Romanos 9

ದೇವ್ ಆನಿ ತ್ಯಚಿ ಮಾನ್ಸ

1 ಮೀ ಕ್ರಿಸ್ತಾಪ ಹಾ ಆನಿ ತುಮಾನಾ ಖರ ಸಾಂಗ್ತೊ. ಮಿ ಲಬಾಡ್ ಸಾಂಗಿತ್ ನಾಹಿ. ಮಾಜಾ ಯವಜ್ನಾ಼ ಪವಿತ್ರಾತ್‌ಮ್ಯಾನಿ ಚಾ಼ಲಿವ್ನಾರ‍್ಯಾಲಾ ಜಾ಼ಲೆ. ತೀಸ್ ಮಾಜಿ ಮನಾಚಿ ವಳಕ್. 2 ಮನಾ ಖುಬ್ ದುಖ್ ಹಾ ಆನಿ ಮಾಜಾ ಮಾನಾತ್ ಕವಾಬಿ ಪಿಡಾ ಹಾ. 3 ತೇ ಮಾಜ಼ ಭನ್ಹಿ ಭಾಹು ಜಾ಼ಲ್ಯಾತ; ಹೇ ದುನೆಚಾ ಕುಟ್ಮಾತ್ಲ ಜಾ಼ಲ್ಯಾತ. ತ್ಯನಾ ಮಜ಼ತ್ ಕರಾಯಾ ಕ್ರಿಸ್ತಾಲಾ ಸುಡುನ್ ಸರಾಪ್ ಗಿಯಾ ಆಸ ವ್ಹವು ಸಕ್ತ. 4 ತೀ ಇಸ್ರಾಯೇಲಾಚಿ ಲೊಕ ಜಾ಼ಲ್ಯಾತ. ತ್ಯನಾ ಆಪ್ಲಿ ಪೊರ ಮನ್ಹುನ್ ಕೆಲ್ಯಾತ ಆನಿ ಆಪ್ಲಿ ಮೈಮಾ ತ್ಯನಾ ದ್ಯಾವ್ಲೆ; ತ್ಯನಿ ತ್ಯಂಚಿ ಸಂಗ ಕರಾರ್ ಕೆಲ. ಆನಿ ಧರ್ಮಶಾಸ್ತಾರ್ ದಿಲ ತ್ಯಂಚಿಪ ಖರ‍್ಯಾಚಿ ಆರಾದಾನ್ ಹಾ; ತೀ ದೇವಾಚ಼ ವಾಗ್ದಾನ್ ಗೆತಲ್ಯಾಲಿ ಜಾ಼ಲ್ಯಾತ; 5 ತೇ ಆಮ್ಚಾ ಹಿಬ್ರಿಯಾ ವಡ್ಲಾಂಚಿ ಪಿಳ್ಗಿ ಜಾ಼ಲ್ಯಾತ; ಆನಿ ಮಾನ್ಸಾಚಾ ರುಪಾತ್ ಕ್ರಿಸ್ತ್ ತ್ಯಂಚಾ ಕುಳಾತ್ಲಾ ಜಾ಼ಲ್ಯಾ. ಸಗ್‍ಳ್ಯಾವ ರಾಜ಼್ ಭಾರ್ ಚಾ಼ಲಿವತ್ಯಾಲ್ಯಾ ದೇವಾಲಾ ಕವಾಬಿ ಸ್ತೊತ್ರ ವ್ಹವುನಿ! ಆಮೇನ್.

