45 Filiphphoosi Natina7eelara gayttidi, "Musey higge maxaafan, qassi nabetikka iyabaa xaafida Yoosefa na7aa Naazirete Yesuusa nuuni demmida" yaagis.
46 Natina7eeli zaaridi, "Naazirete katamaappe lo77obay keyanaw dandda7ii?" yaagis.
Filiphphoosi, "Yada be7a" yaagis.
47 Natina7eeli baakko yeyssa Yesuusi be7idi, "Geney baynna tuma Isra7eele asi hayssa!" yaagis.
48 Natina7eeli Yesuusakko, "Neeni tana awun eray?" yaagis.
Yesuusi zaaridi, "Filiphphoosi nena xeeganaappe sinthe, neeni balase mithaa garssan de7ishin taani nena be7as" yaagis.
49 Natina7eeli zaaridi, "Asttamaariyaw, neeni Xoossaa Na7aa! Neeni Isra7eele kawo!" yaagis.
50 Yesuusi iyaakko, "Taani nena balase mithee garssan be7as gida gisho ammanay? Neeni hayssafe aadhdhiyabaa be7ana!" yaagis. 51 Qassi Yesuusi, "Taani hinttew tuma odays; saloy dooyettin, Xoossaa kiitanchchoti Asa Na7aa bolla keyishininne wodhdhishin hintte be7ana" yaagis.1:51 Medhe 28:12
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)