Yesuusi bonchchon Yerusalaame gelis
12 Wonttetha gallas Faasika bonchchiya bessaa yida daro asay Yesuusi Yerusalaame beyssa si7idi, 13 Zambba haythi ekkidi iya mokkanaw keyidosona. Bantta qaala dhoqqu oothidi,
"Hosaana! Xoossay galatetto!
Godaa sunthan yeyssi anjjetto!
Xoossay Isra7eele Kawuwa anjjo!"
yaagidosona.12:13 Maz 118:25-26
14,15 Geeshsha Maxaafan,
"Xiyoone katamaw, babbofa!
Hekko, ne Kawoy hare mara bolla uttidi yees"
geetettidayssada Yesuusi hare mari demmidi iya toggis.12:14-15 Zakka 9:9
16 Yesuusa tamaareti hessa kase akeekibookkona. Shin Yesuusi bonchchettidaappe guye entti hessa ubbaa akeekidosona. Hessi ubbay Geeshsha Maxaafay gidayssada hanis.
17 Yesuusi Alaazara duufoppe xeegidi, hayqoppe denthida wode iyara de7iya daro asay Yesuusabaa markkattidosona. 18 Daro asay iya mokkanaw keyiday, I he malaatata oothidaysssa si7ida gishossa. 19 Hessa gisho, Farisaaweti issoy issuwako, "Nu aykkoka oothanaw dandda7onnayssa be7ite; dere ubbay iya kaallees" yaagidosona.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)