6 ಮೀ ಆಸ ಸಾಂಗಿತ್ ನಾಹಿ. ದೇವಾನಿ ಅಪ್ಲ ವಚ಼ನ್ ಪೂರ್ನ ಕೇಲ ನಾಹಿ ಮನ್ಹುನ್ ಸಾಂಗಿತ್ ನಾಹಿ ಇಸ್ರಾಯಾಲಾಚಿ ಸಗ್ಳಿ ಲೊಕ ಸಾಹಿತ್ ದೇವಾಚಿ ಲೊಕ ನವ್ಹತ. 7 ನಾಹಿತ ಅಬ್ರಹಾಮಾಚೆ ಪಿಳ್ಗಿತ್ಲಿ ಸಗ್ಳಿ ದೇವಾಚಿ ಪೊರ ನವ್ಹತ. ದೇವಾನಿ ಅಬ್ರಹಾಮಾಲಾ ಸಾಂಗ್ಲ ಮೀ ತುಲಾ ಸಬ್ದ ದೇತೊ ಇಸಾಕಾಪ್ನಿ ಯತ್ಯಾಲಿ ಪಿಳ್ಗಿ ತ್ಯವ್ಡಿಸ್ ತುಜಿ. 8 ಹ್ಯಚಾ಼ ಅರ್ಥ ಕ್ಯಾ ಮಂಜೆ ಶರಿರಾಚಾ ಸಮಂದಾನಿ ಜ಼ಲಾಮ್‌ಲ್ಯಾಲಿ ಸಗ್ಳಿ ದೇವಾಚಿ ಪೋರ ನವ್ಹತ. ವಾಗ್ದಾನಾನಿ ಜ಼ಲಾಮ್‌ಲ್ಯಾಲಿ ದೇವಾಚಿ ಪೋರ ಖರಿ ಪಿಳ್ಗಿ ಜಾ಼ಲೆ. 9 ಕಾ ಮಂಜೆ ದೇವಾನಿ ತ್ಯಲಾ, "ನೇಮಸ್‌ಲ್ಯಾಲ್ಯಾ ಕಾಲಾತ್ ಮೀ ಮಾಗಾರಾ ಪರಾತ್ತೊ. ತವಾ ಸಾರಳಲಾ ಯೋಕ್ ಲ್ಯೊಕ್ ರಾನ್ಹಾರ್. " ಮನ್ಹುನ್ ವಾಗ್ದಾನ್ ಕೇಲ.

10 ತ್ಯವ್ಡಸ್ ನವ್ಹ. ರೆಬೆಕಾಲಾಬಿ ದೋಗ ಪ್ಯೊರ್ಗ ಹುತ್ತ. ತ್ಯಾ ದೊಗಾನಾಬಿ ಯೋಕುಸ್ ಬಾ. ತ್ಯೊಸ್ ಆಮಚಾ಼ ವಡಿಲ್ ಜಾ಼ಲ್ಯಾಲಾ ಇಸಾಕ್. 11 ತೇ ದೋಗ ಪ್ಯೊರ್ಗ ಜ಼ಲ್ಮಾಚೆ ಆಂದಿ ನಾಹಿತ ಚಾ಼ಂಗ್ಲ ನಾಹಿತ ಬುರ್ಸ ಕರಾಚೆ ಆಂದಿ ದೇವಾನಿ ಆಪ್‍ಲ್ಯಾ ಉದ್ದೆಶಾಲಾ ನಿವಡ್‍ಲ್ಯಾಲೆಸಾಟಿ ಆಸ ಸಾಂಗ್ಲ. 12 ತೇ ಕರ್ತ್ಯಾಲ್ಯಾ ಕಾಮಾಸಾಟಿ ತ್ಯನಾ ಹಾಕಟ್ಲ ನಾಹಿತ. ತ್ಯಂಚಾ ಹಾಕಟ್‍ನ್ಯಾ ಸಾಟಿ ತ್ಯನಿ ತಿಲಾ, "ಥೊರ್ಲಾ ದಾಕ್‍ಟ್ಯಾಚಿ ಸೇವಾ ಕರ್ನಾರ್" ಮನ್ಹುನ್ ಸಾಂಗ್ಲ. 13 ತಸಸ್, ಮೀ ಯಾಕೊಬಾಚಿ ಮಾಯಾ ಕಿಲಿ ಫನ್ ಏಸಾವಲಾ ವಿರೊದ್ ಕೇಲಾ. ಮನ್ಹುನ್ ಪವಿತ್ರ ಗ್ರಂಥ ಸಾಂಗ್ತ.

