Mateus 17

Ndik Yesu kǝ ɗar ti chamǝn kǝtǝn shita.

24 Kǝrsǝ ɓati Yesu tǝ kǝmsichiyan kǝ Kaparnahum, ɓak fǝ thlǝt chaminchi chap kǝthlǝm Wiri Farta mbǝs Biturus. Chǝhan kanda wa, "Thlǝ tichǝ thlǝ chaˈananˈyowun chamndǝ kǝthlǝm Wiri Farta kuɗa wa?"

25 Nggǝmang kǝ Biturus wa, "Aa, thlǝ tichan."

Kǝ yimkǝ Biturus kǝ hur wuran, Yesu nggakchǝ ndiktǝ tǝ ndi. Chihan kan wa, "Mǝ nech kǝ kaɗatˈyo Biturus? Mǝɗi micha thlǝ thlǝt kutǝrchǝ wanɗǝɓithl icha ndu chamnda? Mǝɗi wanchiyanda wa, ndu mǝɗi fowun wa?"

26 Nggǝman kǝ Biturus wa, "Mǝɗi ramcha."

Ndangkǝ Yesu wa, "Wanchǝ hahiˈan tiwanda wa hacha. 27 Paɗ kǝthlǝm kǝ sǝɓandǝ hwirkaɗ tǝ nggǝmnan wa. Ɗu kǝ kufa kǝ mikin nggalkǝm ˈyo. Kǝ tirin yirif ɗi latu kǝsta, kǝ i neen meˈyan ha. No naa wanɗǝɓǝthl tipesha thla saˈchǝ ndǝnari foɗɗa hwirˈyan. Tǝrko fǝranko tanda, chamndinchi tǝ yuwa."