34 Tegani i Marija pučlja e anđelo: "Sar ka avol gova kana sem me vadži čhej?"

35 O anđelo o Gavrilo vaćarda laće: "O Sveto Duxo ka avol pe tute thaj o zuralipe e Embare Devleso ka učharol tut. Golese so o čhavoro savo ka bijandol ka avol sveto thaj ka akhardol Čhavo e Devleso. 36 Akh, i ćiri bibi i Jelisaveta ačhili khamni ane purane berša thaj ka bijanol murše. E manuša vaćarde kaj voj naštine te ačhol khamni, al akana si šov čhon khamni. 37 Golese so o Dol šaj te ćerol sa so phenol!"

38 I Marija phenda: "Ake, me sem sluškinja e Gospodesi. Nek avol manđe palo ćiro lafi!"

Thaj o anđelo đelo latar.