14 ತಸ ಜಾ಼ಲ್ಯಾವ ಆಮಿ ದೇವಾಲಾ ಅನೆವ್ ಕರ್ತ್ಯಾಲಾ ಮನ್ಹುನ್ ಸಾಂಗಾಯಾ ವ್ಹಯಿಲ್ ಕ್ಯಾ? ಖರ‍್ಯಾನಿಸ್ ನಾಹಿ. 15 ಕಾ ಮಂಜೆ ದೇವಾನಿ ಮೊಶೆಲಾ ಮೀ ಕುನಾಲಾ ಕರುನಾ ದಾವಾಯಾ ವ್ಹಯಿ ಮಂಥೊ ತ್ಯಲಾಸ್ ಕರುನೆ ದ್ಯಾವ್ನಾರ್ ಮೀ ಕುನಾಲಾ ಕನಿಕಾರ್ ದಾವಾಯಾ ವ್ಹಯಿ ಮಂಥೊ ತ್ಯನಾಸ್ ಕನಿಕಾರ್ ದ್ಯಾವ್ನಾರ್ ಮನ್ಹುನ್ ಸಾಂಗ್ಲ. 16 ಆಸ ಆಸ್ಥಾನಾ ಸಗ್ಳ ಮಾನ್ಸ ಜಾ಼ಲ್ಯಾಲಿ ಆಮಿ ಕ್ಯಾ ಕರ್ತ್ಯಾವ್ ನಾಹಿತ ಆಮಾನಾ ಕ್ಯಾ ವ್ಹಯಿ ಮಂಥ್ಯಾಲ್ಯಾವ ಆಧಾರ್ ನಾಹಿ. ಫನ್ ನಿಸ್ಥ ದೇವಾಚಾ ಕರುನಾವ ಆಧಾರ್ ವ್ಹವುನ್ ಹಾ. 17 ಪವಿತ್ರ ಪುತಿಕಾತ್ ದೇವಾನಿ ಈಜಿಪ್ತಾಚಾ ರಾಜಾಲಾ, "ಮಿ ತುಲಾ ಮಾಜ಼ ಬಳ್ ದಾವಾಯಾ ವ್ಹಯಿ ಮನ್ಹುನ್ ಮಾಜ಼ ನಾವ್ ದುನೆತ್ ಸಗ್ಳ ಪಗಳಾಯಾ ವ್ಹಯಿ ಮನ್ಹುನ್ ತುಲಾ ರಾಜಾ಼ ಕೇಲ್ಯಾ. ಮನ್ಹುನ್ ಸಾಂಗ್ಲ 18 ಮನ್ಹುನ್ ದೇವ್ ಕುನಾಲಾ ಕರುನೆ ದಾವಾಯಾ ವ್ಹಯಿ ಮಂಥೊ ತ್ಯಲಾ ಕರುನೆ ದ್ಯಾವ್ತೊ. ದೇವ್ ಕುನಾಲಾ ಹಠೊಳಾ ಕರಾಯಾ ವ್ಹಯಿ ಮಂಥೊ ತ್ಯಲಾಸ್ ಹಠೊಳಾ ಕರ್ತೊ.

ದೇವಾಚಾ಼ ರಾಗ್ ಆನಿ ದಯಾ

19 ಫನ್, ತುಮ್ಚಾತ್ಲಾ ಕೋನ್ ತರಿ ಮನಾ, "ಆಸ ಆಸ್ಥಾನಾ, ಕೋನ್ ತರಿ ಚು಼ಕಿತ್ ಹಾ ಮನ್ಹುನ್ ಕಸಾ ಶೊದ್ನಾರ್? ದೇವಾಚಾ ಸಬ್ದಾಲಾ ಆಡ್ವಾ ಯನಾರಾ ಕೋನ್? 20 ಫನ್, ಯೇ ಮಾನ್ಸಾ ದೇವಾಲಾ ಆಡ್ವ ಬೊಲಾಯಾ ತು ಕೋನ್? ಯಕಾ ಮಾತಿಚಾ ಮೊಗ್ಯಾನಿ ಆಪ್‍ಲ್ಯಾಲಾ ಘಡಿವಲ್ಯಾಲ್ಯಾಲಾ ತು ಮನಾ ಆಸ ಘಡಿವ್ಲಸ್ ಕಾ ಮನ್ಹುನ್ ಇಚಾರಾಲಾ ವ್ಹಯಿಲ್ ಕ್ಯಾ? 21 ಕುಂಬಾರ್ ಆಪ್‌ಲ್ಯಾಲಾ ಮನ್ ಯಯಿಜೊ಼ಗ ಯಕಾಸ್ ಮಾತಿಚಾ ಉಂಡ್ಯಾನಿ ದುಸ್ರಿ ದುಸ್ರಿ ಗ್ಯಾಡ್ಗಿ ಘಡ್ವಿತ್ ನಾಹಿ ಕ್ಯಾ? ತ್ಯೊ ಯಾಕ್ ಚಾಂಗಲ್ಯಾ ಕಾಮಾಲಾ ವಾಪ್ರಾಯಾ ಆನಿ ಯಾಕ್ ಕಸ್‍ಲ್ಯಾಬಿ ಕಾಮಾಲಾ ವಾಪ್ರಾಯಾ ಸಾಟಿ ಘಡಿವ್ತೊ.

