Romanos 1

22 ತೀ ಲೊಕ ಆಪ್‌ಲ್ಯಾಲಾ ಶಾನಿ ಮನ್ಹುನ್ ಗೆಥ್ಯಾತ ಫನ್ ತೇ ಮುರ್ಕ್ ಜಾ಼ಲ್ಯಾತ.

23 ನಾಸ್ ವ್ಹಯಾಂಚೆ ಅಂದಿ ಆಸ್‌ಲ್ಯಾಲ್ಯಾ ದೇವಾಚಿ ಮೈಮಾ ತ್ಯಂಚಾನಿ ನಾಸ್ ವ್ಹನಾರ‍್ಯಾ ಮಾನ್ಸಾಂಚಾ, ಪಾಕ್ರಾಂಚಾ, ಜ಼ನಾವಾರಾಂಚಾ ಸರ್ಪಾಟ್ಯಾನಿ ಜಾ಼ತ್ಯಾಲ್ಯಾ ಜ಼ನಾವಾರಾಂಚಿ ಪಾಶಾನ ಕರುನ್ ತ್ಯನಾ ವವ್ಯಾಳಾಯಾ ಲಾಗ್ಲಿತ.

24 ಮನ್ಹುನ್ ತ್ಯಂಚಾನಿ ಮನಾತ್ಲೆ ಬುರ‍್ಸೆ ಆಸೆಂಚೆಗತ್ ಚಾ಼ಲುನ್ ಆಪ್ಲಿ ಆಪ್ಲಿ ಶರಿರ ಆಪಲ್ಯಾತುಸ್ ಮರ‍್ಯಾದ್ ಕಾಡುನ್ ಗಿಹುನ್ತ ಮನ್ಹುನ್ ದೇವಾನಿ ತ್ಯನಾ ಬುರ್ಶಾ ಕಾಮಾನಾ ಥರಿವ್ಲಿತ. 25 ತ್ಯಂಚಾನಿ ಖರ‍್ಯಾ ದೆವಾಲಾ ಸುಡುನ್ ಲಬಾಡಾಲಾ ದರ‍್ಹುನ್; ಸ್ರಶ್ಟಿ ಕೇಲ್ಯಾಲ್ಯಾ ದೆವಾಲಾ ಸುಡುನ್ ತ್ಯನಿ ಸ್ರಶ್ಟಿ ಕೆಲ್ಯಾಲೆ ಸ್ರಶ್ಟಿಚಿ ಪುಜಾ ಕರುನ್ ವವ್ಯಾಳಾಯಾ ಲಾಗ್ಲಿತ. ಫನ್ ಸ್ರಶ್ಟಿ ಕೇಲ್ಯಾಲಾ ದೇವ್ ಖಾಯಿಮ್ ವವ್ಯಾಳುನ್ ಗೆನ್ಹಾರ್. ಆಮೇನ್.

26 ತ್ಯಂಚಾನಿ ತಸ ಕೇಲ ಮನ್ಹುನ್, ದೇವಾನಿ ತ್ಯನಾ ಲಾಜ಼ಚಾ ಕಾಮಾನಾ ಸುಡುನ್ ದಿಲಿತ. ತ್ಯಂಚಾ ಬ್ಯಾಯ್ಕಾ ಸಾಹಿತ್ ಸಬಾವಾಚ಼ ಶಾರಿಕ್ ಸಂಬಂದ್ ಸುಡುನ್ ಸಬಾವಾಚೆ ಬಾಹಿರ್ಲಿ ಕಾಮ ಕರಾಯಾ ಲಾಗಲ್ಯಾ. 27 ತಸಸ್, ಗಡಿಬಿ ಬ್ಯಾಯ್ಕಾಂಚಿ ಸಂಗ ಶಾರಿರಿಕ್ ಸಂಬಂದ್ ಕರಾಚ಼ ಸುಡುನ್ ಆಪ್‌ಲ್ಯಾ ಆಪ್‌ಲ್ಯಾತುಸ್ ಸಲಿಂಗಕಾಮಿ ಜಾ಼ಲ್ಹ.ಲಾಜ಼ಗಿಡ ಜಾ಼ಲ್ಹ ಆಪ್ಲೆ ಬುರ್ಶೆ ಚಾ಼ಲ್ನುಕಿಲಾ ಶಾರ್ಕಿ ಸಿಕ್ಷಾ ತೆ ಆಪ್ಲಿವ ಗೆಥ್ಯಾತ.