Lucas 4

यीशु की परीक्षा

1 फिर यीशु पवित्र आत्‍मा से भर्यो हुयो. यरदन मे पलट्यो. अरु चालीस दिन तक आत्मा खे सिखान खे जंगल मे फिरते र्हीयो. 2 अरु चालीस रात तक सैतान ने उनकी परीक्षा करतो र्हेयो वे दिन मे वो ने कुछ नी खायो अरु जब वे दिन पूरा हुय गया. ते ओखे भूख लगी.

3 अरु सैतान ने ओका से बोल्यो. "अगर तू परमेश्वर को बेटो हइ. ते यो फतर से बोल्यो कि रोटी बनी जाह्ये."

4 यीशु ने वोखे उत्तर दियो. कि लिखस हइ. इन्सान फक्त रोटी से जिन्दो नी र्हेन को.

5 जब सैतान वोखे ली गयो अरु वोखे जरा भर मे जगत का सब राज्य बताह्ये. 6 अरु ओका से बोल्यो. मी यो सब अधिकार. अरु इन को वैभव तोखे दिह्यु. क्‍युकी वु मेखे सोपी दियोस हइ अरु जो चाहुस हइ. ओका दि सकुस हइ. 7 येका लिये. अगर तू मेखे आराधना कर्हे. ते यो सब तरो हुइ जाह्ये.

8 यीशु ने वोखे उत्तर दियो. लिख्यो हइ. कि तू प्रभु अपनो परमेश्वर खे प्रणाम कर. अरु फक्त वो की उपासना कर.

9 जब वोने वोखे यरुशलेम मे ली जय खे मन्‍दिर का छेडा पर खडो कर्या. अरु वोका से बोल्यो. अगर तू परमेश्वर को बेटो आय. ते अपना आप खे ह्या से नीच्चे गिरय दे. 10 क्‍युकी लिख्यो हइ. कि वु तरा बारे मे अपना स्वर्गदूत खे आज्ञा दिह्ये. कि वु तरी रक्षा कर्हे. 11 अरु वु तोखे हातो हात उठय लिहे असो नी होय कि तरा पाय मे फत्तर से ठोकर लग्हे.

12 यीशु ने ओका उत्तर दियो. यो भी बोल्यो गयोस हइ. कि तू प्रभु अपनो परमेश्वर की परिक्षा नी करणू.

13 जब सैतान सब परीक्षा करी चुक्यो. तब कुछ टेम का लिये वोका पास से चली गयो.

यीशु गलील मे सेवा करी सुरुवात करीस हइ

14 फिर यीशु आत्मा, सामर्थ्य से भर्‍यो गलील मे पलट्यो. अरु वोकी चर्चा आस पास, सब देस मे फैली गयो. 15 अरु उ वा मन्‍दिर मे शिक्षन करता र्हियो. अरु सब वोकि महिमा करता था. ओने यहूदीया आराधनालय मे उपदेश दिया अरु सब, द्वारा स्तुती हुइ.

नासरत गाव मे यीशु को न,रनो

16 अरु वू नासरत मे आयो. झा ओको पाल्यो पोसो हुयो थो. अरु अपनी रीति, जसो आराम, दिन आराधनालय मे जय खे पडन, लिये खडो हुयो. 17 यशायाह भविष्यव्दक्ता की किताब वोखे दी गय. अरु वोने किताब खोलीखे. वा जगा नी,ली झा यो लिख्यो थो. 18 कि परमेश्वर कि आत्मा मरा पर हइ.

येका लिये कि वोने गरीब खे सुसमाचार

सुनान, लिये मरो अभिषेक कर्यो हइ.

अरु मेखे येका लिये भेज्यो हइ. कि भैइ

को छुटकारा को

अरु अन्‍धा खे दिखान ,

लीये खबर प्रचार कर्हे

अरु कुचल्यो आला खे छुडाह्यु.

19 अरु परमेश्वर खे प्रसन्‍न

र्हेन को साल खे प्रचार कर्यू.

20 जब वोने किताब बद करीखे सेवक, हात मे दि दि. अरु बठी गयो अरु आराधनालय, सब दुन्या कि नजर वोका पर लगी थी. 21 जब वु वुन से बोलन लग्यो. कि आज हि यो लेख तुमारा सामने पूरो हुयो हइ.

22 अरु सब ने वो खे प्रशसा. अरु जो अनुग्रह की बात वोका मेडा से नीकलती थी. वोका से अचम कर्यो. अरु बोलन लग्यो, यो यूसुफ को बेटो नी?

