Lucas 1

ማራመታ ጋለታ የቺ

46 ማራመረ፥

"እስታ ሰንፔና ጮይስም ጬክ ጬክሳ ይዴ።✝1፡46 1 ሳሙ. 2፡1-10።

47 እስታ አያንነረ እስታ ኤልን ሳብንካ ጉርምዴ፥

48 እ ክታ ፍክስንእንደታ ቶችምን ኖ ሰቴ።

ታክንዘንካ የችሶ አጥር ሙደና ና ጭልዬ እም ጋይተረኬ፥✝1፡48 1 ሳሙ. 1፡11።

49 ዎልቀንክንባብ ሳብና ኖ አንድር ር እካንታ ይቴ፥

ላምነረ ክታ ጭልዬ።

50 ሳብም ጳዝድባብከስካንታ ክታ አጭርና

አጥርዘንካ አጥር የለልታ ዶቅተሬ።

51 ይንታ ዳቅማ ቀስንካ ፍክስንም ፍክስቴ፥

ከታ ይንታ ቡዳ ገቅርንካ ኦተርድባብከስም ይጭቴ።

52 "አንድርካ ቆልድባብከስም ከታዶቅንት ጎንገንዘንካ Ꮊንችስቴ፥

"ይንታ ማተንም ይርክሳ ይድባብከስም ማቼ ጬክ ጬክሳ ከትም ይቴ።✝1፡52 ኢዮብ 5፡11፤ 12፡19።

53 ዳቀርስባብከስም ኡርማ ርካ ምስስቴ፥

ቆልመንባብከስም ማቼ አን ዉች ከትም ኦይቴ፥

54 ይንታ አጭር ገቀርንካ፥ ይንታ ፍክስንባብ እስራኤልም አሌን አልቴ።

55 ኮነረ ዎንታ ባቤንከስካንታ ኬዝምሳን ግንዳ፥

አብረሀምካንተከ ክታ ሱሰንካንታ ጋይሳንደትም

ስለንክንደታ Ꮊድን ጉርም ቃለንም ቦድካንቴ" ኩን ጋይሴ።✝1፡55 ፋይ. 17፡7።