Atos 3

O Petar sastarol e banđe manuše

1 O Petar thaj o Jovane đele katane ano Hram ki molitva ko trin o sato ko đive. 2 E manuša inđarena jekhe manuše savo sasa bango tare po bijandipe thaj svako đive čhuvena le paši kapija e Hramesi savi akhardol "Lačhi", te prosil pare tare manuša save džan ano Hram. 3 Kana vov dikhlja e Petre thaj e Jovane kaj manđen te džan ano Hram, lija te prosil pare lendar.

4 O Petar thaj o Jovane dikhlje premal leste pa vaćarde: "Dikh pe amende!"

5 A vov dikhlja premal lende thaj dija gođi kaj ka den le khanči.

6 A o Petar vaćarda: "Zlato thaj srebro naj man, al kova so isi man dav tut: Ano alav e Isuseso e Hristeso taro Nazaret, ušti thaj phir!"

7 Lija le taro desno va thaj vazdija le. Thaj sigate zurajle lese pingre thaj lese zglobura. 8 Gija vov hutija, uštilo thaj phirda. Đelo lencar ano Hram, phirindoj thaj hutindoj hvalisada e Devle. 9 Sa e manuša dikhlje le sar phirol thaj šunde sar hvalil e Devle. 10 Kana džanglje kaj vov si kova savo bešola thaj prosila angli kapija e Hramesi savi akhardol "Lačhi", but čudisajle thaj divisajle kalese so sasa kale manušesa.