Apocalipse 2

(1) ኤፈሶን ምክስ ኤሄንካንታ

1 ኤፈሶን ምክስ ኤሄናር ክታይንችንካንታ ኩን ጋይሰዮ ጻፍካ፥

"ኮና ታብዘን ቤዝንከስም ይንታ ምዝ አንካ የጅባብዘንኬ ዎርቀንካ ኡርሰርሳን ታብዛ ዞጰን ዎደርድንደትከስታ ዎክያር ኦንግድባብ ኩን ጋይዴ"። 2 የስታ ፍክስንም፥ የስታ ጉርንምኬ የስታ ዳንዳእንም እታ ኤዝድቴ፥ ዳቅልንከስም ማቼ የስ ዳንዳእተራክንግንዳ "ኦይትምስባብ ማታከክዶቆ ኦይትምስባቦቴ" ጋይድባብከስም ፋስት ኤስሰዮ ካርከንባብ ማስሰዮ ከትም የስ Ꮊፍሳን እታ ኤዝድቴ። 3 ዳንዳእካ የስታ ዳቅንምኬ እስታ ላምንጎካ ቦሳከይ ዶቆ ማጠንም የስ ተያንደትም እታ ኤዝድቴ። 4 ኬዛር ማቼ ዋልቃ የዘን እ ይንኤርድ ሪ ዶቅዴ፥ ና ኮነረ የስታ ኤና እሪንደትም ሶልመንም ዛቅተዬ፥ 5 ይና Ꮊስከካ ጬክን ጋይሳን ካርዘንካ የስ ዋቻናንኬረ ገቀርካ! ጎማ የስታ ፍክስንም ዎይስካ! ኤና እሪ የስ ይድᎺቃን የስታ ፍክስንም ፍክስካ፥ ኮም ሙዳ የስ ይዳክንዳ ማቼ የዝደር እታ Ꮊትቴ፥ የስታ ጎማፍክስን የስ ዎይሳክንዳ ማቼ የስታ ዞጰንም ዎደርድንደት ካርንዘንካ አምስትቴ። 6 ኬዛር ማቼ እ የስም ጎብዝድንዳ ዋልቃ ሪ ዶቅዴ፥ ኮነረ እ ግርድንደትም ኒቆላው ኤድንከስታ ፍክስንም ቦስተዬ።

7 አያንና Ꮊክ Ꮊክ ምክስ ኤሄንካንታ ጋይድንደትም ቃም ዶቅድባብ ኤሰራ! ሙደንም ጋምስባብ ሳብታ Ꮊዉስ ካርናር ዶቅድን ዶቅንት Ꮊቀንታ አፍን እጅድንግንዳ ክትም ይትቴ።✝2፡7 ፍዝ. 2፡7፤ ለም. 22፡2፤ ሕዝ. 28፡13፤ 31፡8።

(2) ሰምረነስ ምክስ ኤሄንካንታ

8 ሰምርነስ ምክስ ኤሄናር ክታይንችንካንታ ኩንጋይሶ ጻፍካ፥✝2፡8 ኢሳ. 44፡6፤ 48፡12፤ ለም. 1፡17፤ 22፡13።

"ኮና እርንባብኬ ቡርንባብ ማችባብዘንካ፥ ደእስባብኬ ደእናርንካ አምስባብ ኩን ጋይዴ"፥ 9 የስታ ማጠንምኬ ሪካይሳ የስታ ማትንተን እታ ኤዝድቴ፥ ማታጋካ ዳት የና ቆልመክንባበዬ፥ "አይሁድ ማታከክዶቆ አይሁዶቴ ጋይድባብከስ"፥ ሰጣንካ ዙገርድባብከስ፥ የስታ ላምንም የክስሳንደትም ኤዝድቴ፥ 10 የዘን የልድን ማጠንካንታ Ꮊይጳሴ፥ ይና የ ጰጭምድንግንዳ የንታ ዋርንካ ዋልቃ ዋልቀንከስም ዳብሎስ ዞክና ኤሀር የም አርችተረ፥ ታማ ሰጨረ ማጠንም ተይተረቴ፥ ደእ የለልተረ ኣመንምስባብ ማትካ፥ ዶቅንት ዛዉደንመረ የስካንታ እምትቴ።

11 "አያንና Ꮊክ Ꮊክ ምክስ ኤሄንካንታ ጋይድንደትም ቃም ዶቅድባብ ኤሰራ!

