Izraan Seera Waaqaa Kolba’aaf Dubbise
1 Kolbaan Israa’elii martinuu ji’a torbeesso’oo qachoota ifiititti qubatte; ji’a san guyyaa qaraa kolbaan duudiin Yerusaalemitti karra «Karra bisaanii» jedhamu fuula duratti gara keessaatitti tokkumma’aan wolitti qabante; isaanille Izraa barreessaa kitaabaa, «Kitaaba Seera Muuse’ee ka Waaqi kolbaa Israa’eliitiif kenne fidi!» jedhanee gaafatane. 2 Ji’a torbeesso’oo, guyyaa qaraa Izraan hayyichi nami hubatuu dande’u duudiin: dhiirti, dubartiin, diqqa’aa fi guddaan addee wolitti qabamaneeranutti Kitaaba Seeraa fide. 3 Inni gara gumii karra bisaanii fuula dura jirtuu garagalee, dhiiraa fi dubartii, akkasuma worra wo hubatuu dande’u duratti ganamaa haga orra’aa, qoonqoo guddo’oon dubbise; kolbaan duudiin Kitaaba Seeraa san akka dansaa dhageette.
8 Isaanille Kitaaba Seera Waaqaa san kolba’aaf dubbisanee, akka wonni dubbifamu kolba’aaf galu hiikanee issane.
18 Izraan guyyaa duraatii jalqabee haga guyyaa muummeffata jilaatitti, guyyuma guyya’aan Kitaaba Seera Waaqaa keessaa dubbise; isaan jila san haga guyyaa torbaa jilifatane; akkuma Seerri ajajutti guyyaa saddeetesso’oo aadaan muummeffata jilaa godhame.