कुरिन्थुस की मंडली मे फुट
10 हे भैइहोन अरु बहीन, मी तुम से यीशु मसीह जो हमारो प्रभु हइ ओका नाम का द्वारा प्रार्थना करुस हइ, कि तुम सब एक ही बात बोलनु अरु तुम मे फूट नी हो, पर एक ही मन अरु एक ही मत हुइखे मील्या र्हेनु. 11 क्युकि हे मरा भैइहोन, खलोए का घराना का इन्सानहोन ने मेखे तुमारा बारे मे बतायो हइ, कि तुम मे झगडा हुइ र्हा हइ.
12 मरो बोलन को मतलब यो हइ, कि तुम मे से कोय तो अपना आप खे "पौलुस को," कोय "अपुल्लोस को," कोय "कैफा को," कोय "मसीह को" बोलस हइ. 13 का मसीह बठी गयो? का पौलुस तुमारा लिये क्रुस पर चडायो गयो? या तुमखे पौलुस का नाम पर बपतिस्मा मील्यो?