Yesuusi ba tamaaretas qonccis
19 Wogga wode omarssi, iya tamaareti Ayhudetas yayyidi kariya gorddidi shiiqi uttidashin, Yesuusi yidi, entta giddon eqqidi, "Saroy hinttew gido" yaagis. 20 Hessa gidi simmidi ba kushiyanne ba miya entta bessis. Iya tamaareti Godaa be7ida wode daro ufayttidosona. 21 Yesuusi zaaridi enttako, "Saroy hinttew gido; ta Aaway tana kiittidayssada taanikka hinttena kiittays" yaagis. 22 Hessa gidayssafe guye, entta bolla ufu gidi punnis. Qassi, "Geeshsha Ayyaana ekkite. 23 Hintte atto gida asaa nagaray atto geetettana. Hintte atto goonnayssata nagaray atto geetettenna" yaagis.20:23 Maato 16:19; 18:18
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)