Lucas 8

27 Kana iklilo o Isus taro čamco, avilo paše leste andaro foro jekh manuš ane kaste sesa benga. But vreme sasa nango thaj ni bešlo ano ćher, nego bešlo ke limora.

28 Kana dikhlja e Isuse, dija vika thaj pelo ke pe koča angle leste. Andare sa o glaso dija vika: "So manđe mandar, Isuse, Čhaveja Embare Devleso? Moliv tut, ma muči man!" 29 Golese so o Isus već zapovedisada e bilačhe duxose te ikljol andare kava manuš. Angleder, e manuša phandena le ane sinđira thaj araćhena le. Al vov čhinola e sinđira thaj o beng inđarola le ani pustinja.

30 O Isus pučlja le: "Sar si ćiro alav?"

Vov phenda: "Legija," golese so but benga sesa ane leste. 31 Thaj e benga molisade e Isuse te ma bičhalol len ano bezdan.

32 Paše gothar sasa jekh brego kaj sesa pherdo bale save čarona. E benga molisade e Isuse te mućhol len te džan ane gola bale. Thaj o Isus mukhlja len te džan. 33 Tegani iklile e benga andare kova manuš thaj đele ane bale. Thaj e bale lije te prasten taro brego ano jezero thaj tasile.

34 Kana e manuša save arakhlje e balen, dikhlje so sasa, našle thaj đele te vaćaren tare gova ano foro thaj ane gava. 35 Tegani e manuša iklile te dićhen so sasa. Kana avile pašo Isus, arakhlje e manuše kastar iklile e benga, sar bešol urado paše Isusese pingre thaj si gođaver. Thaj von darajle.