕ್ಯೊಂಡ್ಲಾ. 51 ತವಾ ಯೇಸುಚೆ ಸಂಗ ಆಸ್‌ಲ್ಯಾಲ್ಯಾ ಯಕಾನಿ ಆಪ್ಲ ಹತ್ಯಾರ್ ಬಾಹಿರ್ ವಡುನ್ ಮುಖ್ಯ ಯಾಜಕಾಚಾ ಸೇವಕಾಲಾ ಮಾರುನ್ ತ್ಯಚಾ಼ ಕಾನ್ ತುಡುನ್ ಟ್ಯಾಕ್ಲಾ.

52 ಯೇಸು ತ್ಯಲಾ ಮನ್‍ಲ್ಹಾ, "ತುಜ಼ ಹತ್ಯಾರ ಆತ್ ಗ್ಯಾಲ್ ಕುಂಗ್ಳಿ ಗೇಥ್ಯಾಲಿ ಲೊಕ ಕುಂಗ್ಳಿನಿಸ್ ಮರ್‌ತ್ಯಾತ. 53 ಮಿ ಮಾಜಾ ಬಾಪ ಮಾಗ್‌ಲ್ಯಾವ. ತ್ಯೊ ಮನಾ ದೇವ್ದುತಾಂಚಾ ಸೈನ್ಯಾಚಾ಼ ಬಾರಾ ಹಿಂಡ್ ದೇನಾರ್ ಮನ್ಹುನ್ ತುಲಾ ಠಾವ ಹಾ. 54 ಫನ್ ಪವಿತ್ರ ಪುತೀಕಾತ್ ಲಿವ್‌ಲ್ಯಾ ಶಾರ್ಕ ಆಸಸ್ ವ್ಹಯಾವ್ಹಯಿ. ಮನ್ಹುನ್ ಸಾಂಗ್ಲ

55 ಮಂಗ್ ಯೇಸುನಿ ತ್ಯಾ ಲೊಕಾನಾ ತುಮಿ ಗುನ್ನಾ ಕೇಲ್ಯಾಲ್ಯಾಲಾ ಕ್ಯೊಂಡ್‌ತ್ಯಾಲ್ಯಾಂಚೆಗತ್ ಕೊಂಗಳ್ಯಾ ಆನಿ ಟೊನ ದರ‍್ಹುನ್ ಹಿತ್ತ ಆಲ್ಯಾಸಾ ಮಿ ರೊಜ್ ದೇವ್ಳಾತ್ ಬಸುನ್ ಸಿಕ್ವಿತ್ ಆಸ್ಥಾನಾ ತುಮಿ ಮನಾ ತಿಥ ದರ್ಲಾ ನಾಹಿಸಾ. 56 ಫನ್ ಪ್ರವಾದಿಂಚಾನಿ ಲಿವ್‌ಲ್ಯಾಲ ಸಗ್ಳ ವ್ಹಯಾವ್ಹಯಿ ಮನ್ಹುನ್ ಹ್ಯ ಸಗ್ಳ ಜಾ಼ಲ ಮನ್ಹುನ್ ಸಾಂಗ್ಲ ತವಾ ಶಿಶಾ ಸಗ್ಳ ತ್ಯಲಾ ಸುಡುನ್ ಪಳುನ್ ಗೆಲ.

57 ಮಂಗ್ ಯೇಸುಲಾ ಕ್ಯೊಂಡ್‌ಲ್ಯಾಲ ತ್ಯಲಾ ಮುಖ್ಯ ಯಾಜಕ್ ಜಾ಼ಲ್ಯಾಲ್ಯಾ ಕಾಯಪಾಚಾ ಗರ‍್ಹಾತ್ ಹಾಕ್ಟುನ್ ನೆಲಾ. ತಿಥ ಧರ್ಮೊಪದೇಶಕಾನಿ ಯಹೂದ್ಯಾತ್ಲ ಜಾಂತ ಯಂಗ್ದಾಸ್ ಜ಼ಮ್ಲ. 58 ಯೇಸುಲಾ ಕ್ಯಾ ವ್ಹತ್ಯಾ ಮನ್ಹುನ್ ಬಗಾಯಾ ಪೇತ್ರಾ ದುರ್ನಿಸ್ ಮಾಗ್ನಿ ಯಯಿತ್ ಮುಖ್ಯ ಯಾಜಕಾಚಾ ಗರ‍್ಹಾಚಾ ಆಂಗ್ನಾತ್ ಯವುನ್ ರ‍್ಯಾಖ್‌ತ್ಯಾಲ್ಯಾಂಚೆ ಸಂಗ ಬಸ್ಲಾ.

