Luka 8

O Isus sastarol e džuvlja thaj vazdol e čhejora tare mule

40 Kana irisajlo o Isus tari aver rig e jezerosi, e manuša sesa baxtale kana dikhlje le, golese so savore ađućarde le. 41 Thaj dikh, jekh manuš kaso alav sasa Jair, starešina e sinagogako, avilo thaj pelo ke koča anglo Isus thaj molisada le te avol ane leso ćher, 42 golese so sasa le jekhori čhej tare dešuduj berš thaj voj sasa dži o meripe.

Kana pojdisada o Isus e Jairesa ane leso ćher, ćićidije le e manuša. 43 Thaj maškare manuša sasa jekh nasvali džuvli tare rateso thavdipe već dešuduj berš. I džuvli sa piro barvalipe so sasa la, dija ke lekara, al nijekh naštine te sastarol la. 44 Voj avili od palal e Isusese thaj dolda le taro teluno kotor taro fostano thaj tare jekh drom ačhilo lako ratvalipe.

45 O Isus pučlja: "Ko dolda pe gova pe mande?"

Dži jekh lendar phende kaj naj von, vaćarda o Petar [thaj kola save sesa lesa]: "Gospode! But manuša si paše tute thaj ćićiden tut [a tu puče: ‘Ko dolda pe gova pe mande?’]."

46 Al o Isus vaćarda: "Khoni dolda pe pe mande, golese so osetisadem zor kaj iklili mandar."

47 Kana dikhlja i džuvli kaj našti garadol, avili darandoj, peli ke pe koča angle leste thaj vaćarda angle sa e manuša sose dolda pe pe leste thaj sar tare jekh drom sastili. 48 O Isus vaćarda laće: "Mingri čhej! Ćiro pačajipe sastarda tut. Dža ano mir!"

49 Dok o Isus vaćarda e džuvljaće, avilo jekh andaro ćher e Jaireso, o šorutno e sinagogako, thaj vaćarda lese: "Jaire, muli ćiri čhej. Ma muči e učitelje."

50 Kana šunda gova o Isus, vaćarda lese: "Ma dara! Samo pača thaj voj ka uštol."

51 Kana o Isus avilo ano ćher, ni dija khoni te džal andre, sem o Petar, o Jovane thaj o Jakov, e čhejorako dad thaj i dej. 52 Savore ruje thaj tugujisade andaro vođi pale late thaj o Isus vaćarda: "Ma roven. Ni muli, nego sovol."

53 Al von asaje e Isusese golese so džanglje so muli. 54 Vov dolda e čhejora taro va thaj dija vika vaćarindoj: "Čhejorije, ušti!" 55 Tare jekh drom irisajlo lako duxo thaj voj sigate uštili. O Isus naredisada lenđe te den la te xal. 56 Thaj lako dad thaj laći dej sesa začudime. Al vov zapovedisada lenđe khanikase te ma vaćaren so sasa.