1 Timóteo 3

Save trubun te aven e nadglednikura thaj đakonura

1 Kava lafi si čačipe: manđol li khoni te avol nadgledniko, gova manđol lačhi služba. 2 O nadgledniko trubul te avol bizo nisavo bilačhipe. Trubul te avol rom jekhe romnjako, staložimo, te šaj kontrolišil pe, pošteno, gostoljubivo thaj lačho učitelji, 3 te ni manđol te pijol but, te ni manđol o maripe nego te avol mirno, te ni manđol čingara thaj te ni manđol barvalipe. 4 Vov trubul piro ćher ko šukaripe te inđarol, trubul te avol le čhave save šunen le thaj baše sa kava ka avol le baro poštovanje. 5 Te ni džanglja piro ćher ko šukaripe te inđarol, sar šaj te upravil šukar e Devlese Khanđirasa?

6 Nadgledniko našti avol nevo obratimo, te ma bi vazdola pe thaj te perol ane Devlesi osuda sar o beng. 7 Trubul te avol le šukar vaćaripe kolendar so naj ani khanđiri, te ma bi perola ani ladž thaj ani zamka e benđesi.