Atos 16

O Pavle thaj o Sila ano phanglipe

16 Jekh đive kana đeljam ko than za ki molitva, arakhlja amen jekh robinja. Ane late sasa bilačho duxo savesa dikhljarola so ka avol. Gija anola but pare pe gospodarenđe.

17 Voj đeli palo Pavle thaj pale amende thaj dija vika: "Kala manuša si sluge e Devlese e Embarese! Von objavin tumenđe o drom taro spasenje!"

18 Thaj gija ćerola but đivesa. Kana gova e Pavlese avilo dži o nak, irisajlo thaj vaćarda gole bilačhe duxose: "Zapovediv tuće ano alav e Isuseso e Hristeso, iklji andar late!"

Thaj o bilačho duxo iklilo latar ane gova sato.

19 Kana dikhlje laće gospodara kaj hasarde i nada baši zarada latar, dolde e Pavle thaj e Sila thaj vucisade len dži ko trgo kaj sesa e šorutne e forose. 20 Ande len ke sudije thaj vaćarde: "Kala manuša si Jevreja thaj ćeren buna ane amaro foro, 21 thaj vaćaren tare adetura save amen e Rimljanura ni smi te prihvati thaj te ićara amen pe lende."

22 Tegani e manuša uštile po Pavle thaj po Sila. E sudije pharade e šeja save sesa pe lende thaj vaćarde te šibin len. 23 Pale gova so šibisade len but, čhute len ano phanglipe thaj vaćarde ko čuvari te araćhol len šukar. 24 Kana dobisada gasavo naređenje, vov čhuta len ano emdurutno kotor taro phanglipe thaj lenđe pingre phanglja maškare phalja.

25 Ani opaš i rat o Pavle thaj o Sila molisajle, đilabije thaj hvalisade e Devle a kola phangle manuša šunde len. 26 A tari jekh drom i phuv lija but te tresil pe thaj gija crdija pe o temelji taro phanglipe. Sigate putajle sa e vudara thaj savorenđe pele e sinđira tare vasta. 27 Kana džungadilo o čuvari, dikhlja kaj si putarde e vudara taro phanglipe. Gija lija o mačo thaj manglja te mudarol pe, golese so dija gođi kaj našle e phangle manuša.

28 Al o Pavle andare sa o glaso dija vika: "Ma ćher tuće nisavo bilačhipe, golese so sam amen savore gothe!"

29 O čuvari rodija e memelja thaj prastija sigate andre. Tresisada tari dar thaj pelo ke pe koča anglo Pavle thaj anglo Sila.

30 Ikalda len avral thaj pučlja: "Cenime manušalen, so trubul te ćerav te spasiv man?"

31 Von vaćarde: "Pača ano Gospod o Isus thaj ka ave spasimo tu thaj ćire ćherutne."

32 Tegani vaćarde lese o Lafi e Gospodeso thaj savorenđe save sesa ane leso ćher. 33 Ane gova sato ani rat kova čuvari lija e Pavle thaj e Sila, thoda lenđe rane thaj sigate krstisajlo vov thaj sa lese ćherutne. 34 Pale gova anda len ane po ćher, dija len te xan thaj radujisajlo pe ćherutnencar golese so pačaja ano Dol.

35 Kana đivesajlo, e sudije bičhalde pe službenikuren te phenen e čuvarese: "Mukh kale duje manušen."

36 O čuvari vaćarda e Pavlese: "E sudije vaćarde te mukha tumen. Golese akana ikljen thaj džan ano miro!"

37 Al o Pavle vaćarda e službenikurenđe: "Marde amen angle manuša bizo sudo thaj iako sam Rimljanura, čhudije amen ano phanglipe thaj akana manđen čorale te ikalen amen? Našti gija! Nek aven korkore thaj nek ikalen amen!"

38 E službenikura đele ke sudije thaj vaćarde gova lenđe thaj von darajle kana šunde kaj si o Pavle thaj o Sila Rimljanura. 39 Avile, izvinisajle lenđe, a kana ikalde len andaro phanglipe, molisade len te ikljen andaro foro. 40 Kana o Pavle thaj o Sila iklile andaro phanglipe, đele ki Lidija, dikhlje pe e phralencar, zurade len thaj đele andar kava foro.