João 8

4 የሱሰመረ፥ "ኤስስንባቦ፥ ኮሰቼ፥ ኮና ኤተና ኮት ቤልምድንካ ና የድምሴ፥ 5 ኮግንዳ ማነና ሰይንካ አቀርሶ ኮት ደእድንግንዳ ሙሳ ዎንታ ህግንካ ክቴ፥ የና ኮትጎካ Ꮊረስ ጋይዳ?" ኩን ጋይሴ።✝8፡5 ዉት. 20፡10፤ ካሪ. 22፡22-24። 6 ኮመረ ከት ጋይሳንዳ ክታዘን ክስታ ጎግ ከት Ꮊፍተርንግንዳ ክትም ጰጫካንታ ዝግሶ Ꮊቄ፥ የሱስ ማቼ ይርክን ጋይሶ ይንታ ግልኤካ ፍጨዘን ጻፍ የጄ።

7 ካርንካ ካርንካ ኬት ክትም ኦይሳንደትካ ጬክን ጋይሶ፥ "የንታ ዎክያርንካ ጎማ ካየንባብ እርምሶ ሰይንካ ኮትም አቃ!" ከትም ጋይሴ። 8 ኮታ ቡረረ ካርንካ ይርክን ጋይሶ ፍጨዘን ጻፍሴ። 9 ከተረ ኮም ኤሰርሳንደትካ ጋልተን ኬዘንካ የድሶ ሙደና ዋልቃ ዋልቃ ጋየረኮ ኮታዘንካ አይትበእሰኬ፥ ኮካንታ የሱስ ከታ ዎክናር ዎእሶ Ꮊቃን ኤተንከ ክትከ Ꮊክ ነገዴ። 10 ኮታ ቡር የሱስ ጬክን ጋይሶ፥ "የና ኤተኖ የስም ካሰስንባብከስ Ꮊማ? የዘን ፋረጅባብከስ Ꮊየሰነረ ካዮ?" ኮደር ጋይሴ።

11 ናየረ "የባቦ! Ꮊየሰነረ ካዬ" ና ጋይሴ። የሱሰረ "እተረ የዘን ፋረዳክቴ፥ አይካ፥ ካርንካ ጎማ Ꮊይፍክሴ" ኮትም ጋይሴ።*8፡11 በድ ኤና እር ጻፈርሳንደትከ ኤና እር ቡልንከስ 7፡53—8፡11 ዶቅድባብከስም ጉጃየኬ፥ ዋልቃ ዋልቀንከስ፥ ዮሀ. 21፡24 ቡር አርጅደኬ፥ አብንከሰረ ጉጅሶ ሉቃ. 21፡38 ቡር አርጅደኬ፥ ዋልቃ ኤና እር ጻፈርሳንደረ ጉጅሶ ዮሀ. 7፡36 ቡር አርጅደኬ።