Choktǝ Arta
1 Kǝthlǝm ndaˈan, nggǝta, pursuna kǝthlǝm para Chinda, ni shiyowunda kǝ chokkam tǝmɗi ˈyaɗi ˈyat fee wunchi, kǝthlǝm Farta ˈyech wunchi. 2 Chika kwati kǝ nowun kǝmma tǝ hashaskǝta. Kǝ nowun tǝ kǝrǝs raˈan, nakowun nggǝmandǝ raˈan kǝ ɗar kafaɗi nechsi yowun. 3 Kweˈyam ha kǝ nowun tǝ wum inda hur Shemeta, kǝnankowun fechˈyowun hur kǝɓikaɗi. 4 Kǝthlǝm faɗan arta tǝ Shemet artǝ paɗ, kǝɗ thla ˈyech fee wunchi kǝ hur kappa maanda tǝ ɗǝf kǝfatsi kǝ ichiɗi nech ɓata ǝ pangga. 5 Chinda arta, tǝ fǝrkit arta, tǝ baptisma artǝ paɗ, 6 mǝthlan neck ɗar chikamǝ nat hur mǝ nat paɗ nakan ha hur nat paɗ.
7 Chika kǝɗu, fǝran tǝ chika wuni mbǝr ǝna tǝmɗi kafati Kǝrǝsti. 8 Ndaˈan mbutǝ Lawlawaɗan wa,
"Fartǝɗi pǝɗatǝn kafǝrta,
tǝrtǝ fee kǝssandǝn tanda4:8 fee kǝssandǝn: Nan nat ngga nefchǝ ndak wa ta shemecha. tǝ anchi,
fǝrankan wanchi Adamu mbǝr ichǝ samǝn samǝn."4:8 Zab 68:18
9 Mǝ nech kǝ "tir kafǝrta." Ə pinwa Kǝrǝsti ɗǝ kah kǝ ndukwa kan haha. 10 Thla saˈchǝ kaha mǝthlan paɗ pǝɗech kafǝrta pǝɗankan hulafǝrtǝ ha, kǝthlǝm kǝ ndiiɗan tǝ hulafǝrta tǝ heshi nat ǝ indiyan.
11 Nakanya mbǝr ichiɗiya fǝrtǝ Kǝrǝsti kǝmɗi nafchiyan: ndǝ kǝmsicha, fǝ mbancha, fǝ ɓascha, tǝ mbuˈ ndiktiyan, fǝ chaˈandǝ nafchi kaɗi. 12 Tarchiyandǝ kǝ thsandǝ nafchi Farta kǝ chit ndǝ tarchiyan kǝ paɗ tǝnandǝ fati Kǝrǝsti.