1 ದುಸ್‌ರ‍್ಯಾಂಚಾ಼ ನ್ಯಾಯಿ ನಿವ್ಡು ನಕೊಸಾ. ತವಾ ದೇವ್ ತುಮ್‍ಚಾ಼ ನ್ಯಾಯಿ ನಿವ್ಡಿತ್ ನಾಹಿ. 2 ತುಮಿ ದುಸ್‌ರ‍್ಯಾಂಚಾ಼ ನ್ಯಾಯಿ ಕಸಾ ಕರ್ತಾಸಾ. ತಸಾಸ್ ತುಮ್‍ಚಾ಼ ನ್ಯಾಯಿ ವನ್ಹಾರ್. ತುಮಿ ಮ್ಯಾಪ್‌ಲ್ಯಾಲ್ಯಾ ಮಾಪಾನಿ ತುಮಾನಾ ಮ್ಯಾಪ್ನಾರ್. 3 "ತು ತುಜಾ ಡೊಳ್ಯಾತ್ಲ ಮುಸಾಳ್ ಬಗಾಚೆ ಆಂದಿ ತುಜಾ ಬಾವ್ಹಾಚಾ ಡೊಳ್ಯಾತ್ಲ ಕುಸಾಳ್ ಕಾ ಬಗ್ತೊಸ್? 4 ತುಜಾ ಡೊಳ್ಯಾತ್ಲ ಕುಸಾಳ್ ಮಿ ಬಾಹಿರ್ ಕ್ಯಾಡ್ತೊ ಮನ್ಹುನ್ ತುಜಾ ಬಾವ್ಹಾಲಾ ಸಾಂಗ್ತೊಸ್ ಕಾ? ಆಂದಿ ತುಜಾ಼ ಡೊಳಾ ಬಗ್! ತುಜಾ ಡೊಳ್ಯಾತ್ ಮುಸಾಳ್ ಆಜ಼ುನ್ ಹಾ. 5 ತು ಕಪ್ಟಿ! ತುಜಾ ಡೊಳ್ಯಾತ್ಲ ಮುಸಾಳ್ ಕ್ಯಾಡ್. ಮಂಜೆ ತುಜಾ ಬಾವ್ಹಾಚಾ ಡೊಳ್ಯಾತ್ಲ ಬ್ಯಾರ್ಕ ಕುಸಾಳ್ ಕಾಡಾಯಾ ತುಲಾ ಶಾರ್ಕ ದಿಸಲ್.

6 ಚಾ಼ಂಗ್ಲಾ ಜಿನೊಸ್ ಕುತ್‌ರ‍್ಯಾಂಚೆ ಮೊರ‍್ಹ ದಿವುನಕೊಸಾ, ಆನಿ ಚಾ಼ಂಗ್ಲಾ ಜಿನೊಸ್ ಡುಕ್ರಾಂಚೆ ಮೊರ‍್ಹ ಟಾಕುನಕೊಸಾ ಕಾ ಮಂಜೆ ತೀ ತ್ಯ ತುಡಿವ್ನಾರ್. ಆನಿ ತೀ ಮಾಗಾರಿ ಪರ್ತುನ್ ತುಮಾನಾ ಚಾವ್ನಾರ್.

7 "ಮಾಗಾ, ತವಾ ದೇವ್ ತುಮಾನಾ ದೇನಾರ್. ಸೋದಾ, ತವಾ ತುಮಾನಾ ದಿಸಲ್. ದಾರ್ ವಾಜ್ವಾ಼, ತವಾ ತುಮಾನಾ ಉಗಡ್ನಾರ್. 8 ವ್ಹಯ್, ಮಾಗ್ತೊ ತ್ಯಲಾ ದೆನಾರ್. ಸುದಿತ್ ರಾಥ್ಯಾಲ್ಯಾನಾ ದಿಸ್ನಾರ್, ವಾಜ್ವಿತ್ ರಾಥ್ಯಾಲ್ಯಾನಾ ದಾರ್ ಉಗಡ್ನಾರ್. 9 "ತುಮ್ಚಾ ಲೆಕಾನಿ ಬಾಕ್ರಿ, ಮಾಗ್ಲಿತ ದೊಂಡ ದೇನಾರ್ ಕ್ಯಾ? 10 ಮಾಸ ಮಾಗ್ಲತ, ಸಾಪ್ ದೇನಾರ್ ಕ್ಯಾ? 11 ತುಮಿ ಚಾ಼ಂಗ್ಲಿ ನವ್ಹಸಾ, ಬುರ್ಸಿ ಹಾಸಾ, ತುಮ್ಚಾ ಪೊರಾನಾ ಚಾ಼ಂಗ್ಲ ಜಿನೊಸ್ ದಿಯಾ ವ್ಹಯಿತ ಮನ್ಹುನ್ ತುಮಾನಾ ಠಾವ ಹಾ. ಆಸ ಆಸ್ಥಾನಾ ತುಮ್‍ಚಾ಼ ಸ್ವರ್ಗಾತ್ಲಾ ಬಾ ಸಾಹಿತ್ ಆಪ್ಲಿಪ ಮಾಗ್‌ತ್ಯಾಲ್ಯಾನಾ ಚಾ಼ಂಗ್ಲ ಜಿನೊಸ್ ಆನಿ ಖುಬ್ ದೇನಾರ್.

