मसीह की शक्ति अरु परमेश्वर को ज्ञान
18 क्युकि क्रुस की कथा खत्म होनआला का पास बेवकुप हइ, पर हम उध्दारपानआला का पास परमेश्वर की सामर्थ्य हइ. 19 क्युकि लिख्यो हइ.
"मी ज्ञानवान को ज्ञान खे खत्म कर्यु,
अरु समझदारहोन खे समझ खे तुच्छ करी दियु."1:19 यशया 29:14
20 खा र्हियो ज्ञानवान? खा र्हियो शास्त्री? खा र्हियो यो संसार को विवादी? का परमेश्वर ने संसार का ज्ञान खे बेवकुप नी ठैइरायो? 1:20 रोमीयो 1:22 21 क्युकि जब परमेश्वर का ज्ञान खे अनुसार संसार ने ज्ञान से परमेश्वर खे नी जान्यो ते परमेश्वर खे यो अच्छो लग्यो कि यो प्रचार का बेवकुप का द्वारा विश्वास करणआला खे उध्दारदे.
22 यहूदी तो चिन्ह चाहस हइ, अरु यूनानी ज्ञान का खोज मे हइ, 23 पर हम तो उ क्रुस पर चडाया हुया मसीह को प्रचार करस हइ जो यहूदीहोन का पास ठोकर का कारण अरु गैरयहूदीहोन का पास बेवकुप हइ. 24 पर जो बुलायो हुया हइ का यहूदी, का यूनानी, उनका पास मसीह परमेश्वर को सामर्थ्य, अरु परमेश्वर को ज्ञान हइ. 25 क्युकि परमेश्वर की बेवकुप इन्सानहोन का ज्ञान से ज्ञानवान हइ. अरु परमेश्वर की बिनाताखत आलो इन्सानहोन का बल से भोत बलवान हइ.