ዮሀንስ 20

የሱስ ማግደላ ፍጨናርንካ Ꮊዳን ማራመትካንታ Ꮊፍርና

11 ማግደላ ፍጨናርንዳ ማራማ ኤፈሮ፥ ዱክ ጎርንታ ማልጎካ ዎእሶ Ꮊቄ፥ ኤፈሮ ይርክን ጋይሶ ዱክንታ ዋር ና ሰጄ። 12 የሱሰታ ለይስን Ꮊቃን ካርንዘን ጫምሳ አፍላ ቆበርስባብከስ ቃስተን ክታይንችንከስ ዋልቃባብ ቃዳኦል ጎካ ዋልቃባብ ዱት ኦል ጎካ ዶቅሶ ዶቅድንካ ና ሰዴ። 13 ከተረ ማራመም፥ "የና ኤተኖ! Ꮊረተስ ኤብዳ?" ኮደር ጋይሰኬ።

ናየረ "እስታ ጮይስን ተይ አይሰኬ፥ Ꮊብር ከት ዎጃ ናነረ ኤሳይቴ" ና ጋይሴ።

14 ኮመረ ና ጋይሶ ይንታ ቡር ዋልን ኮት ጋይድንካ የሱሰም ዎእሶ ክት ዶቅድንካ ክትም ሰዴ፥ የሱስ ክት ማቻንደትም ና ኤሳክዬ። 15 የሱስ፥ "የና ኤተኖ Ꮊረተስ ኤብዳ፥ Ꮊይመስ ዝግዳ?" ኮትም ጋይሴ።

ናየረ Ꮊምንባብ ካምስንካ፥ "እባቦ! የስ ተይንዳ ማቼ የስ Ꮊብር ዎጃናንከረ ዋደ እም ከስካ፥ እታ ተይ አይትቴ" ክደር ጋይሴ።

16 የሱሰረ "ማራሞ!" ኮትም ጋይሴ። ናየረ ክደር ዋልን ጋይሶ እብራይስጥ አፈካ "ረቡን!" ክትም ጋይሴ፥ ቡልነረ "የና ኤስስንባቦ!" ጋይንትዬ።

17 የሱሰረ "አክ እባብደር አያክቴ እም Ꮊይ ዎሌ ኬዛርንካ ማቼ እስታ እስመንከዘደር አይሳዮ ‘እታ እባብደርኬ የንታ ባቤንደር፥ እስታ ጮይስንደርኬ የንታ ጮይስንደር አይድቴ ኖ ጋይቴ’ ጋይሰዮ ከትም ኬዝካ" ኮትም ጋይሴ።

18 ኮካንታ ማግደላ ፍጨናርንዳ ማራማ የሱሰታ ካርንካ ጎርስምድባብከዝደር አይሶ ጮይስም ይ ሰዳንግንደኬ ኖየረ Ꮊስ ኮትካንታ ጋይሳናነረ ከትካንታ ና ኬዜ።