1 ತುಮ್ಚಿಪ ಕಳಿ ಬಾಂಡ್ನ, ಕುಟ್ನಿ ಯತ್ಯಾತ? ತುಮ್ಚಾ ಶರೀರಾನಿ ದಾವ್‍ತ್ಯಾಲ ಲಡತ್ಯಾಲ ಮನಾಚಾ ಬಾವ್ಹಾನಿ ಬುರ್ಶೆ ಆಶೆನಿ ಯತ ನವ್ಹ? 2 ತುಮ್ಚಾ ಮನಾತ್ ಆಸ್‍ಲ್ಯಾಲ ತುಮಾನಾ ಗಾವ್ಲನಾಹಿ. ತುಮಿ ಖುನ್ ಕೆಲಾಸಾತರಿ, ಖೊಟಪನ್ ಕೆಲಸಾತರಿ ಮನಾತ್ ಆಸ್‍ಲ್ಯಾಲ ಮಿಳ್ವಾಯಾ ಜಾ಼ಲ್ಹನಾಹಿ; ತುಮಿ ಜೊ಼ಂಬ್ತಾಸಾ, ಕಳಿ ಕರ್ತಾಸಾ. ಫನ್ ತುಮಿ ದೇವಾಪ ಮಾಗತ್ನಾಹಿಸಾ ಮನ್ಹುನ್ ತುಮಾನಾ ಕಾಯ್ ಗಾವತ್ನಾಹಿ. 3 ತುಮಿ ಮಾಗ್ಲಸಾತರಿ ಮಾಗ್‍ಲ್ಯಾಲ ತುಮ್ಚಾ ಸುಕಾಸಾಟಿ ವಾಯಿಟ್ ತರನಿ ವಾಪರ್ಲ್ಯಾಲ್ಯಾನಿ ಮಾಗ್ತಾಸಾ ಮನ್ಹುನ್ ತುಮಾನಾ ಮಿಳತ್ನಾಹಿ. 4 ವ್ಯಭಿಚಾರಿನು, ಹೆ ದುನೆಚ಼ ಸುಪ್ತಿಫನ್ ದೇವಾಲಾ ಆಡ್ವ ಮನ್ಹುನ್ ತುಮಾನಾ ಠಾವ ನಾಹಿಕ್ಯಾ? ಮನ್ಹುನ್ ದುನೆಚಾ಼ ಸುಪ್ತಿ ವ್ಹಯಾವ್ಹಯಿ ಮಂತ್ಯಾಲಾ ಆಪ್‍ಲ್ಯಾಲಾ ದೇವಾಚಾ಼ ವಾದಿ ಕರುನ್ಗೆತೊ. 5 ದೇವಾನಿ ಆಮ್ಚಿಪ ಥೆವ್‍ಲ್ಯಾಲ ಪವಿತ್ರಾತ್ಮ ಮರೆದಿನಿ ಆಸೆನಿ ಆಮ್ಚಿಸಾಟಿ ಮನಾನಿ ದರ್ಮಶಾಸ್ತಾರ್ ನಿಸ್ತ ಬೊಲ್ನ ತ್ಯವ್ಡಸ್ ಮನ್ಹುನ್ ತುಮಿ ಸಮಜು಼ನ್ ಗೆತಾಸಾಕ್ಯಾ? 6 ತ್ಯೊ ಆಮಾನಾ ಖುಬ್ ಕ್ರಪಾ ದೆನಾರ್. ಮನ್ಹುನ್, ದೇವ್ ಬಡಾಯಿಚಾನಾ ವಾದಿಜಾ಼ಲ್ಯಾ, ಗರಿಬಾನಾ ಕರ್ನಾದ್ಯಾವ್ನಾರ್ ಮನ್ಹುನ್ ಧರ್ಮಶಾಸ್ತಾರ್ ಸಾಂಗ್ತ.

7 ಆಸ ಆಸ್ತಾನಾ ತುಮಿ ದೇವಾಸಂಗ ರಾಹುನ್ ಸೈತಾನಾಲಾ ಆಡ್ಯಾವಾ, ತವಾ ತ್ಯೊ ತುಮಾನಾ ಸುಡುನ್ ಪಳುನ್ ಜಾ಼ಯಿಲ್. 8 ತುಮಿ ದೇವಾಪ ಯವಾ, ತವಾ ತ್ಯೊ ತುಮ್ಚಿಪ ಯಯಿಲ್. ಪಾಪಿನು, ತುಮ್‍ಚ಼ ಹಾತ್ ದುವ್ಹಾ; ಕಪ್ಟಿನು ತಿಮ್ಚಿ ಮನ ನಿರ್ಮಳ್ಕರಾ. 9 ರಡಾ, ಲೊಳಾ, ದುಖಗಾಳಾ; ತುಮಚ಼ ಹಾಸ್ನ ಸುಡುನ್ ಪ್ರಭುಚೆ ಕ್ರಪೆಸಾಟಿ ಲುಳುನ್ ಮಾಗಾ. ತುಮಚಾ಼ ಲೊಕಾತ್ಲಾ ಸಂತೊಶ್ ಸುಡುನ್ ಪ್ರಬುಲಾ ಗಿಹ್ಯಾ ಯತ್ನ ಕರಾ. 10 ಪ್ರಭುಚೆ ಮೊರ‍್ಹ ತುಮಿ ಬಾರಿಕ್‍ ವ್ಹವಾ; ತವಾ ತ್ಯೊ ತುಮಾನಾ ವರ್ ಉಚ಼ಲ್ನಾರ್.