22 ದೇವಾನಿ ಕೇಲ್ಯಾಲ ಸಾಹಿತ್ ಹ್ಯಸ್. ತ್ಯೊ ಆಪ್ಲಾ ರಾಗ್ ದಾವುನ್, ಆಪ್ಲ ಬಳ್ ಲೋಕಾನಾ ದಾವಾಯಾ ವ್ಹಯಿ ಮನ್ಲಾತ. ತ್ಯೊ ಆಪ್‍ಲ್ಯಾ ರಾಗಾತ್ ಗಾಹುನ್ ನಾಶ್ ವ್ಹತ್ಯಾಲ್ಯಾ ಲೋಕಾನಾ ಖುಬ್ ಥಂಡ್ಪನಾನಿ ಸುಸ್ವುನ್ ಗಿತ್ಲಿತ. 23 ದೇವಾನಿ ಆಪ್ಲಿ ಪುಸ್ಕಳ್ ಮೈಮೆ ದಾವಾಯಾ ವ್ಹಯಿ ಮನ್ಹುನ್ ಥಂಡ್ಪನಾನಿ ವಾಟ್ ಬಗಿತಾ. ಆಪ್ಲಿ ಕರುನಾ ಗೆತಲ್ಯಾಲ್ಯಾ ಲೋಕಾನಾ ದೇವಾನಿ ತೀ ಮೈಮಾ ದಿಯಾ ವ್ಹಯಿ ಮನ್ಲಾ. ಆಪ್ಲಿ ಮೈಮಾ ಗಿಹ್ಯಾ ವ್ಹಯಿ ಮನ್ಹುನ್ ದೇವಾನಿ ತ್ಯಾ ಲೋಕಾನಾ ತಯಾರ್ ಕಿಲಿತ. 24 ಕಾ ಮಂಜೆ ತ್ಯನಿ ಹಾಕಟ್‍ಲ್ಯಾಲ್ಯಾಲಿ ಲೋಕ ಆಮಿಸ್. ದೇವಾನಿ ಆಮಾನಾ ಯೆಹುದ್ಯಾತ್ನಿ ತ್ಯವ್ಡಸ್ ನವ್ಹ ಯೆಹುದಿ ನಸ್‍ಲ್ಯಾಲ್ಯಾತ್ನಿಬಿ ಹಾಕ್ಟಿತ. 25 ಪವಿತ್ರ ಗ್ರಂಥಾಚ಼ ಹೋಶಯಚ಼ ಪುಸ್ತಕ್ ಹೇ ತರನಿ ಲಿವ್‌ಲ್ಯಾ.

"ಮಾಜಿ ನಸ್‌ಲ್ಯಾಲಿ ಲೋಕ

ಮಾಜಿ ಲೋಕ ಮನ್ಹುನ್ ಸಾಂಗ್ತೊ.

‘ಮಾಜಿ ಮಾಯೆಚಿ ನಸ್‌ಲ್ಯಾಲ್ಯಾನಾ

ಮಾಜೆ ಮಾಯೆಚಿ ಮನ್ಹುನ್ ಸಾಂಗ್ನಾರ್’ ಹೋಶಯ 2:23

26 ಆನಿ

ಕಚಾ ಜಾ಼ಗ್ಯಾತ್,

‘ತುಮಿ ಮಾಜಿ ಲೋಕ ನವ್ಹಸಾ ಮನ್ಹುನ್ ಸಾಂಗ್‍ಲ್ಯಾ ತ್ಯಾಸ್ ಜಾ಼ಗ್ಯಾವ ತ್ಯನಾ ಜೀವ್ ಆಸ್ನಾರ‍್ಯಾ ದೇವಾಚಿ ಪೋರ" ಮನ್ಹುನ್ ಹಾಕಟ್ನಾರ್.

27 ತ್ಯವ್ಡಸ್ ನವ್ಹ ಯೇಶಾಯನಿ ಇಸ್ರಾಯಲಾಚೆ ಗುಶ್ಟಿತ್ ವರ್ಡುನ್ ಸಾಂಗ್‌ಲ್ಯಾ.

