Lucas 19

O Zakej o carinco prihvatisada e Isuse

1 O Isus dija ano foro Jerihon thaj nakhlo gothar. 2 Odori bešlo nesavo manuš so akhardola Zakej, savo sasa šorutno e carincurengo thaj sasa barvalo. 3 Vov manglja te dićhol e Isuse, te dićhol ko si vov, al naštine tare but manuša, golese so o Zakej sasa cikno. 4 Golese prastaja po anglal, uklilo pi divljo smokva te dićhol e Isuse, golese so džanglja kaj ka naćhol gothar.

5 Kana avilo o Isus ke gova than, dikhlja le upre thaj vaćarda lese: "Zakej! Ulji sigate! Avđive trubul te avav gosto ane ćiro ćher."

6 O Zakej sigate ulilo taro kaš thaj anda e Isuse ane piro ćher radosno. 7 Savore, save kava dikhlje, vaćarde maškar peste taro Isus kaj ne bi trubula te avol ano ćher e grešnikoso.

8 Al o Zakej ačhilo thaj vaćarda e Gospodese: "Gospode! Akh, opaš mingro barvalipe ka dav e čororenđe. A te nekas phabardem, ka iriv lese štar droma pobut."

9 O Isus vaćarda lese: "Avđive avilo spasenje ane kava ćher, golese so i vov si čhavo e Avraameso! 10 Me, o Čhavo e manušeso, aviljem te rodav thaj te spasiv so si hasardo."