1 दो दिन का बाद फसह अरु अखमीर रोटी यो तिवार होनआलो थो अरु महायाजक अरु शास्त्री या बात की ढुढना मे था कि ओखे कसा छल से पकडिखे मारी डाल. 2 पर बोलता था, की तिवार का दिन नी, खय असो नी हो कि दुन्या मे दंगो हुय जाह्ये.

3 जब वू बैतनीय्याको शमौन नाम को कोढी का घर मे खानो खान खे बठ्यो थो, ते व्हा एक बय अय अच्छो जटामासी को किमती अत्रर को तेल से भरी वाली कुप्पी लिखे अय; ओने फोडि खे ओका माथा पर अत्रर डाली दियो. 4 पर कुछ इन्सान अपना मन मे कुरकुरकरी खे बोलन लग्या, "यो अत्रर खे सत्यानाश क्यु कर्यो गयो. 5 क्युकी यो अत्रर आलो तेल तिन सौ सिक्का से भी जादा मे बेचीखे वे गरीब मे बाट्यो जयस सकतो थो." अरु वेवा बय खे डाटन लग्या. बर्तन मे जटामासी को अत्तर

6 यीशु ने बोल्यो, ओखे छोडि दे, ओखे कायबर तंग करी रा? ओने तो मरा साथ अच्छो कऱ्योस. 7 क्युकी कंगाली तो हमेशा तुमारा सात ऱ्हेस, अरु जब तुम चाह्ये तब तुम ओका सात अच्छो करस ते पन मी तुमारा साथ हमेशा नी रर्हेन को. 8 जेतनो वा करी सकती थी ओने कर्‍यो, ओने मेखे गाडन का पैयले ओने मरा आंग पर अत्रर लगय दियो. 9 मी तुमखे सच्ची बतवूस की पुरा जगत मे झा खैय सुसमाचार को प्रचार हुये, व्हा या बय का काम की चर्चा भी ओका याद मे करी जाये.

10 अरु यहूदा इस्करियोती जो बारा मे से एक थो महायाजक का पास गयो कि ओखे उनका हात मे पकडय दे. 11 अरु जब उनने यो सुन्यो ते खुस हुया, अरु ओने पैसा देन को वचन दियो. अन्नत मे वू यो सोचन लगयो की वोखे कसो पकडय दिव.

12 अखमीर रोटी को तीवार का पहिला दिन, जब फसह का बलि दान करता था, वे दिन ओका सेवक होन ओखे बोल्यो, "तु का चाहस हइ की हम जइ के तरा लिये फसह खान की तैयारी कर्ये?"

13 फिर ओने अपना सेवक मेसे दो झन भेज ते से बतायो, की नगर मे जा अरु मनजो कोय एक इन्सान पानी को मडको लीखे जाते तुमखे मील्हे,ओका पिछे जा. 14 उ अंदर जाह्ये व्हा को घर मालक खे असो बता गुरु पुछस की मी मरा सेवक का साथ फसह खानो खान असी मरी उतरन की जगा खा हइ? 15 फिर वू सजी सजयो , अरु तैयार करी हुइ बडो कमरो दिखइ दियो, व्हा हमारा लिये तैयार मील्यो.

16 फिर सेवक नीकली खे नगर मे गया, तब वुनखे बतायो बराबर उनने फसह तैयारी करी.

17 फिर संज्जा होना पर वू बारा झन का सात आयो; 18 अरु वे बठी खे खानो खय राथा यीशु ने बोल्यो, मी तुमखे सच्ची बोलुस, तुमारा मेसे एक झन मेखे पकडय दिहे, वु मरा सात खान आलो आयो.

19 वे उदास हुय खे एक हुय खे ओखे पुछन लग्या, का उ मी आय

20 अरु ओने उनखे बोल्यो, "वे बारा मेसे एक आय जो मरा कटोरा मे रोटी डुब्य रोस हइ. 21 क्युकी इन्सान को बेटो, जसो ओका बारे मे लीखोस, जास पन जो इन्सान का हात से इन्सान को बेटो पकडय दियो जास, ओकी खे तनी दुर दश्या हुये वु इन्सान जन्म नी लेतो ते अच्छो होतो."

22 सेवक का साथ खानो खय राथा, ओने रोटी ली अरु आशिर्वाद मागी खे. "तोडि अरु उनखे," बोल्यो "योले यो मरो आंग आयो."

