1 हमारो भैइ तीमुथियुस अरु मी पौलुस का तरप से जो प्रभु यीशु मसीह का लिये बन्दी बन्यो, हमारो प्रिय दोस्त सहकर्मी फिलेमोन, 2 अरु भैइन अफफिया, अरु हमारो साथ योध्दो अरखिप्पुस अरु फिलेमोन का घर मे जमा होन आली मंडली खे ✝

3 हमारो बाप परमेश्वर अरु प्रभु यीशु मसीह का तरप से अनुग्रह अरु शांती तुम खे मील्हे.

4 भैइ फिलेमोन, कभी भी परमेश्वर को धन्यवाद करस हइ. अरु अपनी प्रार्थनाहोन मे भी तोखे याद करस हइ. 5 क्युकी मी परमेश्वर का प्रती तुम्हारो प्रेम अरु प्रभु यीशु मसीह मे तुम्हारो विश्वास का विषय मे सुनस हइ, 6 मी प्रार्थना करुस हइ कि तुम खे विश्वास का बाटना मे तत्पर बन्यो रीहे जेका से यीशु मसीह मे हमारी एकता का वजेसे सब अच्छी बात कि तुम खे पुरी रिती से ज्ञान हुये. 7 क्युकी हे भैइ काम से तरा प्यार से भोत खुशी अरु प्रोत्साहन मीलस येका लिये की तरा से पमेश्वर कि दुन्या को मन आनन्दित हुइ गयो हइ.

8 येका लिये की मेखे मसीह मे भैइ होन को नातो जो तुम खे करणु चाहिये उ बतान कि हिम्मत से बतान को अधिकार मरा मे हइ. 9 फिर भी यीशु प्रेम करना मे अगर पौलुस का लिये जो अब मसीह का लिये कैदी हय यो ठिक जानी पड्यो की अरु तरा से प्रार्थना कर. 10 ते मी उनेसिमुस का तरप से तरासे प्रार्थना करस हुये खे जो मसीह मे मरो बेटो हइ अरु जब मी जेलखाना का टेम मे मी ओको आत्मीक बाप बन्यो.✝ 11 उ ते पैयले तरो कुछ काम को नी थो, पर अब तरो अरु मरो दोय को खुप मदत करणु हइ.

12 ओखे जब जो मरो दिल को टुकडो हइ मेने ओखे तरा पास लोटय दियो हइ. 13 ओखे मी अपना हि पास रखनू चातो थो कि तरा तरप से उ बन्धन मे जो सुसमाचार करस हइ, तरा जगत पर मरी सेवा कर. 14 पर मेने तरी इच्छा का बिना कुछ भी करणु नी चायु, कि तरी या कृपा दबाव से नी पर इच्छा से हुये.

15 शायद वा तरा से कुछ दिन तक का लिये यो कारण अलग हुयो कि सदा तरा पास ऱ्हेस. 16 पन अब से गुलाम जसो नी, जब गुलाम से भी अच्छो काम अत्यन्त प्रिय भैइ का समान ऱ्हेस, जो आंग मे भी अरु अधिक तरा प्रभु मे भी मरो हुये.

17 येका लिये अगर तु मेखे हिस्सेदार समझस हइ, ते ओखे यो प्रकार ग्रहण कर जसो मेखे. 18 अरु अगर ओने तरो कुछ हानी कऱ्यो हइ यो ओका उपर तरी कुछ आस हइ ते मरा नाम पर लिखी ले. 19 मी पौलुस अपना हात से लिखस हुये कि मी खुद भरी दियु. अरु मेखे यो कुछ बतान की आकुल्यकता नी कि तु तो मरो जिवन भर का लिये मरो कर्जदार हइ. 20 हे भैइ काम खे तरा से यीशु मसीह मे यो लाभ मील्यो हुये की मरा दिल खे ताजगी मीलस.

21 मी नीश्चित हुइ ये तो लिखस हुये जो मेने तोखे करण का लिये बोल्यो उ तु कर. अरु यो जानस हुये कि जो कुछ मी बोलुस हुये ते तू मरा से कही बडीके कर. 22 अरु यो भी मरा लिये रखन की जगा तैयार रख. मेखे आस हइ की तुमारी प्रार्थानाहोन का वजेसे मी तुमखे दी दियो जास.

23 इपफ्रास खे जो मसीह यीशु मे मरा साथ कैदी हइ✝, 24 अरु मरकुस अरु अरिस्तर्खुस अरु देमास अरु लुका जो मरो सहकर्मी हइ येखे तो नमस्कार.✝

25 हमारो प्रभु यीशु मसीह को अनुग्रह तुम आत्मा पर बन्यो ऱ्हेस.