12 ತುಮಾನಾ ದುಸ್‌ರ‍್ಯಾಂಚಾನಿ ಕ್ಯಾ ಕರಾಯಾ ವ್ಹಯಿ ಮಂಥಾಸಾ ತ್ಯ ತುಮಿ ತ್ಯನಾ ಕರಾ. ಹ್ಯೊ ಮೊಶೆಚಾ ನೇಮಾಚಾ಼ ಆನಿ ಪ್ರವಾದಿಂಚಾ ಸಿಕಿವ್‌ನ್ಯಾಚಾ಼ ಅರ್ಥ.

13 ಆವಳ್ ದಾರಾನಿ ಜಾ಼ವಾ. ನಾಸಾಚೆ ವಾಟಚಿ ಮುಟಿ ದಾರ ಖುಬ್ ರುಂದ್ ಖುಬ್ ಲೊಕ ತ್ಯಾ ದಾರಾತ್ನಿ ಜಾ಼ತ್ಯಾತ. 14 ಫನ್ ಶಾಶ್ವತ್ ಜೀವ್ನಾಲಾ ಆಸ್‍ಲ್ಯಾಲ ದಾರ್ ಖುಬ್ ಆವಳ್. ವಾಟ್ ತರಾಸಾಚಿ. ಥೊಡ್ಯಾನಾ ತ್ಯವ್ಡಿಸ್ ತೀ ವಾಟ್ ಗಾವ್ನಾರ್.

15 ಲಬಾಡ್ ಪ್ರವಾದಿಂಚೆ ಗುಶ್ಟಿತ್ನಿ ಹುಶಾರ್ ರಾವ್ಹಾ. ತೇ ಮೇಂಡ್ರಾಂಚೆಗತ್ ದಿಸತ್ ತುಮ್ಚಿಪ ಯತ್ಯಾತ. ಫನ್ ತೇ ಕೂಳಿಸ್‍ನ್ಯಾಂಚೆಗತ್ ಖರ‍್ಯಾನಿಸ್ ಗಾತ್ಕಿ ಜಾ಼ಲ್ಯಾತ. 16 ತ್ಯಂಚೆ ಕರ್ತುಕಿನಿ ತುಮಿ ತ್ಯನಾ ಸಮಜು಼ನ್ ಗೇನಾರ್. ಕಾಟ್ಯಾಂಚೆ ಜಾ಼ಳಿತ್ ದರಾಕ್ಶಿ ಕಸಿ ಗಾವತ್ನಾಹಿ ತಸಸ್ ಚಾ಼ಂಗ್ಲ ಬುರ್‌ಶಾ ಲೊಕಾತ್ನಿ ಯಯಿತ್ ನಾಹಿ ಹುಂಬ್ರ ಕರ್ವಂದಿಚೆ ಜಾ಼ಳಿತ್ ಗಾವತ್ ನಾಹಿತ. 17 ತಸಸ್ ಪರತೇಕ್ ಚಾ಼ಂಗ್ಲ ಝಾ಼ಡ್ ಚಾ಼ಂಗ್ಲ ಫಳ್ ದೇತ ಬುರ್ಸ ಝಾ಼ಡ್ ಬುರ್ಸ ಪಳ್ ದೇತ. 18 ಚಾ಼ಂಗ್ಲ ಝಾ಼ಡ್ ಬುರ್ಸ ಫಳ್ ದಿಯಿತ್ ನಾಹಿ ಆನಿ ಬುರ್ಸ ಝಾ಼ಡ್ ಚಾ಼ಂಗ್ಲ ಫಳ್ ದಿಯಿತ್ನಾಯಿ. 19 ಆನಿ ಚಾ಼ಂಗ್ಲ ಫಳ್ ದಿಯಿತ್ ನಸ್ನಾರ ಪರತೇಕ್ ಝಾ಼ಡ್ ತುಡುನ್ ಇಸ್‌ಥ್ಯಾತ್ ಟ್ಯಾಕ್ನಾರ್. 20 ಹ್ಯಾ ಲಬಾಡ್ ಪ್ರವಾದಿನಾ ತೇ ಕರ್ತ್ಯಾಲ್ಯಾ ಕಾಮಾನಿಸ್ ತುಮಿ ಸಮಜು಼ನ್ ಗೆನಾರ್.

