33 Kana avile ke kova than savo akhardola "Kokalo e šoreso", gothe čhute ko krsto e Isuse thaj lesa i e duje bilačhe manušen, jekhe tari lesi desno rig a avere tari levo rig.

34 Tegani o Isus vaćarda: "Dade! Oprosti lenđe, golese so ni džanen so ćeren."

Pale gova e vojnikura čhudije i kocka te ulaven maškar peste leso fostano.

35 But manuša gothe ačhile thaj dikhlje sa gova, a e manušenđe šorutne marde muj lesa vaćarindoj: "Averen spasisada, nek spasil akana korkoro pes, te si vov o Hrist, birimo e Devleso."

36 I e vojnikura marde muj lesa. Avile paše leste thaj manglje te den le te pijol šut. 37 Thaj vaćarde e Isusese: "Te san tu caro e Jevrejengo, spasi korkoro tut!"

38 A sasa upreder leste ploča pe savi sesa pisime kala lafura: "Kava si caro e Jevrejengo."

39 Jekh tare gola bilačhe manuša savo sasa ko krsto pašo Isus, marda muj thaj vaćarda lese: "Te san tu o Hrist, spasi tut thaj amen!"

40 Al taro aver krsto o dujto manuš dija vika pe leste vaćarindoj: "Tu li ni dara taro Dol? Kana san i tu korkoro gija osudimo. 41 Amen sam čače osudime golese so gova zaslužisadam, al vov ni ćerda khanči bilačhe."

42 Tegani vaćarda e Isusese: "Isuse, kana ka rese ane ćo carstvo, de tut gođi pe mande thaj av manđe milostivno."

43 Pe gova phenda lese o Isus: "Čače vaćarav tuće: avđive ka ave mancar ano raj!"