Yim Yesu kǝ Urshelima
12 Walwurtaˈan tertǝ nggomndi nafcha fee ɓech kǝ Mbǝnfa Tathla, sǝkkan ndǝ wa Yesu ɗar mbanda kǝ Urshelima. 13 Kǝthlǝm ndaˈan, thlǝthlaha kandǝ wan har kenggera chekandǝ kesh, nakandǝ chan marapa, nakandǝ thlaˈandǝ ɓǝratǝ nakandǝ ndata wa.
"Kǝmchansi kǝ maanandǝ Farta.
Mbǝs ǝna yi thla nech ɓat hur thlǝm Chinmǝn.
Mbǝs ǝna chokchan kǝ yi Kwitiri Israˈilawecha."12:13 Zab 118:25-26
14 Mbǝskǝ Yesu wan kwaari tǝrkan si chokkan kǝ ɗaran, kǝɗ thla yarandǝ fee ha tǝ ndat wa.
15 "Mǝlekuwun wa kun nafchi Sihiyona,
Ɗǝpama kwitirˈyowun ɓata,
mǝthlan ɗas ɗar wan kwaari."12:15 Zak 9:9
16 Tǝrkwathl kanan wathla wa kǝmsichiyan ǝnɗi nech sǝɓta wa. Kǝrsǝ manaaɗi manaandǝ fee Yesu, kuɗuk kandǝ tǝ ndat wa, yaran fee ha kǝ ɗaran, paɗ sǝɓkǝ ichaˈan keˈke kǝɗ ǝnɗi yarandǝ fee ha.
17 Nafchiɗi nech mǝɗiyan fartǝɗi ˈyatǝn Liˈazarus kesh hur kwi mǝrtaˈan, paɗ thlaˈankan hur mǝmatecha. nakandǝ mbuˈandǝ nafcha ichiɗi chit Yesu. 18 Nafchi terchan ɗǝkandǝ chan marapa Yesu kǝthlǝm sǝk ndǝ ǝnɗi chitǝn yi sakainda. 19 Chat nak Farisiyawecha ndiktǝ tǝ raˈan wa, "Ɗǝpaman, nggǝmǝn chektǝ hur ǝnɗiya wa, ɗǝpaman heshi nat parandi."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)