59 ಮುಖ್ಯ ಯಾಜಕ್ ಆನಿ ಯೆಹುದ್ಯಾಂಚಾನಿ ನ್ಯಾಯಿ ನಿವ್ಡಾಚಾ಼ ಮೇಳ್ಯಾನಿ ಯೇಸುಲಾ ಮರ್ನಾಚಿ ಶಿಕ್ಶಾದಿಯಾ ವ್ಹಯಿ ಜಾ಼ಲ್ಯಾಲ್ಯಾ ಲಬಾಡ್ ಸಾಕ್ಶಾ ಶೊದ್‌ಲ್ಯಾ. 60 ಖುಬ್ ಜ಼ನಾಂಚಾನಿ ಯವುನ್ ಯೇಸುಚಾ ಲಬಾಡ್ ಗುಶ್ಟಿ ಸಾಂಗ್‌ಲ್ಯಾ. ಫನ್ ಯೇಸುಲಾ ಮಾರುನ್ ಟಾಕಾಯಾ ಪಾಯ್ಜೆ ಆಸ್‌ಲ್ಯಾಲಾ ಗುನ್ನಾ ಮೆಳ್ಯಾಲಾ ಗಾವ್ಲಾನಾಹಿ ತವಾ ದೊಗ ಯವುನ್, 61 "ಹ್ಯಾ ಮಾನ್ಸಾನಿ, ‘ಮಿ ದಿವುಳ್ ಪಾಡುನ್ ತ್ಯ ಆನಿಕ್ ತೀನ್ ದಿಸಾತುಸ್ ಬ್ಯಾಂತೊ’ ಮನ್ಹುನ್ ಸಾಂಗ್‌ಲ್ಯಾ" ಮನ್‌ಲ್ಹ.

62 ಮುಖ್ಯ ಯಾಜಕ್ ವರ್ ಉಠುನ್ ಯೇಸುಲಾ ಹಿ ಲೊಕ ತುಜಿವ ವಾವ್‌ತ್ಯಾಲೆ ಚು಼ಕಿಲಾ ತು ಕ್ಯಾ ತರಿ ಸಾಂಗಾಚಾ಼ ಹಾಸ್ ಕ್ಯಾ? ಹಿ ಸಾಂಗ್‌ತ್ಯಾಲಿ ಸಗ್ಳ ಖರ ಕ್ಯಾ? ಮನ್ಹುನ್ ಇಚಾರ್ಲ. 63 ಫನ್ ಯೇಸು ಗಪ್ ಹುತ್ತಾ

ಮುಖ್ಯ ಯಾಜಕ್ ಆನಿಕ್ ಯೇಸುಲಾ ಜೀವ್ ಆಸ್‌ಲ್ಯಾಲ್ಯಾ ದೇವಾವ ಸೆಪ್ಪತ್ ಥಿವುನ್ ಇಚಾರ್ತ್ಯೊ ತು ದೇವಾಚಾ಼ ಲ್ಯೊಕ್ ಕ್ರಿಸ್ತ್ ಕ್ಯಾ ಆಮಾನಾ ಸಾಂಗ್ ಮನ್ಲಾ

64 ಯೇಸುನಿ, "ವ್ಹಯ್, ತು ಸಾಂಗ್‌ಲ್ಯಾ ಶಾರ್ಕ ತ್ಯೊಸ್ ಮಿ. ಫನ್ ತುಲಾ ಸಾಂಗಾಚ಼ ಕ್ಯಾ ಮಂಜೆ, ಹಿತ್ನಿ ಮೊರ‍್ಹ ಮಾನ್ಸಾಚಾ಼ ಲ್ಯೊಕ್ ದೇವಾಚೆ ಉಜ್‌ವ್ಯಾಂಗ್ನಿ ಬಸ್‌ಲ್ಯಾಲಾ ಆಬ್ಳಾಚಾ ಡಘಾವ ಬಸುನ್ ಯತ್ಯಾಲಾ ತುಮಿ ಬಗ್ನಾರ್ ಮನ್ಹುನ್ ಸಾಂಗ್ಲ.

65 ಮುಖ್ಯ ಯಾಜಕಾನಿ ಹ್ಯ ಐಕುನ್ ಖುಬ್ ರಾಗ್ ಕರುನ್ ಆಪ್ಲ ಕಪ್ಡ ಫಾಟುನ್ ಹ್ಯೊ ಮಾನುಸ್ ದೇವಾಚೆ ಆಡ್ವ ಬೊಲ್ಲಾ. ಆಮಾನಾ ಆನಿಕ್ ಕ್ಯಾ ಗುನ್ನಾ ವ್ಹಯಿ. ಹ್ಯೊ ದೇವಾಚೆ ಆಡ್ವ ಬೊಲ್ಯಾಲಾ ತುಮಿಸ್ ಐಕ್ಲಸಾ. 66 ತುಮ್ಚಾ ನಿರ್ದಾರ್ ಕ್ಯಾ? ಮನ್ಹುನ್ ಇಚಾರ್ಲ.

ಯೆಹುದ್ಯಾಂಚಾನಿ, ಹ್ಯನಿ ಗುನ್ನಾ ಕೆಲ್ಯಾ ಹ್ಯೊ ಮರಾಲಾಸ್ ಪಾಯ್ಜೆ ಮನ್‍ಲ್ಹ.