23 फिर ओने प्यालो लियो अरु धन्यवाद प्रार्थना करी खे उनखे दियो;अरु वे सब झन ओमे से पियो. 24 ओने उनखे बोल्यो, "यो वचन बनान आलो मरो खुन आयो यो भोत झन का लीये बोहय दियोस. 25 मे तुमखे सच्ची बोल्यो थो, अंगूर को रस वु दिन तक नी पिह्यु, जब तक परमेश्वर का राज मे नवो नी पिनको"

26 भजन गान का बाद वे जैतून की टेकडि पर चली दियो.

27 तब यीशु ने बोल्यो, "तुम सब ठोकर खाहे, क्युकी यो लीख्योस, मी चरवाहो ठाट्या खे मार्‍हु, अरु मेढा इधर उदर हुय जाह्ये. 28 पन अपना जिन्दो होन का बाद मी तुम से पैयले गलील मे जाह्ये."

29 पतरस ने ओखे बोल्यो, चाह्ये सब छोडि दिहे पन मी नी छोडन को.

30 तब यीशु ने ओखे बोल्यो, मी तुमखे सच्ची बोलुस आज रात खे मुर्गा खे दो बार बांग देना से पैयले तु मेखे खुद इनकार कर्‍हे.

31 पन पतरस ने मूर्खता से यो बोलते ऱ्हीयो,क्युकी मेखे तरा सात मरनु पडे ते मी तोखे इनकार नी करन को

अरु वे सब यो बोली राथा.

32 अरु वे गतसमनी नाम को जगा मे आया; अरु ओने अपना सेवक खे बोल्यो, "तुम ह्या बठ्या र्‍हे, जब तक मी प्रार्थना कह्यू." 33 अरु ओने अपना साथ पतरस,याकूब अरु यहून्ना खे सात मे लीयो अरु खुप झन व्याकुल होन लग्या. 34 अरु ओने उनखे बोल्यो, "मरो मन खुप उदास हइ ह्या तक की मी मरना पर हइ.अरु रुख अरु जागते र्‍हे."

35 फिर वू थोडो आगे गयो, अरु जमीन पर गिरीखे प्रार्थना करन लगीगो की तकलिप को टेम मरा परसे टली जाह्ये. 36 अरु बोलन लगीगो,"हे पिता हे , बाप तरा से तरा सब कुछ होस हइ.यो कटोरा खे मरा पास से दुर करी ले फिर भी जसो मी चाउस हइ वोसो नी, पर जो तू चाहस हइ वोसो हो."

37 अरु ओने अयखे उनखे सोते मील्या अरु पतरस खे बोल्यो, हे शमौन, तू सोय रो हइ? का तू एक टेम भी नी जागी सक्यो? 38 जागते अरु प्रार्थना करते ऱ्हेव की परीक्षा मेनी फसी जानु. आत्मा तो तैयार हइ पन आंग छोटो हइ.

39 अरु नी ओने जयखे फिर उ शब्द मे प्रार्थना करी. 40 अरु ओने फिर अय खे उनखे सोते मील्या क्युकी उनका आख नीद से भरी थी, अरु वे नी समजता था की ओखे का उत्तर देनु.

41 फिर ओने तिसरी बार अय खे उनखे बोल्यो, का तुम अभी तक सोय रास अरु आराम करी रास? खुप हुयगो टेम अयगी.देख,इन्सान को बेटो पापी का हात मे पकडय जास हइ. 42 उठ, आ चल देख, यो अय रो हइ मेखे धोका से पकडनवालो इन्सान.

43 उ यो बोली मे रो थो यहूदा, जो बारा झन मे से एक थो, अपना साथ, महायाजकहोन अरु शास्त्रिहोन अरु बापदादाहोन का तरफ से एक बडि गर्दी लइ तलवारहोन अरु लकडि होन लिया हुया तुरुत अय, पहुच्यो. 44 ओखे पकडन आला ने ओखे यो बोली खे बतयो दियो थो की जोको मी चुम्मो लीह्यू वोखेय अछा से लीखे जानू.

45 व्हा पोची खे अरु तुरुत ओका पास जयखे, ओने बोल्यो, अरु गुरु असो बोल्यो अरु चुम्मो लीयो. 46 तब उनने ओखे पकडि खे गिरफ्तार बंदी बनइ लीयो. 47 येका पर खडा दुन्या मे से एक ने तलवार खीची खे महायाजक का सेवक पर चलइ अरु ओको कान काटी दियो. 48 यीशु ने उत्तर देते हूये बोल्यो, का तुम दुन्या मखे गुना समझस जो तलवार अरु लकडि लीखे मेखे बंदी बनान का लीए आया. 49 मी तुम्हारा साथ आराधनालय मे दरोज शिक्षा देतो थो अरु तुमने मेखे नी पकड्यो, पर येका लिये हुयो की पवित्रशास्त्र को लिखनो पुरो होनखे होनु.

