O pačajipe bize šukar buća si mulo
14 Manglalen phralalen thaj phejalen, so isi tumen tare gova, te nesavo vaćarol kaj isi le pačajipe, al naj le buća šukar? Šaj li gasavo pačajipe te spasil le? 15 Te nesavo phral il phen naj len so te uraven thaj naj len so te xan svako đive, 16 so isi len tare gova te nesavo tumendar phenol lenđe: "Dža ano mir, taton thaj čaljon", al ni dol len so trubul len baše lengo telo?
17 Gija si thaj e pačajimasa: te si o pačajipe korkoro thaj naj le šukar buća, mulo si.
18 Al nesavo ka vaćarol: "Tut isi pačajipe, al man isi šukar buća." Gija sikav manđe ćiro pačajipe bize šukar buća a me ka sikavav tuće mingro pačajipe ane šukar buća!
19 Tu pača kaj postojil samo jekh Dol? Lačhe ćere! Al i e benga pačan thaj tresin!
20 Bigođaće manušeja, manđe li te dodžane, kaj o pačajipe bize šukar buća naj khančese? 21 Na li o Avraam, amaro paradad, sasa opravdimo baše pe šukar buća, kana ko oltar anda e Isaako pe čhave sar žrtva? 22 Dićhe kaj leso pačajipe sasa ano katanipe lese šukare bućencar, a o pačajipe e bućencar avol savršeno. 23 Gija pherdilo o Sveto lil savo vaćarol: "O Avraam pačaja e Devle thaj o Dol đinda lese leso pačajipe sar pravednost." Thaj akhardilo "e Devleso amal". 24 Gija, dićhen kaj o manuš baše pe šukar buća opravdil pe, a na samo baše piro pačajipe.
25 Gija i Raava savi sasa bludnica, ni li opravdisajli pe šukare bućencar, kana lija e glasnikuren thaj bičhalda len avere drumosa?
26 Tegani, sar si mulo o telo bizo duxo, gija si mulo o pačajipe bize šukar buća.