ማቶስ 22

ደእያርንካ አምንተንጎካ

23 ኮታይካ፥ "ደእስባብከስታ አምንታ ካዬ" ጋይድባብ ሰዶቃዊያንንከስ የሱሰደር Ꮊድሰኮ ኩንጋየሮ ክትም ኦይሰኬ፥✝22፡23 ኦይት. ፍ. 23፡8። 24 "የ ኤስስንባቦ! ሙሴ ‘ዋልቃ ኤድ ይንች አጣክዶቆ ይንታ ኬነንዘንካ ደእካ ክት ፋስምሴ ክታ እስመና ደእስባብታ ኬነንም ማስሶ ክትካንታ ይንች አጣ’ ጋይቴ።✝22፡24 ካሪ. 25፡5። 25 ኮትኮግንደረ ታብዛ እስመንከስ ዎንደር ዶቅደኬ፥ ከትሙደንተረ እስመነና ማና እንችሶ ይንች አጣክሳ ደእሴ፥ ኮካንታ ክታ ካንስና ደእስባብታ ኬነንም ማስሴ። 26 ኮትኮግንደረ፥ ቃስትምስነረ፥ ማክምስነረ ታብስን የለልታ ከታ ሙደነረ ኮትም እንችሰኮ ደእሰኬ። 27 ከትሙደንተረ በእንተዘን ኤተና ይንታ ማታ ደእሴ። 28 ይና፥ ከታ ታብዘነረ ኮትም እንቻንካንታ ደእናርንካ አምንተን ሰጨንካ Ꮊይቶክ ማና ማዳ?" ጋይሰኬ።

29 የሱስ ማቼ፥ "የታ ጭል ማጻፍንከስምኬ ሳብታ ዎልቀንም የንታ ኤስክሳ ነግንተንካ የታ ኮተርደቴ። 30 ደእስባብከስታ አምንተን Ꮊይካ ኤድንከስ ጭላር ዶቅድን ክታይንችንከስግንዳ ማደክ ዳት እንቻየኬ፥ ይአየኬ። 31 ጉጅሰረ ደእያርንካ አምንተንጎካ ሳብ የካንታ ኬዛንደትም ናበባከቴ? 32 ክተረ ጋይሳንዳ ኩኔ፥ ‘እታ አብራሀመታ ሳብ፥ ይሳቀታ ሳብ፥ ያይቆበታ ሳብቴ።’ ኮካንታ ሳብ ሰንፔንክንባብከስታ ሳብ ዳት ደእስባብከስታ ሳብ ካዬ" ኩን ጋይሶ ማስሴ።✝22፡32 ዉት. 3፡6።

33 ዎርሰነረ ኮም ይ ኤሰርሳንደትካ ክታ ኤስስንካ በርእሰኬ።