67 ಮಂಗ್ ಲೊಕ ತಿಥಸ್ ಯೇಸುಚಾ ತೊಂಡಾವ ಥುಕ್ಲಿತ. ಮುಟ್‌ಕ್ಯಾನಿ ತ್ಯಲಾ ಮ್ಯಾರ್ಲಾ. ತ್ಯಚಾ ಗಾಲಾವ ಮ್ಯಾರ್ಲಾ. 68 ತೇ, "ಕ್ರಿಸ್ತಾ, ಆಮಾನಾ ಪ್ರವಾದನೆ ಸಾಂಗ್! ತುಲಾ ಮ್ಯಾರ್‌ಲ್ಯಾಲ ಕುನಿ? ಮನ್ಹುನ್ ಟಿಂಗಲ್ನಾ ಕಿಲಿ.

69 ಹಿಕ್ಡ ಪೇತ್ರಾ ಆಂಗ್ನಾತ್ ಬಸ್ಲಾ ಹುತ್ತಾ. ಸೇವಕಿ ಯೇಕ್ ಪೇತ್ರಾಪ ಯವುನ್, "ತುಬಿ ಗಲಿಲಾಯಾತಲ್ಯಾ ಯೇಸು ಸಂಗ ಆಸ್‌ಲ್ಯಾಲಾ" ಮನ್ಲಿ.

70 ಫನ್ ಪೇತ್ರಾ, ತಿತಲ್ಯಾ ಲೊಕಾಂಚೆ ಮೊರ‍್ಹ ತಿಲಾ, "ತು ಕ್ಯಾ ಸಾಂಗ್ತೆಸ್ ತ್ಯ ಮನಾ ಠಾವ ನಾಹಿ" ಮನ್ಲಾ.

71 ಮಂಗ್ ಪೇತ್ರಾ ತಿಥ್ನಿ ಉಠುನ್ ಮೊರ್ಲ್ಯಾ ದಾರಾತ್ ಆಲಾ ತವಾ ಆನಿ ಯೇಕ ಸೇವಕಿನಿ ತ್ಯಲಾ ಬಗುನ್ ತಿತಲ್ಯಾ ಲೊಕಾನಾ, "ಹ್ಯೊ ಮಾನುಸ್ ನಜರೇತಾತ್‌ಲ್ಯಾ ಯೇಸು ಸಂಗ ಆಸ್‌ಲ್ಯಾಲಾ" ಮನ್ಲಿ.

72 ತವಾ ಪೇತ್ರಾ, "ಮಿ ದೇವಾ ಸೆಪ್ಪತ್ ಸಾಂಗ್ತೊ. ಮನಾ ಯೇಸು ಮಂಥ್ಯಾಲಾ ಮಾನುಸ್ ಕೊನ್ ಮನ್ಹುನ್ ಠಾವಾಸ್ ನಾಹಿ!" ಮನ್ಲಾ.

73 ಥೊಡ್ಯಾ ಯಳಾ ನಂತರ್, ತಿಥ ಉಬಿ ರಾಯ್‌ಲ್ಯಾಲಿ ಥುಡಿ ಲೊಕ ಪೇತ್ರಾಚೆ ಜ಼ವಳ ಜಾ಼ವುನ್, "ಯೇಸುಚೆ ಮಾಗ್ನಿ ಆಲ್ಯಾಲ್ಯಾ ಲೊಕಾತ್ಲಾ ತುಬಿ ಯೊಕ್ ಮನ್ಹುನ್ ತುಜಿ ಬುಲಿಸ್ ತುಲಾ ದಾವುನ್ ದೇತೆ" ಮನ್ಲಿತ.

74 ಪೇತ್ರಾನಿ ಸಾಂಗ್ಲ, ಮಿ ಖರ ಸಾಂಗ್ತೊ. ಜ಼ರ್ ಮಿ ಲಬಾಡ್ ಬೊಲತ್ ಆಸ್ಲೊತ ದೇವ್ ಮನಾ ಶಿಕ್ಷಾ ದಿವುನಿ. ಮನಾ ಹ್ಯೊ ಮಾನುಸ್ ಠಾವಾ ನಾಹಿ. " ಮನ್‍ಲ್ಹಾ. ತವಾಸ್ ಕೊಂಬ್ಡಾ ಬವಾಲಾ. 75 ತ್ಯೊ ಮನಾ ಕೊನ್‌ ತ್ಯೊ ಠಾವಾಸ್ ನಾಹಿ ಮನ್ಹುನ್ ಕೊಂಬ್ಡಾ ಬವಾಚೆ ಆಂದಿ ತು ತೀನ್ ಖೆಪಾ ಸಾಂಗ್ನಾರ್ ಮನ್ಹುನ್ ಆಪ್‌ಲ್ಯಾಲಾ ಯೇಸುನಿ ಸಾಂಗ್‌ಲ್ಯಾಲ ಪೇತ್ರಾನಿ ಯವಜು಼ನ್ ಬಾಹಿರ್ ಜಾವುನ್ ಖುಬ್ ದುಖಾನಿ ರಡ್ಲಾ.