Pin Yesu fat kǝmɗi Kǝmsichiyan
19 Ə farwita tǝrkwathl kan mǝn lǝmo, kǝmsichiyan mǝt arta, mii kǝtinchaˈan ǝ nggǝthla kǝthlǝm lekandǝ paktechi Yahudawecha. Ɓak Yesu kǝ thlar tǝ ha hur ɗǝfi tǝnanda ndakan tanda wa, "Kǝɓi kaɗi kǝmɗiyowun." 20 Kǝrsǝ ndeˈini, pǝnan kan tandǝ harchiyan tǝ kileriyan. Kǝmsichaˈan ˈyan mbǝndǝ fat kaan kǝ nakan ndǝ Thlǝwira.
21 Nggǝr kǝ Yesu ndat wa, "Kǝɓi kaɗi kǝmɗiyowun. Kǝɗ ǝnɗi thlǝndǝ Papa nenchi, kǝɗuyu paɗ nggǝt thlǝn wunchi." 22 Kǝ ndakan kǝɗu, shipan kan yiptǝ tandǝ kafa, ndakan wa, "Thlam Shemeta thla chǝɗchǝɗ. 23 Ma kalawun yowun ɓǝɓifechˈyan ha, ɓǝɓifechˈyanda kalan fee tandǝ ha. Ma kalawowun tandǝ hawa, chok chan wa kalawu fee tandǝ ha wa."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)