21 "‘ಪ್ರಭು ಪ್ರಭು’ ಮಂಥ್ಯಾಲಿ ಸಗ್ಳಿ ಸ್ವರ್ಗಾಚಾ ರಾಜಾತ್ ಜಾ಼ಯಿತ್ ನಾಹಿತ. ಸ್ವರ್ಗಾತ್ ಆಸ್‍ಲ್ಯಾಲ್ಯಾ ಮಾಜಾ ಬಾಚಾ ಮನಾ ಶಾರ್ಕ ಕರ್ತ್ಯಾಲ. ಸ್ವರ್ಗಾಚಾ ರಾಜಾತ್ ಜಾ಼ನಾರ್. 22 ನ್ಯಾಯಿ ನಿವ್ಡಾಚಾ ದಿಸಾತ್ ಖುಬ್ ಜ಼ನ ಮನಾ, ‘ಪ್ರಭು ಪ್ರಭು! ಪ್ರಭುಚಾ ನಾವಾಚಿ ಖಬರ್ ಸಾಂಗ್ಲಿ. ತುಜಾ ನಾವಾನಿ ಭುಥ ಸುಡಿವ್‌ಲ್ಯಾತ ಆನಿ ಖುಬ್ ಚಮತ್ಕಾರ್ ಕಿಲಿತ. ಮನ್ಹುನ್ ಸಾಂಗ್‍ತ್ಯಾತ. 23 ಫನ್ ಮಿ ತ್ಯನಾ, ‘ಧರ್ಮಾಚೆ ಅಡ್ವ ಆಸ್‍ಲ್ಯಾಲ್ಯಾನು, ತುಮಿ ಕೊನ್ ಮನ್ಹುನ್ ಮನಾ ಠಾವ ನಾಹಿ. ಮಾಜಿಪ್ನಿ ಚ಼ಲಾ’. ಮನ್ಹುನ್ ಖರ‍್ಯಾನಿ ಸಾಂಗ್ನಾರ್.

24 "ಮಾಜಾ ಹ್ಯಾ ಬೊಲ್ಯಾ ಐಕುನ್ ತ್ಯಂಚಿಗತ್ ಚಾ಼ಲತ್ಯಾಲಾ ಪರ್ತೆಕ್ ಜಾ಼ನ್ ಆಪ್ಲ ಘರ್ ಖಡ್ಕಾವ ಬ್ಯಾಂದ್‍ಲ್ಯಾಲ್ಯಾ ಶಾನ್ಯಾಚೆಗತ್ ಹಾ. 25 ಜೊ಼ರಾನಿ ಪಾವುಸ್ ಪಡುನ್ ಪಾನಿ ವರ್ ಯತ. ಚಾರಿಕ್ನಿ ವಾರ ಸುಟುನ್ ತ್ಯಾ ಗರ‍್ಹಾವ ಅದಾಳ್ತ ಫನ್ ತ್ಯ ಘರ್ ಖಡ್ಕಾವರ್ ಬ್ಯಾಂದ್‌ಲ್ಯಾಲ ಹಾ ಮನ್ಹುನ್ ತ್ಯ ಪಡ್ಲ ನಾಹಿ.

26 ಜೆ ಕೊನ್ ಮಾಜಾ ಬೊಲ್ಯಾ ಐಕುನ್ ತೆಂಚಿಗತ್ ಚಾ಼ಲನಸ್ನಾರಾ ಖುಳಾ ಜಾ಼ಲ್ಯಾ. ತ್ಯಾ ಖುಳ್ಯಾನಿ ವಾಳ್ವವ ಆಪ್ಲ ಘರ್ ಬ್ಯಾಂದ್ಲ. 27 ಜೊ಼ರಾನಿ ಪಾವುಸ್ ಪಡುನ್ ನ್ಹಲಾ ಪವುಡ್ ಆಲಾ, ಚಾರಿಕ್ನಿ ವಾರ ಸುಟ್ಟುನ್ ತ್ಯಾ ಗರ‍್ಹಾವ ಆದಾಳ್ಳ ತವಾ ತ್ಯ ಘರ್ ಧಾಪ್‌ಕ್ಯಾನಿ ಪಡ್ಲ. "

28 ಯೇಸುನಿ ಸಿಕಿವ್‌ಲ್ಯಾಲ್ಯಾ ಹ್ಯಾ ಗುಶ್ಟಿ ಐಕುನ್ ಲೊಕ ಖುಬ್ ಆಜಾಬ್ ಜಾ಼ಲಿತ. 29 ಕಾ ಮಂಜೆ ತ್ಯನಿ ಧರ್ಮ ಸಿಕಿವ್‌ತ್ಯಾಲ್ಯಾಂಚಿಗತ್ ಸಿಕ್ವಾಚ಼ ಸುಡುನ್ ಹುಕುಮ್ ಆಸ್‌ಲ್ಯಾಚೆಗತ್ ಸಿಕಿವ್ಲ.