ಮತ್ತಾಯ 4

ಯೇಸುನಿ ಚಾರ್ ಜಾ಼ನ್ ಮಾಸ ದರ್ಥ್ಯಾಲ್ಯಾನಾ ಹಾಕಟ್‌ಲ್ಯಾಲ

18 ಗಲಿಲಾಯ್ ಸಮಿಂದೋರಾಕ್ಡ ಯೇಸು ಫಿರತಾನಾ. ತ್ಯನಿ ಸಿಮೊನ್ ಹ್ಯಲಾಸ್ ಪೇತ್ರ ಮನ್ಹುನ್ ಹಕ್ಟಿತಾ. ಆನಿ ಸಿಮೊನಾಚಾ಼ ಬಾಹು ಆಂದ್ರೆಯಾಲಾ ಬಗ್ಲಾ ಹೆ ದೊಗ ಮಾಸ ದರ್ತ್ಯಾಲ ತ್ಯಾ ಸಮಿಂದೊರಾತ್ ಬಲಿ ಗಾಲ್ಹುನ್ ಮಾಸ ದರಿತ. 19 ಯೇಸು ತ್ಯನಾ "ಮಾಜೆ಼ ಮಾಗ್ನಿ ಯವಾ; ತುಮಿ ಲೊಕಾನಾ ದೇವಾಸಾಟಿ ಹಾಕಟ್ಯಾಲ ಕರ್ತೊ" ಮನ್ಲಾ 20 ತವಾಸ್ ಸಿಮೊನ್ ಆನಿ ಆಂದ್ರೇಯ್ ಆಪ್ಲಿ ಜಾ಼ಳಿ ಸುಡುನ್ ತ್ಯಚೆ ಮಾಗ್ನಿ ಗೆಲ.

21 ಯೇಸು ಗಲಿಲಾಯ್ ಸಮೀಂದೊರಾಚೆ ದರನಿ ಚಾ಼ಲತ್ ಜಾ಼ತಾನಾ ಜೆಬೆದಾಯಾಚ಼ ಲ್ಯಾಕ್ ಯಾಕೊಬ್ ಆನಿ ಯೊಹಾನ್ ಹ್ಯಾ ದೊಗಾ ಬಾವ್ಹಾನಾ ಬಗ್ಲ ತೇ ಆಪ್‍ಲ್ಯಾ ಬಾ ಜೆಬೆದಾಯಾಚೆ ಸಂಗ ವ್ಹಡಿತ್ ಹುತ್ತ ತೆ ಮಾಸ ದರಾಯಾ ಆಪ್ಲಿ ಜಾ಼ಳಿ ಶಾರ್ಕಿ ಕರೀತ್ ಹುತ್ತ. ತವಾ ಯೇಸುನಿ ತ್ಯನಾ ಹಾಕಟ್ಲ. 22 ತವಾಸ್ ತೆ ವ್ಹಡಿ ಆನಿ ಆಪ್‌ಲ್ಯಾ ಬಾಲಾ ಸುಡುನ್ ತ್ಯಚೆ ಮಾಗ್ನಿ ಗೆಲ.