João 15

Yesuus Muka Woyni’ii Dhugicha

1 Yesuus, «Muki woyni’ii dhugichi Ana; ka dhaabee guddisu Abbaa kiyya. 2 Damee natti jirtu ta midhaan hin buunne mara inni muree hin gata; dameen midhaan buuttu ammoo caalchitte akka midhaan buuttuuf, qaccee kutee qulqulleessa. 3 Jecha ani isinitti dubbadheen isin ammumaayyuu qulqulloontaneertan. 4 Anaan jiraadha’a, anille isiniin hin jiraadha. Dameeleen ifumaan midhaan buuttee hin dandeettu; muka woyni’iititti yoo jiraatte qofa midhaan buutti. Akkasuma isinille yoo anaan hin jiraatin midhaan buusuu hin dandeettanu.

5 «Ani muka woyni’ii ti, isin dameele’e. Ka anaan jiraatu, ka anille isaan jiraadhu, inni midhaan hedduu hin buusa; anaan malee womaa godhuu hin dandeettanu.