9 वा से आगे बडीखे यीशु ने मत्ती नाम को एक इन्सान खे चुंगी की चौकी पर बठ्यो देख्यो, अरु ओकासे बोल्यो, "मरा पीछे हुइ लियो."
उ उठीखे ओका पीछे हुइ लियो.
10 अरु जब उ मत्ती का घर मे खानो खान का लिये बठ्यो ते भोत जन चुंगी लेनआला अरु पापी अयखे यीशु अरु ओका सेवक का साथ खान बठ्या. 11 यो देखीखे फरीसीहोन ने ओका सेवक से बोल्यो, "तुम्हारो गुरु चुंगी लेनवाला अरु पापीहोन का साथ का खास हइ?"
12 यो सुनीखे यीशु ने ओकासे बोल्यो, "डाक्टर अच्छा भला खे नी पन बेमारहोन का लिये आकुल्यक हइ. 13 येका लिये तुम जयखे येको अर्थ सीखी ले, कि मी जनवर को बलिदान नी पन दया चाउस हइ. क्योकी मी धर्मीहोन खे नी पन पापीहोन खे बुलान आयो हइ."
यहून्ना को सेवक को उपास को सवाल
(मरकुस 2:18-22; लूका 5:33-39)