50 येका पर सब ने ओखे भूलीगा अरु छोडि खे भागीगा.

51 एक जवान ओका पिछे चली रोथो. वू अपना उघाडा आंग पर फक्त मलमल को कपडा को चद्दर होडि खे थो उनने ओखे पकड्यो. 52 पन वू मलमल को चद्दर छोडि खे नंगो भागीगो.

53 वे यीशु खे मुखियो महायाजक का ह्या लि गया, सब बडा याजक का बापदादा अरु शास्त्री व्हा एक साथ जमा हुयगा था. 54 पतरस तो दुरी दुर से महायाजक का अंगन तक ओका पिछे पिछे गयो थो.उ रखवाली का सात व्हा बठी व्हा अंगार सेकन लगीगो. 55 महायाजक अरु सभा यीशु खे मारी डालन का लीये ओका खीलाप गवय ढुढन को कोसीस करी राथा, पन उनने एक भी गवय नी मीली. 56 क्युकी भोत झन ओका खीलाप झुटी गवय दिराथा पन उनकी गवय एक दुसरा से मीली नी री थी.

57 तब ओका खीलाप खडा हुय खे गवय देन लगीगा. 58 हमने ओखे यो बोलते सुन्यो, मी हात से बनय आली मन्दिर खे तोडिखे करी दिह्यू, अरु तीन दिन मे दुसरी खडि करी दि दिह्यू, जो हात से बनय वाली नी हुये. 59 येका पर भी वोकी गवय का जसी थी.

60 फिर महायाजक ने खडो हुय खे ओने अय खे यीशु पुछ्यो, "जो गवय ये तरा खीलाप दि रास का तु उनखे उत्तर नी दे?"

61 पन वू चुप र्‍हियो अरु ओने कोय उत्तर नी दियो. महायाजक ने फिर ओखे पुछ्यो, "तू वू परमधन्य को बेटो आयो मसीह तु आ?"

62 यीशु ने बोल्यो, "मी आयो! अरु तुम इन्सान को बेटा खे सबसे शक्ति मान की डाखोर्या तरप बठाडस अरु स्वर्ग से बदल का सात आते हुयो देख्ये."

63 येका पर महायाजक ने अपना कपडा फाडि खे बोल्यो, "आब हमसे अरु गवाह की का जरुरत हइ?" 64 तुम यो नीन्दा सुनी लीयो हुये

येका पर तुमारो का मतलब हइ. अरु वे सब झन ने ओखे जान से? मारन को दण्ड का योग्य दोषी ठयरय दियो.

65 तब कुछ झन वोका पर थुकन लगीगा, अरु ओका आख मे पट्टी बांधी खे बुक्की मारन लगीगा अरु वोखे बोलन लगीगा भविष्यवाणी कर! अरु रखवाली. ने पकडयो अरु ओका मुडा पर थपड माऱ्यो.

66 जब पतरस अंगन मे थो, महायाजक की दासी होन मेसे एक व्हा अय, 67 अरु पतरस खे अंगार सेकते देख्यो अरु ओका पर नजर रखखे बोलन लगी, "तू भी यीशु नासरी यीशु का साथ थो,"

68 पन ओने नीबोलनो करते हूयो बोली दियो, "मी नाही तो जानूस अरु नाही समजूस की तु का बोलीरीस." अरु वू बाहेर परमेश्वर का पास गयो, अरु मुर्गा ने बांग दी.

69 ओखे देखी खे पास खडा आला दुन्या से वइ दासी फिर बोलन लगी गय, "यो तो ओमे से एक आयो!" 70 पन ओने नी बोल्यो. थोडि देर बाद जो नजीक खडा था

उनने फिर पतरस खे बोल्यो, "जरुर तू उनमे से एक आय, क्युकी तु भी गलील मे हइ!"

71 पन वू धिक्कारन अरु कसम खान लगीगो, "मी यो इन्सान खे जोकी तुम जेकी बात करी रास मी ओखे नी पहीचानू!"

72 अरु तुरुत दूसरा मुर्गा ने बार बांग दी. तब पतरस खे यीशु ने ओखे बोली बात, ओखे समजी गयो, मुर्गा का दो बार बांग देना से पैयले तू तीन बार मरो इनकार कर्‍हे. अरु उ रोन लग्यो.