1 Thleya nech kǝ thlǝm kaakech Yesu Kǝristi. Yesu Kǝristi waˈi Dauda, Dauda thlaˈtǝ kwathl Ibrahim.

2 Ibrahim nggǝtchǝ Ishaku,

Ishaku nggǝtchǝ Yakub.

Yakub nggǝtchǝ Yahuda tǝ wanmanchaˈan.

3 Yahuda paɗ nggǝtchǝ Feresa tǝ wanmanan Zera. Mananndǝ thlǝ ˈya fee wa Tamar.

Feresa nggǝtchǝ Hesruna,

Hesruna nggǝtchǝ Aram.

4 Aram nggǝtchǝ Aminadab. Aminadab nggǝtchǝ Nashan, Nashan nggǝtchǝ Salmon. 5 Salmon nggǝtchǝ Boˈaza, manan thla thlǝ ˈyafee wa Rahab. Boˈaza nggǝtchǝ Obida. Manan Ruth, Obida nggǝtchǝ Jesse. 6 Jesse nggǝtchǝ kwitira Dauda. Dauda nggǝtchǝ solomon, tǝmɗi nu Uriah. 7 Solomon nggǝtchǝ Rehobowam. Rehobowam nggǝtchǝ Abija, Abija nggǝtchǝ Asa. 8 Asa nggǝtchǝ Jehoshafat, Jehoshafat nggǝtchǝ Yoram, Yoram nggǝtchǝ Uziya. 9 Uziya nggǝtchǝ Jotam, Jotam nggǝtchǝ Ahaz, Ahaz nggǝtchǝ Hezekiya. 10 Hezekiya nggǝtchǝ Manassa, Manassa nggǝtchǝ Amon, Amon nggǝtchǝ Josiya. 11 Josiya nggǝtchǝ Jekoniya tǝ wanmanchaˈan, ǝ fartǝɗi harandǝ fee tandǝ kǝ chok mafakǝta ǝ hahi Babila. 12 Kǝrsǝ ɗǝt tǝ tandǝ kǝ Babila. Jekoniya nggǝt kan Shiyaltiyel, Shiyatiyel nggǝtchǝ Zerubabel. 13 Zerubabel nggǝtchǝ Abihud, Abihud nggǝtchǝ Eliyakim, Eliyakim nggǝtchǝ Azuro. 14 Azuro nggǝtchǝ Zadok, Zadok nggǝtchǝ Akim, Akim nggǝtchǝ Aliyud. 15 Aliyud nggǝtchǝ Eliyazar, Eliyazar nggǝtchǝ Mattan, Mattan nggǝtchǝ Yakubu. 16 Yakubu nggǝtchǝ Yusufu, chǝma Maryamu. Maryamu man Yesu thla thlǝ ˈya fee wa Kǝrǝsti.

17 Kǝthlǝm ndaˈan, thlaˈta Ibrahim, kǝ Dauda, kwathlchǝ kum nggǝrsǝ foɗɗa (14). Thlaˈtǝ Dauda kǝ fartǝɗi harandǝ fee tanda kǝ chok mafakǝta ǝ Babila, kwathlchǝ kum nggǝrsǝ foɗɗa. Thlaˈtǝ ǝ chok mafakǝta ǝ Babila kǝ nggǝtti Kǝrǝsti kwathl kum nggǝrsǝ foɗɗa paɗ.

18 Ə mbanɗi nggǝttǝ fee Yesu Kǝristi ya. Ə fartaˈan, Yusufu nggwanantǝ Maryamu man Kǝristi Yesu kǝ chok kǝ nuwan. Tapawa ɓitaˈanchi kyeuriyan wa, chat ɓǝsankǝ fee tǝ waa hwirˈyan, tǝmɗi Shemeti Farta. 19 Chimaɗan taˈan Yusufu thlǝ kafata, paɗ yah wasi kǝ harantǝ fat hur nafcha wa. Chat sakan kan ha kǝ kal tǝ anchi ha kǝmmaˈ ǝ wuɓtǝ fa. 20 Tǝ kǝɗu mǝthlan hur kaɗeˈ ini, chat ɓak thlǝ thlǝndi Chinda kǝmɗiyan hur sǝnaˈta. Ndang kan wa, "Yusufu waˈi Dauda, mǝ lekǝn tǝr nuwa Maryamu kyeuriyo wa. Kǝthlǝm wanɗi nech hurˈyan ɓechan tǝmɗi Shemeti Farta. 21 Nan nggǝt hish waa, necho ɗǝfanda wa Yesu (thla nech hǝraˈandǝ nafcha). Kǝthlǝm mǝthlan nech hǝraˈndǝ nafchiyan hur ɓǝɓifechˈyanda." 22 Ichiɗiya sǝɓchan kǝɗu nat, ndiiɗan tǝ ǝnɗi ha mbuˈtǝ Chinda tǝmɗi thlǝ shenuˈtǝ tǝ yahti Farta choh. Ndat wa,

23 "Wannuwanɗi sǝnwakchi hishnefa, nan ɗǝftǝ hur, kǝ nggǝttǝ hish waa.

Nech fee ɗǝfan thlima wa Immanuwel." Saktǝ Immanuwel ndaˈan nech kǝ, Farta mǝthlan tǝ minchi. 24 Kǝ nahǝnkǝ Yusufu ǝ ena, parakan ǝnɗi mbuˈtǝ thlǝ thlǝndi Farta. Tǝrkan Maryamu kǝ chok kǝ nuwan. 25 Yusufu hunawa Maryamu wa, kǝ fartǝɗi nggǝttǝn waˈyan kǝ hishwaa. Yusufu paɗ ɗǝfan kan wa Yesu.