"ሙደንም ጋምስባብም ቃስትምስ ደእና ክትም ኡፈልዝዳክዬ"። ✝2፡11 ለም. 20፡14፤ 21፡8።

(3) ጰርጋሞን ምክስ ኤሄንካንታ

12 ጰርጋሞን ምክስ ኤሄንታ ክታይንችንካንታ ኩንጋይሶ ጻፍካ፥

ኮና፥ ቃስተንንጎካ ቃርሳን ማሰንም የጅባብ ኩን ጋይዴ፥ 13 የስ ሰጣንታ ባንችም ጎንገን ዶቅድን ካርዘን የስታ ዶቅንትን ኤዝድቴ፥ ማታጋካ ዳት እስታ ላምንም ኡርስት የተዬ፥ እስታዘን የስታ ዶቅድን ኣመንንም ካዳካዬ፥ ኣመንምስባብ እስታ ማርከን አንትጳስ ሰጣን ዶቅድን የንታ ካተመናር ክት ደይስምሳንደትካ ዎራ እንካ የስታ ኣመንምን ዛቃካዬ። 14 ኬዛር ማቼ እ የዘን ይንኤርድን ዋልቃ ዋልቃ ሪንከስ ዶቅዴ፥ ኮነረ ባለአምታ ኤስስን የጅባብ ዋልቃ ዋልቃ ኤድንከስ የንታ ዎክያር ዶቅደኬ፥ ኖኮና ባልአም እስራኤል ዎርሰንከስ ጮይስ ማታክን ሪንካንታ ካስምሳን እችምን እቼርንደትኬ ቤልምን ቤልመረኮ ከት ኮተርድንግንዳ ባላቅም ዞርስባቤ።✝2፡14 ፋይ. 22፡5፥7፤ 31፡16፤ 25፡1-3፤ ካሪ. 23፡4። 15 ኮትኮግንደረ ኒቆላውያን ኤድንከስታ ኤስስን የጅባብ ኤድንከሰረ የንታ ዎክናር ዶቅደኬ፥ 16 ኮካንታ ጎማ የስታ ፍክስንም ዎይስካ፥ ኩን የስ ይያክንዳ ማቼ ሳነካ የዝደር Ꮊድስቶ እስታ አፈናርንካ ዉድን ማሰንካ ከትም እክትቴ።

17 አያንና Ꮊክ Ꮊክ ምክስ ኤሄንካንታ ጋይድንደትም ቃም ዶቅድባብ ኤሰራ! ሙደንም ጋምስባብም አችምሳን ማነናርንካ ክትካንታ እምትቴ፥ ክላ ላም ጻፍምሳንደትም ጫምሳ ሰይንንመረ ክትካንታ እምትቴ፥ ክት ተይድባብዘንካ አብ ኮትኮም Ꮊየነረ ኤዝዳክዬ።✝2፡17 ዉት. 16፡14-15፥33-35፤ ዮሀ. 6፡48-50፤ ኢሳ. 62፡2።

