Mateus 13

13 Ənɗi chich thlǝ ndikti tǝ wuɓtǝ ndiktǝ kǝmɗiyanda, ndaˈan nech kǝ, "Kǝthlǝm chika thlǝ nechandǝ ɗimbanda, nawanda. Thlǝ kechandǝ thlǝmat ha, paɗ sǝk wanda wa, ndu paɗ kǝ wathlandech ha. 14 Ə mǝɗyanda mbuˈtǝ Ishaya thlǝ shenuˈtǝ tǝ yahti Farta ndiiɗ ha kǝ ɓǝra tǝnanda. Ndakan wa,

"Nowun naa sǝktǝ tǝ thlǝmechˈyowun,

paɗ nee wathlowun chǝ ha wa.

Nowun naa ndǝpat ha tǝ wenitǝyowun,

paɗ nowun sǝn ǝnɗi nech huran wa.

15 Kǝthlǝm wanɗǝkaɗati nafchiɗa shin kaɗi,

thlǝ chanchan tandǝf ˈyangˈyang kǝ sǝkndǝ tǝ thlǝmechˈyanda.

Paɗ nggǝlandǝ wenitǝyanda

kǝthlǝm mǝ nandǝ tǝ wenitǝyanda wa,

paɗ mǝ sǝkndǝ tǝ thlǝmechˈyanda wa.

Kǝthlǝm kǝ sǝnndǝ sakchaˈan ǝ wanɗikadechˈyanda wa,

nech ɗǝf tandǝ kǝ malandǝ ɓǝɓifechˈyanda. Kǝ nggǝrandǝˈin kaɗ kǝmɗinchi, nggǝt paɗ kǝ kǝnani tandǝ kaɗi.