"ಸಮಿಂದೊರಾಪ ಆಸ್‌ಲ್ಯಾಲೆ ವಾಳ್ವಚೆಗತ್ ಇಸ್ರಾಲ್ ಲೆಖ್ಯಾತ್ ನಸ್‌ಲ್ಯಾಲಿ ಜಾ಼ಲ್ಯಾತ.

ಫನ್ ತ್ಯಾ ಲೋಕಾತ್ ಥುಡಿ ತ್ಯವ್ಡಿಸ್ ರಕ್ಶನ್ ಗೆನಾರ್;

28 ವ್ಹಯ್ ಪ್ರಭು ಧರ್ಥಿವ್‌ಲ್ಯಾ ಲೋಕಾನಾ ಆಪ್ಲಿ ಬುಲಿ ಪಾಟ್‍ಕ್ಯಾನಿ ಕರುನ್ ಸುಪಿವ್ನಾರ್. "

29 ಹ್ಯ ಕಸ ಮಂಜೆ ಯೇಶಾಯನಿ ಆಂದಿ ಸಾಂಗ್‍ಲ್ಯಾ ಶಾರ್ಕ:

"ಸರ್ವ ಶಕ್ತ ಜಾ಼ಲ್ಯಾಲ್ಯಾ ಪ್ರಭುನಿ ಆಮ್ಚಿಸಾಟಿ ಥೊಡ್ಯಾ ಪಿಳ್ಗಿತ್‍ಲ್ಯಾನಾ ಥೆವ್ಲ ನಸ್ಥತ.

ತ್ಯನಿ ಆಸ ಕೇಲ್ಯಾ ನಸ್‌ಲ್ಯಾವ

ಆಮಿ ಸದೋಮಾಚೆಗತ್

ಗೊಮೊರಾಚೆಗತ್ ರಾಹಿತಾವ್. "

ಇಸ್ರಾಲ್ ಸಾಟಿ ಪೌಲಾಚ಼ ಮಾಗ್ನ

30 ಹ್ಯಚಾ಼ ಅರ್ಥ ಕ್ಯಾ ಮಂಜೆ, ಯೆಹುದ್ಯ ನಸ್‌ಲ್ಯಾಲಿ ನೀಯತಿಚಿ ವ್ಹಯಾ ಯತ್ನ ಕರಿತ್ ನವ್ಥಿತ. ತೇ ಇಸ್ವಾಸಾನಿ ತ್ಯಚಿ ಸಂಗ ನೀಯತಿಚಿ ಜಾ಼ಲಿತ. 31 ತ್ಯಾಸ್ ಯಳಾಲಾ ಇಸ್ರಾಯೆಲಾಚಿ ಲೋಕ ಆಪ್‍ಲ್ಯಾಲಾ ನಿಯತಿಚಿ ಕರಾಯಾ ಯೊಕ್ ನಿಯಮ್ ಸುದಿತ ಫನ್ ತ್ಯ ತ್ಯನಾ ಗಾವ್ಲ ನಾಹಿ. 32 ತ್ಯನಾ ಕಾ ಗಾವ್ಲ ನಾಹಿ? ಕಾಮಾನಿ ನೀಯತಿಚಿ ವ್ಹಯಾಲಾ ತ್ಯಂಚಾನಿ ಯತ್ನ ಕಿಲಿತ ಫನ್ ಇಸ್ವಾಸಾಚಾ಼ ಅದಾರ್ ಕೆಲಾ ನಾಹಿ. ಲೊಕ ದೊಂಡ್ಯಾಚಿ ಠ್ಯಾಸ್ ಲಾಗುನ್ ಪಡ್ಲಿತ. 33 ಪವಿತ್ರ ಪುತಿಕ್ ತ್ಯಾ ಧೊಂಡ್ಯಾಚೆ ಗುಶ್ಟಿತ್ ಆಸ ಸಾಂಗ್ತ.

"ಹಬಕ್, ಮೀ ಸಿಯೋನಾತ್ ಯೋಕ್ ದೊಂಢಾ ಥೆವ್ತೊ.

ಹ್ಯಾ ದೊಂಡ್ಯಾನಿ ಲೋಕ ಠ್ಯಾಸ್ ಲಾಗುನ್ ಪಡ್ನಾರ್.

ಫನ್ ತ್ಯಾ ದೊಂಡ್ಯಾವ ಇಸ್ವಾಸ್ ಥೆವ್ನಾರಾ ಕಂದಿಸ್ ಫಸ್ನಾರ್ ನಾಹಿ."