João 4

46 ኮታ ቡር የሱስ ሎቀንም ዎይን ዎጭም ማስሶ ክት ኦክሳን ገሊላ ፍጫር Ꮊፈርድን ቃና ካተመናር አናካርንካ ማቼ፥ ኮትᎺይካ ቅፍራናሆማር ክታ ይንች ሰቀርስባብ ዋልቃ ባንችንታ ዶርምስባብ Ꮊቄ።✝4፡46 ዮሀ. 2፡1-11። 47 ኖየረ የሱስ ይሁዳ ፍጨናርንካ ገሊላር ክታ Ꮊድንም ኤሰርሶ ክደር አይሴ፥ ቅፍራናሆማር ክት Ꮊንቸርድንግንደኬ ዘና ሰቀርሶ ደእካንታ የልስባብ ይንችንም ክትካንታ ፋችዝድንግንዳ የሱሰም ምክሴ። 48 የሱሰረ "የታ አተንምኬ በርእዝድ ር የ ሰዳክንዳ ማቼ Ꮊረሰነረ የታ አመንዳከቴ!" ክትም ጋይሴ።

49 ኖ ዶርምስባብነረ "የባቦ! እስታ ይንችና ደእተርንደታ እር ዋደ ሳነካ Ꮊትካ" ጋይሴ።

50 የሱሰረ "የስታ ኤር አይካ! የስታ ይንችና ሰንፔካ ዶቅተሬ" ክደር ጋይሴ።

ኤችነረ የሱስ ኬዛንደትም ቃለን አሜንሶ ይንታ ኤሪ አይሴ። 51 ክት አይድንከረ ፍክስንባብከስ ጎግያር ክትም Ꮊፍስንደትከ "የስታ ይንችና ፋጭቴ" ጋይሶ ክደር ኬዘኬ።

52 ኖየረ ይንችና ኡርማ ክት ማቻን ሳዓትን ከትም ኦይሴ። ከተረ "ናካ ታብዛ ሳዓትንዘን ዘና ሶልና ክትም ዛቅሴ" ጋይሰኬ። 53 ባበነረ የሱስ "የስታ ይንችና ሰንፔካ ዶቅተሬ" ጋይሳንደረ ኮትኮ ሳዓትንዘን ማቻን ኖ ኤሴ፥ ኮካንታ ኮትኮ ሰጨንዘንካ የድሶ ክትኬ ኤር ኤድንካ ሙዳ የሱሰም አመንሰኬ።

54 ኮና አታ ቃዉተና የሱስ ይሁዳርንካ ገሊላር Ꮊድሶ ክት ይሳንዳ ቃስትምስ አታ ቃዉቴ።