11 ಬನ್ಹಿ ಬಾವ್ಹಾನು ಯಕಾಮಕಾಚಿ ನಿಂದಾ ಕರು ನಕೊಸಾ. ಕಚಾನಿತರಿ ಆಪ್‍ಲ್ಯಾ ಬಾವ್ಹಾಚಿ ನಿಂದಾ ಕಿಲಿತ ನಾಹಿತ ಆಪ್‍ಲ್ಯಾ ಬಾವ್ಹಾಚೆ ಗುಸ್ಟಿತ್ ನ್ಯಾಯಿ ನಿವಡ್ಲಾತ ತ್ಯನಿ ದರ್ಮಶಾಸ್ತಾರಾಚಿ ನಿಂದಾ ಕರುನ್ ತ್ಯಚೆ ಗುಸ್ಟಿತ್ ತಿರ್ಮಾನ್ ಕೆಲ್ಯಾವ ತು ನ್ಯಾಯಿನಿವಡ್ನಾರಾ ವ್ಹನಾರ್ ನಾಹಿತ ತ್ಯ ಪ್ಯಾಳ್‍ತ್ಯಾಲಾ ನವ್ಹಸ್. 12 ದರ್ಮ ಶಾಸ್ತಾರ್ ದಿಲ್ಯಾಲಾ ನ್ಯಾಯಾದಿಪತಿ ಯೊಕುಸ್; ತ್ಯೊಸ್ ಉರಿವ್ನಾರಾ ಆನಿ ನಾಸ್ ಕರ್ನಾರಾ. ಆಸ ಆಸ್ತಾನಾ ತುಜಾ ಸೆಜಾ಼ರ‍್ಯಾಚೆ ಗುಸ್ಟಿತ್ ನ್ಯಾಯಿ ನಿವಡಾಯಾ ತು ಕೊನ್?

13 ಆಜ಼್ ನಾಹಿತ ಸಕಾಳ್ ಆಮಿ ಆಸ್ಲೆ ಪೆಠತ್ ಜಾ಼ವುನ್ ತಿಥ ಎಕ್ ವರಿಸ್ ರಾಹುನ್ ಯಾಪಾರ್ ಕರುನ್ ಲಾಬಾ ಗೆಥಾವ್ ಮಂಥ್ಯಾಲ್ಯಾನು ಐಕಾ.ಯವಾರ್‍ದಾರ್ ಆನಿ ಗೆನ್ಹಾರ‍್ಯಾಂಚಾ಼ ಜಾ಼ಗಾ 14 ಸಕಾಳ್ ಕ್ಯಾ ವ್ಹನಾರ್ ಮನ್ಹುನ್ ತುಮಾನಾ ಠಾವ ನಾಹಿ. ತುಮ್‍ಚಾ಼ ಜಿವ್ನಾ ಕಸ್ಲಾ? ತುಮಿ ಥೊಡಾ ಯೊಳ್ ದಿಸುನ್ ಮಂಗ್ ದಿಸ ನಸ್ನಾರೆ ವಾಪ ಸಾರಿ ಹಾಸಾ. 15 ಮನ್ಹುನ್ ತುಮಿ ತೆ ಸಬಾತ್ ಸುಡುನ್ ದೆವಾಚ಼ ಮನ್ ಆಸ್ಲತ ಆಮಿ ಜ಼ಗುನ್ ಹ್ಯ ಆನಿ ತ್ಯ ಕಾಮ್ ಕರ್ತಾವ್ ಮನ್ಹುನ್ ಸಾಂಗಾವ್ಹಯಿಸಾ. 16 ಖರ ತುಮಿ ತುಮ್ಚೆ ಬಡಾಯಿನಿ ತುಮ್ಚೆ ಗುಸ್ಟಿತ್ ವವ್ಯಾಳುನ್ ಗೆಥಾಸಾ. ತಸ್ಲ ವವ್ಯಾಳ್ನ ಬುರ್ಸ ಜಾ಼ಲ್ಯಾ. 17 ಮನ್ಹುನ್ ಚಾ಼ಂಗ್ಲ ಕರಾಯಾ ವ್ಹಯಿ ಮನ್ಹುನ್ ಠಾವ ಆಸುನ್ ತ್ಯ ಕರಾಚೆ ಆಂದಿ ರಾಥ್ಯಾಲಾ ಪಾಪ್ ಕರ್ತ್ಯಾಲಾ ಜಾ಼ಲ್ಯಾ.