Marcos 11

Yesuusi gita bonchchon Yerusalaame gelis

1 Entti Yerusalaame matishe, Shamaho Deriya matan de7iya Beetefaagenne Bitaaniya katamata gakkidosona. Yesuusi ba tamaaretappe nam77ata sinthe kiittidi, 2 "Hinttefe sinthan de7iya gutaa biite; yaa gelida mela oonikka toggiboonna qashon de7iya hare mari hintte demmana, iya billidi, haa ekki yiite. 3 Oonikka hinttena, ‘Hayssa ays ootheetii?’ yaagidi oychchiko, ‘Goday iya koyees, ellesidi haa yeddana’ yaagite" yaagis.

4 Entti bidi, hare mari kare bolla oge matan qashettidi de7eyssa demmidi billidosona. 5 He besan eqqida issi issi asati enttako, "Hare maraa waatanaw billeeti?" yaagidosona. 6 Iya tamaareti Yesuusi banttana kiittidayssa odin, asati yeddi aggidosona. 7 Entti hare maraa Yesuusakko ehidi, bantta ma7uwa iya zokkon hiixin Yesuusi he hare maraa toggis. 8 Daro asay bantta ma7uwa ogiyan hiixidosona; qassi harati mitha tashe tashidi, ogen hiixidosona. 9 Yesuusappe sinthara hamuttiya asaynne iya kaalliya asay bantta qaala dhoqqu oothidi,

"Hosaana! *11:9 Hosaana: Maato 21:9 be7ite. Xoossay galatetto!

Godaa sunthan yeyssi anjjettidayssa.✝11:9 Maz 118:25

10 Godaa sunthan yaa nu aawa

Dawite kawotethay anjjettidayssa.

Ubbaafe Bolla Saluwan

de7iya Xoossay galatetto"

yaagidosona.

11 Yesuusi Yerusalaame bidi, Xoossaa Keetha gelis. Qassi ubbabaa yuuyi xeellidaappe guye, sa7ay qammiya gisho, tammanne nam77u tamaaretara Bitaaniya giya katama bis.