(4) ትያጥሮን ምክስ ኤሄንካንታ

18 ትያጥሮን ምክስ ኤሄናር ክታይንችንካንታ ኩን ጋይሰዮ ጻፍካ፥

ኮና ኖሄንታ ሎግንችን ካምድን አፍንከስ ዶቅድባብኬ ኖሄታ ዎልስምካ ዘይሳን ጋይንም ካምድባብ ዱትንከስ ዶቅድባብ፥ ሳብ ይንችንዘንካ ኬዝምሳንዴ፥ 19 የስታ ፍክስንምኬ የስታ ሶልመን፥ የስታ ኣመንንኬ የስታ ፍክስንም፥ ዳንዳእንካ የስታ ዳቅንመረ ኤዝድቴ፥ ቡርንዳ የስታ ፍክስና እሪንደትዘንካ ስገድንደትመረ ኤዝድቴ። 20 ኬዛር ማቼ ዋልቃ የዘን እ ይንኤርድ ሪ ዶቅዴ፥ ኮነረ ሳብዘንካ ኤሰርስቶ ከዝድንድቴ ጋይድንደት ኮት ኤተን ኤልዛበለም በህን ጋይሰዮ ኮትም ዳንዳእሰዬ፥ ና እስታ ፍክስንባብከስ ቤልምድንግንደኬ ጮይስ ማታክን ሪንካንታ ካሰርሳን እችምን ከት እጅድንግንዳ ኤስስካ ና ከትም ኮተርስቴ።✝2፡20 1 ባንቺ. 16፡31፤ 2 ባንቺ. 9፡22፥30። 21 ኮት ጎማፍክስን ይንታ ዎይዝድንግንዳ ሰጫ ኮትካንታ እምሳቴ፥ ናማቼ ይንታ ቤልምንታ ጎማ ፍክስ ዎይስን ዝጋክዬ። 22 ኮካንታ ሰቀርሶ ማጠታ ሰለንዘን ኮት ራድንግንዳ ይትቴ፥ ኮትከረ ክክን ከት ፍክሳᎺቃን ዳቅል ፍክስንታ ጎማ ፍክስን ይንታ ዎይስሰኮ ከት ማታክንዳ ማቼ ኮትከረ ክክን ቤልማ Ꮊቅባብከስመረ ሙዳ ዳቅሳን ማጠን ኬታዘን ተይᎺትቴ፥ 23 ኮትም ጎርስማᎺቅባብከስም ደእካ ከትም ሰርትቴ፥ Ꮊክ Ꮊክ ምክስ ኤሄንከሰረ ሙዳ ኤታ ገቅርምንኬ አንግርም ፋስት ኤዝድባብ እ ማቻንደትም ኤስተረኬ፥ የ ዋልቃ ዋልቀንካንተረ የንታ ፍክስንግንዳ እምትቴ።

24 ትያጥሮናር የ ዶቅድባብካንተኬ ኮትኮም ዳቅል ኤስስን የተያክባብ ሙደንካንታ፥ ኮትኮግንደረ ዋልቃ ዋልቀንከስ ሰጣንታ ኤስምዳክንዳ አችምሳንደ ጋይድባብከስም የ ጎርስማክባብዘን አብ ክቴንም የካንታ እምዳክቴ፥ 25 ኬዛርካ ማቼ እ Ꮊተርን የለልታ የንታ ዶቅድንደትም ዳቅስት የድከቴ። 26 ይንታ ኣመንካ ጋምስባብካንተኬ፥ እስታ ፍክስንዘነረ በእንታ የለልታ ዳቅድባብካንታ አይሁድ ማታክባብከስታዘን ገችታ ኤረንም ክትካንታ እምትቴ፥ 27 ስብል ጉፈንካ ከትም ቆልተረ፥ ፍጨዘንካ ኡርስምሳን ድግድን ሪንከስግንደረ ጎድሶ እላግንዳ ከትም ማስተሬ፥ ኮነረ ገችታ ኤራ እታ እስታ ባቤንዘንካ እ ተያንግንዴ። 28 ሰጭማ ማንካር ቤዝንመረ ጋምንተታ ቃዉታ ማድንግንዳ ክትካንታ እምትቴ። 29 አያንና Ꮊክ Ꮊክ ምክስ ኤሄንካንታ ኬዝድንደትም ቃም ዶቅድባብ ኤሰራ!