23 वोने ओकासे बोल्यो. तुम मरा पर यो खावत जरुरत बोल्हे. कि हे डॉक्टर. अपना आप खे अच्छो कर! जो कुछ हमने सुन्योस हइ कि कफरनहूम मे कर्यो गयोस हइ वोखे ह्या अपना देस मे भी कर. 24 अरु वोने बोल्यो. मी तुमारा से सच्ची बोलूस. कोय भविष्यव्दक्ता अपना देस मे मान-सम्‍मान नी मीले. 25 अरु मी तुम से सच्ची बोलूस. कि एलिय्याह, दिन मे जब साडे तीन साल तक बद्दल बद र्हीयो. ह्या तक कि सब देस मे बडो अकाल पड्यो. ते इस्राएल मे भोत विधवानहोन थी. 26 पन एलिय्याह वुन मे से कोय, पास नी भेज्यो गयो. फक्त सैदा, सारफत मे एक विधवा का पास. 27 अरु इलीशा भविष्यव्दक्ता, टेममे इस्राएल मे खुप सा कोढी था. पर नामान सूरयानी खे छोडी उन मे से कोय अच्छो नी कर्यो गयो.

28 ये बात सुनते मे जितने आराधनालय मे थो. सब घुस्सा भरी गया. 29 अरु उठीखे वु नगर से बाहेर नीकल्यो. अरु जो टेकडा पर वुन, नगर बसयो थो. वो की छेडा पर लीखे चल. कि वोखे व्हा से नीचे गिर्य दुव. 30 पन व्हा वुन, बीच मे से नीकलीखे चले गयो.

बुरी आत्मा खे नीकल्यो जानो

31 फिर वु गलील, कफरनहूम नगर मे गयो. अरु आराम, दिन दुन्या खे उपदेस दि रो थो. 32 वे वोका उपदेस से चकित हुय गया क्‍युकि वोको वचन अधिकार, सात थो. 33 आराधनालय मे एक इन्सान थो. जो मे बुरीआत्मा थी. 34 वु वुच्चो अवाज से चिल्‍लायो उट. हे यीशु नासरी. हमखे तरा से काम, तू हमारो नाश करण आयो हइ? मी तोखे जानुस तू कोन आय? तू प्रभु को पवित्र इन्सान आय.

35 यीशु ने वोखे धमकय खे बोल्यो. चुप र्हे अरु वोमे से नीकली जा तब बुरीआत्मा वा बीच मे भटकन का बिना कुछ कर्यो वो मे से नीकली गय.

36 येका पर सब खे अचम हुयो. अरु वे आपस मे बात करी खे बोलन लग्या. यो कसो वचन हइ? कि वु अधिकार अरु सामर्थ्य का अच्छा से सात बुरी आत्माहोन खे आज्ञा देस हइ, अरु वे नीकली जास हइ. 37 उ क्षेत्र मे आसपास का हर कोय ओका बारे मे समाचार फेलन लग्यो.

पतरस की सासु अरु इन्सान खे अच्छो होनो

38 वु आराधनालय मे से उठीखे शमौन, घर मे गयो अरु शमौन की सासु खे बुखार चड्यो हुयो थो. अरु उनने वोका लिये वोका से प्रार्थना करी. 39 वोने वोका नजीक खडो र्हिखे बुखार खे डाट्यो अरु वोका पर से उतरी गयो अरु वा तुरुत उठीखे उन की सेवा चाकरी करण लगी.

40 सुरज डूबन, टेममे जेका जेका ह्या दुन्या अलग प्रकार की बीमारी मे पड्या हुया था. वे सब उनखे वोका पास ली आया. अरु वोने एक एक पर हात रखीखे वुनखे अच्छो कर्यो. 41 अरु बुरीआत्मा धमकय खे अरु यो बोलती हुये कि तू परमेश्वर को बेटो आय. खुपझन मे से नीकली गय पन वु वुनखे डाटतो अरु बोल नी देतो थो. क्‍युकी वे ओखे पहचानता था. कि यो मसीह आयो.

यहूदीया आराधनालय मे प्रचार

42 जब दिन नीकल्यो ते वु नीकली खे एक जंगल जगा मे गयो. अरु गर्दी की गर्दी वोखे ढूडते हुये वोका पास अय. अरु वोखे रोखन लगी. कि हमारा पास से नी जानू. 43 पन वोने उनका से बोल्यो. मेखे अरु नगर मे भी परमेश्वर को राज की सुसमाचार सुनानो जरुरती हइ. क्‍युकि मी येका लिये भेज्यो गयोस.

44 अरु वू गलील की आराधनालय मे प्रचार करते र्हीयो.