Hǝraˈaminchǝ Kǝristi
1 Kǝthlǝm chok inɗiya, hǝraˈamǝndǝ Kǝrǝsti. Thlaram changchang, kǝ nggǝr wun fǝr indiyowun, kǝ kǝnowunchi fee tǝ chalala yi chok mafakǝt paɗ wa.
13 Kun wan manchina, ˈyech fee wunchi ngga kǝthlǝm chok mafakǝta wa. Paɗaa kaɗam har kǝ chok kumi mafakǝtˈyowun kǝ chok kǝ yi ǝnɗi yahtǝ fata. Tǝmɗi mbǝnfata kǝ nowun kǝsandǝ raˈansi.
Tarchi Shemeti Farta tǝ tarchi fata
16 Ndiktinchi ndat wa, kǝ chok natˈyowun hur Shemeta. Maa kǝɗu nowun chǝt tarchiɗi yahtǝ fata wa.
22 Paɗaa mbǝs ǝna thla thlǝ fǝrtǝ Shemeta, fen nech kǝ, mbǝnfata, tǝ chiɗ chiɗ tǝ wanɗǝkaɗata, tǝ kǝɓikaɗi, tǝ kǝrǝs ǝna, tǝ chit kafata, tǝ kaakǝta, tǝ chit ǝnɗi naa nef chǝt ndiˈchan, 23 tǝ paˈpaˈ tǝ hur inda, tǝ kǝmmǝ kǝta. Fee thlǝ chich weˈtǝ ichiɗiya nggǝ kusiˈ tǝkan her tandǝ fa wa.